Vyooham: ‘వ్యూహం’ రిలీజ్‌ డేట్ మళ్లీ మారింది.. ‘పట్టు వదలని విక్రమార్కుడిని’.. అంటూ ఆర్జీవీ సంచలన పోస్ట్

ఏపీ సీఎం జగన్ జీవిత కథ, ఏపీ రాజకీయాల ఆధారంగా సంచలన దర్శకుడు రామ్ గోపాల్‌ వర్మ తెరకెక్కించిన చిత్రం వ్యూహం. వైఎస్ జగన్‍మోహన్ రెడ్డి క్యారెక్టర్‌లో రంగం ఫేమ్‌ అజ్మల్ అమీర్ నటించారు. వైఎస్ భారతి పాత్రలో మానస కనిపించనుంది. ఎప్పుడో షూటింగ్ పూర్తి చేసుకున్న వ్యూహం సినిమా రిలీజ్‌ వాయిదా పడుతూ వస్తోంది. గతేడాది థియేటర్లలోకి రావాల్సిన ఈ పొలిటికల్ డ్రామా వివిధ కారణాలతో పోస్ట్ పోన్ అవుతోంది. అయితే ఎట్టకేలకు అన్ని అడ్డంకులు తొలగిపోయాయి. మార్చి1న వ్యూహం సినిమాను థియేటర్లలోకి తీసుకొస్తున్నట్లు అధికారికంగా ప్రకటించారు. అయితే ఇప్పుడీ సినిమా రిలీజ్ డేట్ మళ్లీ మారింది. ఒకరోజు ఆలస్యంగా అంటే మార్చి 2న థియేటర్లలో వ్యూహం సినిమా సందడి చేయనుంది. ఈ విషయాన్ని సోషల్‌ మీడియా ద్వారా వెల్లడించారు రామ్ గోపాల్ వర్మ. ‘పట్టు వదలని విక్రమార్కుడిని’ అని క్యాప్షన్‌తో పాటు తన మూవీ సెన్సార్ సర్టిఫికెట్‌ని చేతిలో పట్టుకున‍్న ఫొటోని ట్విట్టర్ లో పోస్ట్ చేశారు. ప్రస్తుతం ఈ పోస్ట్ సామాజిక మాధ్యమాల్లో వైరల్ గా మారింది.

వైఎస్సార్ మరణానంతరం ఆంధ్రప్రదేశ్‌ రాజకీయాల్లో చోటు చేసుకున్న కీలక పరిణామాల నేపథ్యంలో వ్యూహం సినిమాను తెరకెక్కించారు ఆర్జీవీ. ధనుంజయ్ ప్రభునే, పద్మావతి, రేఖా నిరోశా తదితరులు కీలకపాత్రల్లో కనిపించనున్నారు. దాసరి కిరణ్ కుమార్ నిర్మించిన ఈ చిత్రానికి ఆనంద్ మ్యూజిక్ డైరెక్టర్‌గా ఉన్నారు. కాగా వ్యూహం సినిమాకు సీక్వెల్ గా శపథం సినిమాను కూడా అనౌన్స్ చేశారు వర్మ. వ్యూహం రిలీజైన వారం రోజులకే అంటే మార్చి 8న శపథం కూడా రిలీజ్ అవుతుందని ఇది వరకే ప్రకటించారు ఆర్జీవీ. అయితే ఇప్పుడు వ్యూహం ఒక రోజు ఆలస్యంగా రిలీజ్ కానుంది. మరి శపథం రిలీజ్ డేట్ పై ఎప్పుడు అప్ డేట్ ఇస్తాడో ఆర్జీవీ.

ఇవి కూడా చదవండి

మహేశ్ బాబు మెచ్చిన 'పోచర్' వెబ్ సిరీస్‌ .. ఏ ఓటీటీలో చూడొచ్చంటే?

సమంతను ఫాలో అయిన బిగ్ బాస్ బ్యూటీ వాసంతి.. పెళ్లి ఫొటోలు చూశారా?

షారుఖ్ ఖాన్‌కు ప్రత్యేక కృతజ్ఞతలు తెలిపిన జాన్ సీనా.. కారణమిదే

సైలెంట్ గా ఓటీటీలోకి వచ్చేసిన 'గేమ్ ఆన్'.. స్ట్రీమింగ్ ఎక్కడంటే?

చేతిలో గన్ తో ఆర్జీవీ..

పట్టు వదలని విక్రమార్కున్ని .. VYOOHAM in theatres MARCH 2nd 💪 pic.twitter.com/DoGK95a4PB

— Ram Gopal Varma (@RGVzoomin) February 28, 2024

అమితాబ్ బచ్చన్ తో రామ్ గోపాల్ వర్మ, దాసరి కిరణ్ కుమార్..

Me and Dasari Kiran Kumar VYOOHAM ing with SARKAR Amitabh Bachchan at RGV DEN 💐💐💐 pic.twitter.com/jnboZKlhHc

— Ram Gopal Varma (@RGVzoomin) February 28, 2024

VYOOHAM postponed to March 1st and SHAPADHAM postponed to March 8th pic.twitter.com/EVpXpYCRmW

— Ram Gopal Varma (@RGVzoomin) February 22, 2024

మరిన్ని సినిమా వార్తల కోసం ఇక్కడ క్లిక్ చేయండి.