Shanmukh Jaswanth : బ్రేకప్ పై స్పందించిన షణ్ముఖ్.. సోషల్ మీడియా వేదికగా ఎమోషనల్ పోస్ట్..

సోషల్ మీడియాలో సెన్సేషన్ గా మారిన దీప్తి సునయన, షణ్ముఖ్ జంట గురించి ప్రత్యేకంగా చెప్పాల్సిన అవసరం లేదు

Shannu

Rajeev Rayala |
Updated on: Jan 01, 2022 | 3:13 PM

Shanmukh Jaswanth : సోషల్ మీడియాలో సెన్సేషన్ గా మారిన దీప్తి సునయన, షణ్ముఖ్ జంట గురించి ప్రత్యేకంగా చెప్పాల్సిన అవసరం లేదు. ఈ ఇద్దరు కలిసి పలు షార్ట్ ఫిలిమ్స్ తోపాటు కవర్ సాంగ్స్ లోనూ మెరిశారు. ఇక సోషల్ మీడియాలో ఈ ఇద్దరికీ విపరీతమైన ఫాలోయింగ్ ఉంది. ఇదిలా ఉంటే ఈ ఇద్దరు లవ్ లో ఉన్న విషయం కూడా అందరిలో తెలుసు. ఇదిలా ఉంటే షణ్ముఖ్ జశ్వంత్‏తో విడిపోతున్నట్లు అతని ప్రేయసి దీప్తి సునయన తెల్చీ చెప్పేసింది. గత కొద్ది రోజులుగా వీరిద్దరు విడిపోతున్నారంటూ సోషల్ మీడియాలో వార్తలు తెగ హల్చల్ చేశాయి. తాజాగా ఈ వార్తలు నిజమేనంటూ తెల్చేసింది దీప్తి.. తామిద్దరం విడిపోతున్నామంటూ తన ఇన్‏స్టా ఖాతాలో షేర్ చేసింది దీప్తి.

దీనిపై షణ్ముఖ్ స్పందించాడు. అతడు కూడా సోషల్ మీడియా వేదికగా ఈ వ్యవహారం పై స్పందించాడు. నిర్ణయాలు తీసుకునే హక్కు దీప్తికి ఉందని. మా దారులు వేరని తెలిసిందని.. ఇక మా బంధం 5 ఏళ్ళు అందంగా గడిచిందని తెలిపాడు షణ్ముఖ్. నాకు తాను హ్యాపీగా ఉండటమే కావలి అంటూ రాసుకొచ్చాడు. ఈ ఐదేళ్లలో నీ సపోర్ట్ తో చాలా నేర్చుకున్నాను.. మంచి వ్యక్తిగా ఎదిగాను.. అని ఎమోషనల్ పోస్ట్ షేర్ చేశాడు షణ్ముఖ్. ఇక దీప్తి షణ్ముఖ్ విడిపోవడం పై నెటిజన్లు కామెంట్లు కురిపిస్తున్నారు.