Samantha: సమంతపై వస్తోన్న రూమర్స్‌పై నాగ చైతన్య స్పందించాలి: సామ్ స్టైలిస్ట్ ప్రీతమ్

చై-సామ్ విడాకుల విషయంలో తనతో పాటు సమంతపై కూడా వస్తోన్న ట్రోలింగ్‌పై నాగచైతన్య స్పందించాలని ఆమె స్టైలిస్ట్ ప్రీతమ్ జుకల్కర్ వెల్లడించారు..

Jukalker

Ravi Kiran | Edited By: Anil kumar poka

Updated on: Oct 11, 2021 | 5:48 PM

చై-సామ్ విడాకుల విషయంలో తనతో పాటు సమంతపై కూడా వస్తోన్న ట్రోలింగ్‌పై నాగచైతన్య స్పందించాలని ఆమె స్టైలిస్ట్ ప్రీతమ్ జుకల్కర్ వెల్లడించారు. ఈ రూమర్స్ విషయంలో నాగచైతన్య స్పందిస్తే పరిస్థితిలో మార్పు వస్తుందని అన్నారు. తాజాగా ఓ జాతీయ మీడియాకు ఇచ్చిన ఇంటర్వ్యూలో ప్రీతమ్ జుకల్కర్ పలు ఆసక్తికర విషయాలను పంచుకున్నాడు.

ఈ సందర్భంగా ప్రీతమ్ జుకల్కర్ మాట్లాడుతూ.. ”నాతో పాటు సమంతపై వస్తోన్న ట్రోలింగ్‌కు నాగచైతన్య స్పందించకపోవడం బాధను కలిగిస్తోంది. నేను సమంతను జీజీ(తెలుగులో అక్క అని అర్ధం) అని పిలుస్తాను. ఈ విషయం నాగచైతన్యతో పాటు చాలామందికి తెలుసు. ఆయన ఈ రూమర్స్‌పై స్పందించకపోవడం బాధను కలిగిస్తోంది.. ఒక్క స్టేట్‌మెంట్ ఇస్తే ఖచ్చితంగా పరిస్థితుల్లో మార్పు వస్తుంది” అని పేర్కొన్నారు.

ఇదిలా ఉంటే సమంత బాధలో ఉన్న సమయంలో ఇలా ట్రోలింగ్ చేయడం సరికాదని.. ట్రోలింగ్‌కు భయపడకుండా ఆమెకు అండగా నిలుస్తానని ప్రీతమ్ జుకల్కర్ చెప్పుకొచ్చారు. మరోవైపు సమంతకు సినీ ప్రముఖులు ఒక్కొక్కరిగా బాసటగా నిలుస్తున్నారు. సోషల్ మీడియా ఖాతాల ద్వార సమంతపై వస్తున్న తప్పుడు వార్తలను ఖండించడమే కాకుండా.. అసలు విషయం అది కాదని.. సమంత పిల్లలను కావాలనుకుందని చెప్పుకొస్తున్నారు.