Adipurush: సీత పాత్రలో జీవించి తరించిపోయాను.. కానీ కృతి సనన్ ఈ జనరేషనే కదా..దీపిక చిఖిల..
ప్రీ రిలీజ్ ఈవెంట్ మరుసటి రోజు చిత్రయూనిట్ తిరుమల శ్రీవారిని దర్శించుకున్నారు. డైరెక్టర్ ఓంరౌత్, హీరోయిన్ కృతిసనన్, మిగతా టీం సభ్యులు అర్చనా సమయంలో శ్రీవారిని దర్శించుకుని వెళ్లి పోతున్న సమయంలో డైరెక్టర్ ఓంరౌత్ హీరోయిన్ కృతి సనన్ ను హత్తుకుని బుగ్గుపై ముద్దుపెట్టి సాగనంపాడు. ఆలయ ప్రాంగణంలో అనుచింతగా ప్రవర్తించడంతో వీరి తీరుపై ఆగ్రహం వ్యక్తం చేశారు భక్తులు.
Updated on: Jun 09, 2023 | 4:16 PM
మోస్ట్ అవైటెడ్ ఫిల్మ్ ఆదిపురుష్ మరికొద్ది రోజుల్లో ప్రేక్షకుల ముందుకు రానున్న సంగతి తెలిసిందే. ఇప్పటికే భారీ అంచనాలు నెలకొన్న ఈ మూవీ కోసం దేశవ్యాప్తంగా ఆడియన్స్ ఎంతో ఆసక్తిగా ఎదురుచూస్తున్నారు. ఇటీవలే ఈ సినిమా ప్రీ రిలీజ్ వేడుకను తిరుపతిలో గ్రాండ్ గా నిర్వహించింది చిత్రయూనిట్. ఈ వేడుకకు దాదాపు లక్ష మందికి పైగా అభిమానులు విచ్చేయగా.. అంగరంగ వైభవంగా ఆదిపురుష్ ప్రీ రిలీజ్ ఈవెంట్ జరిగింది.అయితే అదే సమయంలో ఈ సినిమా చిక్కుల్లో పడింది. ప్రీ రిలీజ్ ఈవెంట్ మరుసటి రోజు చిత్రయూనిట్ తిరుమల శ్రీవారిని దర్శించుకున్నారు. డైరెక్టర్ ఓంరౌత్, హీరోయిన్ కృతిసనన్, మిగతా టీం సభ్యులు అర్చనా సమయంలో శ్రీవారిని దర్శించుకుని వెళ్లి పోతున్న సమయంలో డైరెక్టర్ ఓంరౌత్ హీరోయిన్ కృతి సనన్ ను హత్తుకుని బుగ్గుపై ముద్దుపెట్టి సాగనంపాడు. ఆలయ ప్రాంగణంలో అనుచింతగా ప్రవర్తించడంతో వీరి తీరుపై ఆగ్రహం వ్యక్తం చేశారు భక్తులు. ఇందుకు సంబంధించిన వీడియోస్ నెట్టింట వైరల్ కావడంతో కృతిసనన్, ఓంరౌత్ పై పెద్ద ఎత్తున విమర్శలు వచ్చాయి.
తాజాగా ఈ వివాదం పై అలనాటి నటి దీపిక చిఖిల స్పందించారు. “నేటి కాలంలో ముద్దుపెట్టుకోవడం.. కౌగిలించుకోవడం మంచి సాంప్రదాయమనుకుంటున్నారు. ఇక కృతిసనన్ కూడా ఈ జనరేషన్ హీరోయినే కదా.. అందుకే ఆమె సీత పాత్రలో లీనమైపోలేదు. కేవలం తాను పాత్ర పోషిస్తున్నాను అనుకుంది. ఇప్పటితరం వాళ్లు ఆ పాత్ర ఎమోషన్స్ పట్టుకోలేరు. వారికి అందులో ఎంతగా జీవించిపోవాలో తెలియదు. అలాంటివారికి రామాయణం అంటే కేవలం ఒక సినిమా మాత్రమే. ఆధ్యాత్మికంగా ఆ సినిమాతో వారు కనెక్ట్ కాలేరు. గతంలో నేను సీత పాత్రలో చేశాను.. కానీ అందులో జీవించి తరించిపోయాను. ఇప్పటితరం కేవలం పాత్రలాగే చూస్తారు. సినిమా అయిపోయాక.. తన రోల్ అయిపోయిందని ఫీల్ అవుతారు.
అప్పట్లో పౌరాణిక చిత్రాల్లో నటించేవాళ్లను కనీసం పేరు పెట్టి కూడా పిలిచేవారు కాదు. అలాంటి దేవుళ్ల పాత్రలు చేస్తున్నప్పుడు ఎంతోమంది వచ్చి మా కాలికి నమస్కరించేవారు. మమ్మల్ని నటులుగా కాకుండా నిజమైన దేవుళ్లుగా భావించేవారు. హగ్గులకు, ముద్దులకు ఆస్కారమే ఉండేది కాదు. ఆదిపురుష్ సినిమా రిలీజ్ కాగానే అందులో పనిచేసినవాళ్లంతా సినిమాను మర్చిపోయి మరో ప్రాజెక్ట్ లో బిజీ అవుతారు. కానీ అప్పట్లో అలా కాదు. అప్పట్లో మమ్మల్ని దేవుళ్లుగా చూసుకునేవారు. అందుకే ప్రజల మనోభావాలను దెబ్బతీసే పనులు మేం ఎప్పుడూ చేయలేదు.” అంటూ చెప్పుకొచ్చారు.
