Rashmika Mandanna: పుష్ప 1లో జ్ఞాపకాల్లో రష్మిక.. పుష్పరాజ్, శ్రీవల్లి లుక్ టెస్ట్ చూశారా..?

ఇప్పుడు ఎక్కడ చూసిన పుష్ప 2 పేరువినిపిస్తుంది. భారీ అంచనాల మధ్య డైరెక్టర్ సుకుమార్ తెరకెక్కించిన ఈ సినిమాలో ఐకాన్ స్టార్ అల్లు అర్జున్, నేషనల్ క్రష్ రష్మిక మందన్నా జంటగా నటిస్తున్న సంగతి తెలిసిందే. డిసెంబర్ 5న ఈ మూవీ గ్రాండ్ గా విడుదులకానుంది. ఈ క్రమంలో తాజాగా పుష్ప 1 జ్ఞాపకాలను షేర్ చేసుకుంది రష్మిక.

Rashmika Mandanna

Rajitha Chanti |
Updated on: Nov 15, 2024 | 8:42 AM

మోస్ట్ అవైటెడ్ మూవీ పుష్ప 2. ఎప్పుడెప్పుడా అని సినీప్రియులు ఆసక్తిగా ఎదురుచూస్తున్న సినిమా ఇది. డైరెక్టర్ సుకుమార్ తెరకెక్కించిన ఈ సినిమా డిసెంబర్ 5న ప్రపంచవ్యాప్తంగా విడుదలకానుంది. తెలుగు, తమిళం, కన్నడ, మలయాళం, హిందీ భాషలలో ఈ చిత్రాన్ని రిలీజ్ చేయనున్నారు. ఇక త్వరలోనే పుష్ప 2 ట్రైలర్ రిలీజ్ చేయనున్నారు. దేశంలోని పలు ప్రధాన నగరాల్లో ఈ మూవీ ట్రైలర్ లాంచ్ ఈవెంట్స్ నిర్వహించనున్నారు. ఈ నెల 17న పాట్నాలో గ్రాండ్ గా పుష్ప ట్రైలర్ లాంచ్ ఈవెంట్ జరగనుంది. మరోవైపు పుష్ప 2 ప్రమోషన్స్ జోరుగా నిర్వహిస్తున్నారు మేకర్స్. ఇప్పటికే అన్ స్టాపబుల్ షోలో పాల్గొన్నాడు బన్నీ. శుక్రవారం అర్ధరాత్రి నుంచి ఆహా ఓటీటీలో ఈ షో స్ట్రీమింగ్ జరుగుతుంది.

ఇదిలా ఉంటే.. తాజాగా పుష్ప 1 జ్ఞాపకాలను గుర్తుచేసుకుంది రష్మిక. పుష్ప 2 ట్రైలర్ త్వరలోనే రిలీజ్ కానున్న నేపథ్యంలో పుష్ప 1 జ్ఞాపకాలు మరోసారి గుర్తుచేసుకుంది. “పుష్ప 2 ట్రైలర్ మరోసారి గుర్తుచేసుకున్నాను. ఈ సినిమాకు సంబంధించి ఇప్పటివరకూ నేను సోషల్ మీడియాలో మీతో ఎలాంటి ఫోటోస్ పంచుకోలేదు. అందుకే ఇప్పుడు పోస్ట్ చేస్తున్నాను” అంటూ కొన్ని ఫోటోస్ షేర్ చేసింది. ఆమె పోషించిన శ్రీవల్లి పాత్ర లుక్ టెస్ట్ ఫోటో.. రష్యాలో అల్లు అర్జున్ తో కలిసి దిగిన స్టిల్స్, దర్శకుడు సుకుమార్, నిర్మాతలతో కలిసి దిగిన ఫోటోస్, నా సామి సాంగ్ మీకింగ్ వీడియో పంచుకుంది. శ్రీవల్లి క్యారెక్టర్ కోసం తిరుపతి వెళ్లి కొంత రీసెర్చ్ చేశానని రష్మిక తెలిపింది.

ఇవి కూడా చదవండి

పుష్ప 2 పై ఇప్పటికే భారీ హైప్ నెలకొంది. ఇందులో శ్రీలీల స్పెషల్ సాంగ్ చేయనుండడంతో మరిన్ని అంచనాలు పెరిగాయి. ఇప్పుడు అడియన్స్ పుష్ప 2 ట్రైలర్, కిస్సిక్ స్పెషల్ సాంగ్ కోసం ఎంతో ఆసక్తిగా వెయిట్ చేస్తున్నారు. ఇదిలా ఉంటే.. పాట్నాలోని గాంధీ మైదాన్ లో ట్రైలర్ లాంచ్ ఈవెంట్ ఏర్పాటు చేయనున్నారు.