Actress Sunaina: ఆసుపత్రి బెడ్ పై టాలీవుడ్ హీరోయిన్.. చేతికి సెలైన్‌‏తో ఫోటోస్ వైరల్..

టాలీవుడ్ ఇండస్ట్రీలో తొలి సినిమాతోనే క్లిక్ అయిన హీరోయిన్లలో సునైనా ఒకరు. యంగ్ అండ్ టాలెంటెడ్ హీరో శ్రీవిష్ణు ప్రధాన పాత్రలో నటించిన రాజ రాజ చోర సినిమాతో తెలుగు సినీ పరిశ్రమలో హీరోయిన్‏గా గుర్తింపు తెచ్చుకుంది. ఈ సినిమాలో సునైనా సహజ నటనతో అడియన్స్ హృదయాలను గెలుచుకుంది. ఈ సినిమా తర్వాత అంతగా సినిమాల్లో కనిపించలేదు. తాజాగా ఆమె ఇన్ స్టా పోస్ట్ చూస్తే.. సునైనా ఆసుపత్రి పాలైనట్లు తెలుస్తోంది. చేతికి సెలైన్ పెట్టుకున్న ఫోటోస్ ఇన్ స్టాలో వైరలవుతున్నాయి. అయితే ఆమెకు ఏమైందనేది మాత్రం తెలియరాలేదు. దీంతో ఆమెకు ఏమైందంటూ అభిమానులు కామెంట్స్ చేస్తుండగా.. మరింత దృఢంగా తిరిగి వస్తానని మాత్రం చెప్పుకొచ్చింది. దీంతో ఆమె త్వరగా కోలుకోవాలని అభిమానులు కోరుకుంటున్నారు.

సునైనా..2005లో కుమార్ వర్సెస్ కుమారి సినిమాతో తెలుగు తెరకు పరిచయమైంది. ఆ తర్వాత తెలుగులో సమ్ థింగ్ స్పెషల్, 10th క్లాస్ సినిమాల్లో నటించి అలరించింది. అంతకు ముందు కాదలిల్ విడుంతేన్ అనే సినిమాతో కోలీవుడ్ ఇండస్ట్రీలోకి అడుగుపెట్టి.. ఆ త్వాత నీర్ పార్వై సినిమాకు ఉత్తమ నటిగా ఫిలింఫేర్ అవార్డ్ అందుకుంది. ఆ తర్వాత తమిళ్ బిగ్ బాస్ 4 సీజన్ లో పాల్గొంది. చివరిసారిగా ఆమె లాఠీ చిత్రంలో కనిపించింది. ఈ బ్యూటీకి తెలుగులో మాత్రం అంతగాగుర్తింపు రావడం లేదు.

View this post on Instagram

A post shared by Sunainaa Yeellaa (@thesunainaa)

ఇటీవల ఆమె నటించిన రెజీనా సినిమా ప్రమోషన్లలో సునైనా మాట్లాడుతూ.. సూపర్ స్టార్ రజనీకాంత్ నటించిన ‘చంద్రముఖి’ సినిమా చూసి తనకు నటి కావాలనే కోరిక వచ్చిందని తెలిపింది. ప్రస్తుతం సునైనా వెబ్ సిరీస్ లలో నటిస్తోంది. గతంలో సునైనా కిడ్నాప్ అయ్యిందంటూ వార్తలు చక్కర్లు కొట్టాయి. గత రెండు రోజులుగా సునైనా కిడ్నాప్ గురైందని వార్తలు వినిపించాయి. దీంతో ఆమె గురించి పోలీసులు విచారణ చేపట్టారు. అదే సమయంలో అది కేవలం సినిమా స్టంట్ అని.. తన నెక్ట్స్ మూవీ కోసం అలా కిడ్నాప్ డ్రామా ఆడారని తెలియడంతో సునైనా పై తీవ్రస్థాయిలో విమర్శలు వచ్చాయి.

View this post on Instagram

A post shared by Sunainaa Yeellaa (@thesunainaa)

మరిన్ని సినిమా వార్తల కోసం ఇక్కడ క్లిక్ చేయండి.