Raashii Khanna: ఆ వార్తల్లో ఏమాత్రం వాస్తవం లేదు.. క్లారిటీ ఇచ్చిన రాశిఖన్నా..

ఊహలు గుసగుసలాడే సినిమాతో హీరోయిన్ గా పరిచయమైంది బబ్లీ బ్యూటీ రాశిఖన్నా. తొలి సినిమాతోనే అందం అభినయంతో ఆకట్టుకున్న ఈ చిన్నది.

Rashi Khanna

Rajeev Rayala |

Updated on: Apr 06, 2022 | 6:11 PM

Raashii Khanna: ఊహలు గుసగుసలాడే సినిమాతో తెలుగులో హీరోయిన్ గా పరిచయమైంది బబ్లీ బ్యూటీ రాశిఖన్నా(Raashii Khanna). తొలి సినిమాతోనే అందం అభినయంతో ఆకట్టుకున్న ఈ చిన్నది. తక్కువ సమయంలోనే మంచి అవకాశాలను అందుకుంది. ఈ కుర్రాది దాదాపు యంగ్ హీరోలందరి సరసన నటించి మెప్పించింది. వరుస సినిమాలతో టాలీవుడ్‌లో తనకంటూ ఓ ప్రత్యేక గుర్తింపు తెచ్చుకుంది ఈ భామ. ఇప్పుడు వెబ్‌సిరీస్‌లతోనూ ప్రేక్షకులను అలరిస్తోంది. తెలుగుతో పాటు తమిళ్ లోనూ సినిమాలు చేస్తూ దూసుకుపోతుంది. ప్రస్తుతం గోపీచంద్‌తో కలిసి పక్కా కమర్షియల్‌ చిత్రంలో నటిస్తోంది రాశి. దీంతోపాటు నాగచైతన్యతో కలిసి థ్యాంక్యూ సినిమాలో స్క్రీన్ షేర్‌ చేసుకోనుంది. వీటితో పాటు సర్దార్‌ (తమిళం), యోధా(హిందీ), షైతాన్‌ కా బచ్చా(హిందీ) సినిమాల్లో నటిస్తూ బిజీగా ఉంటోందీ అందాలతార. తాజాగా ఈ అమ్మడికి సంబంధించిన ఓ వార్త గత కొద్దిరోజులుగా సోషల్ మీడియాలో చక్కర్లు కోసుతుంది. ఈ ముద్దుగుమ్మ సౌత్ సినిమాల పై అలిగింది టాక్.

సౌత్ లో తన టాలెంట్ కు తగ్గ సినిమాలు రావడం లేదని.. దాంతో సౌత్ సినిమాలపై ఆమె ఫోకస్ పెట్టడం లేదని వార్తలు పుట్టుకొచ్చాయి. దాంతో రాశిఖన్నా పై నెగటివ్‌ ప్రచారం మొదలైంది. ఆమెను టార్గెట్ చేసి కొందరు ట్రోల్స్ చేస్తున్నారు. ఈ విషయం పై తాజాగా రాశి స్పందించింది. తన గురించి వస్తున్న వార్తల్లో వాస్తవం లేదని తెలిపింది. తాజాగా సోషల్ మీడియాలో ఓ పోస్ట్ ను షేర్ చేసింది.. సౌత్ సినిమాలను దూషిస్తూ నేను వ్యాఖ్యలు చేశానంటూ కొన్ని అసత్య ప్రచారాలు నెట్టింట వైరల్‌గా మారాయి. వాటిలో ఏమాత్రం నిజం లేదు. నేను ప్రతి భాషను, ప్రతి సినిమాను గౌరవిస్తాను. కాబట్టి దయచేసి ఆ ప్రచారాలను ఇకనైనా ఆపండి. అంటూ సోషల్ మీడియా వేదికగా చెప్పుకొచ్చింది రాశిఖన్నా. అయితే రాశిఖన్నా ‘మద్రాస్‌ కేఫ్‌’అనే బాలీవుడ్ సినిమాతోనే ఎంట్రీ ఇచ్చింది. ఆ సినిమా ఆశించిన స్థాయిలో విజయం సాధించకపోవడంతో టాలీవుడ్ వైపు అడుగులేసింది. చాలా కాలం తర్వాత రీసెంట్ గా రుద్ర అనే సినిమాలో నటించింది. ఈ సినిమా మంచి విజయాన్ని అందుకుంది. ఈ సినిమా ప్రమోషన్స్ సమయంలో రాశిఖన్నా సౌత్ సినిమాలను తక్కువ చేసి మాట్లాడిందని పుకార్లు పుట్టుకొచ్చాయి.

Rashi Khanna.