Raashi Khanna: రాశిఖన్నాకు అదిరిపోయే ఆఫర్.. పాన్ ఇండియా స్టార్ హీరో సినిమాలో ఛాన్స్ కొట్టేసిన బబ్లీ బ్యూటీ..

ఊహలు గుసగుసలాడే సినిమాతో ప్రేక్షకులకు పరిచయమైనా ముద్దుగుమ్మ రాశిఖన్నా. మొదటి సినిమాతోనే తన అందం, అభినయంతో ఆకట్టుకుంది ఈ భామ.

Rajeev Rayala |
Updated on: Jun 11, 2021 | 3:10 PM

Raashi Khanna:

ఊహలు గుసగుసలాడే సినిమాతో ప్రేక్షకులకు పరిచయమైనా ముద్దుగుమ్మ రాశిఖన్నా. మొదటి సినిమాతోనే తన అందం, అభినయంతో ఆకట్టుకుంది ఈ భామ. ఊహలు గుసగుసలాడే సినిమా మంచి టాక్ ను సొంతం చేసుకోవడంతో రాశీఖన్నాకు తెలుగులో అవకాశాలు క్యూ కట్టాయి. దాదాపు యంగ్ హీరోలందరి సరసన నటించింది ఈ వయ్యారి. జిల్, బెంగాల్ టైగర్, జైలవకుశ, రీసెంట్ గా వచ్చిన ప్రతిరోజు పండగే వంటి సినిమాలతో మంచి గుర్తిపు తెచ్చుకుంది రాశి. ఎన్టీఆర్ జైలవకుశ తప్ప మిగిలిన సినిమాలన్నీ మీడియం రేంజ్ హీరోలతోనే చేసింది ఈ ముద్దుగుమ్మ. ఇక హిందీ వెబ్ సిరీస్ లోను ఈ సుందరి బిజీగానే ఉంది.అయితే ఇప్పుడు ఈ అమ్మడికి అదిరిపోయే ఆఫర్ వచ్చిందని తెలుస్తుంది. ఏకంగా పాన్ ఇండియా స్టార్ సినిమాలో ఛాన్స్ దక్కించుకుందని ఇండస్ట్రీలో టాక్ నడుస్తుంది. ఇంతకు ఆ స్టార్ హీరో ఎవరో తెలుసా.. రెబల్ స్టార్ ప్రభాస్

ప్రభాస్ ప్రస్తుత్తం వరుసగా భారీ సినిమాలను కమిట్ అయి ఉన్నాడు. ఇప్పటికే ఈ సినిమాలన్నీ ఒకదానివెంట ఒకటి షూటింగ్ ను మొదలు పెట్టాయి. వీటిలో ఇప్పటికే రాధాకృష్ణ దర్శకత్వంలో చేస్తున్న రాధేశ్యామ్ సినిమా షూటింగ్ చివరి దశకు వచ్చేసింది. ఈ సినిమా తరవాత ప్రశాంత్ నీల్ దర్శకత్వంలో సలార్ సినిమా చేస్తున్నాడు. ఈ సినిమా పూర్తయిన వెంటనే బాలీవుడ్ దర్శకుడు ఓ రౌత్ తో ఆదిపురుష్ సినిమా చేస్తున్నాడు ఇలా వరుస సినిమాలు చేస్తున్న ప్రభాస్ ఆతర్వాత నాగ్ అశ్విన్ దర్శకత్వంలో చేయనున్నాడు. ఇది సైన్స్ ఫిక్షన్ మూవీ .. పాన్ ఇండియా స్థాయిలో ఈ సినిమా నిర్మితం కానుంది. కీలకమైన పాత్రల కోసం వివిధ భాషల నుంచి నటీనటులను ఎంపిక చేస్తున్నారు. ఆల్రెడీ అమితాబ్ .. దీపికా పదుకొనే పేర్లు ఖాయమైపోయాయి. ఇప్పుడు ఈ సినిమాలో కీళక పాత్రలో రాశిఖన్నా నటిస్తుందని తెలుస్తుంది. త్వరలోనే ఈ విషయంలో క్లారిటీ రానుంది.

మరిన్ని ఇక్కడ చదవండి :