R. Madhavan : పైరసీలో సినిమా చూసి ట్వీట్ చేసిన వ్యక్తి.. మాధవన్ ఎలా స్పందించాడంటే..
పైరసీ భూతం సినిమా ఇండస్ట్రీని వదలడం లేదు. సినిమా రిలీజ్ అయిన రోజు సాయంత్రానికే సినిమా పైరసీ అవుతుంది. దాంతో వందల కోట్లు పెట్టి తీసిన సినిమాలను ప్రేక్షకులు థియేటర్స్ కు వెళ్లి చూడకుండా అవుతోంది.
Updated on: Jul 12, 2022 | 7:40 AM
పైరసీ భూతం సినిమా ఇండస్ట్రీని వదలడం లేదు. సినిమా రిలీజ్ అయిన రోజు సాయంత్రానికే సినిమా పైరసీ అవుతుంది. దాంతో వందల కోట్లు పెట్టి తీసిన సినిమాలను ప్రేక్షకులు థియేటర్స్ కు వెళ్లి చూడకుండా అవుతోంది. తాజాగా ఓ వ్యక్తి పైరసీలో సినిమాను చూసి సినిమాబాగుందని , క్లామాక్స్ మళ్లీ మళ్లీ చూశానని సోషల్ మీడియాలో పోస్ట్ పెట్టాడు. అంతే కాకుండా సదురు హీరోను కూడా ట్యాగ్ చేశాడు. దాంతో అతడు అడ్డంగా బుక్కయ్యాడు. విషయం ఏంటంటే హీరో మాధవన్(R Madhavan) నటించిన లేటెస్ట్ మూవీ ‘రాకెట్రీ’ (Rocketry)ఇటీవలే ఈ సినిమా ప్రేక్షకుల ముందుకు వచ్చింది. ఈ సినిమా మంచి టాక్ సొంతం చేసుకుంది కూడా.. అయితే ఈ సినిమాను కొందరు పైరసీ చేసి పలు వెబ్ సైట్స్ లో ఉంచారు. పైరసీలో సినిమా చూసిన ఓ వ్యక్తి..
మాధవన్ నటన పై ప్రశంసలు కురిపించాడు. అలాగే దర్శకుడిగా మొదటి సినిమా అయినా కూడా అదరగొట్టేశారు అన్నాడు. సినిమా లో క్లైమాక్స్ నాకు బాగా నచ్చింది. క్లైమాక్స్ సీన్స్ ను మళ్లీ మళ్లీ చూశాను.. అంటూ చెప్పుకొచ్చాడు. ఈ మేరకు ట్వీట్ చేశారు. దీనిపై హీరో మాధవన్ స్పందించాడు. క్లైమాక్స్ సన్నివేశాలను మీరు మళ్లీ మళ్లీ ఎలా చూడగలిగారు.? అని ప్రశ్నించాడు. దానికి చాలా మంది పైరసీలో చూసి ఉంటాడు అంటూ కామెంట్ చేస్తున్నారు. ఇప్పుడు ఈ ట్వీట్ వైరల్ గా మారింది. భారత అంతరిక్ష పరిశోధనా సంస్థ మాజీ శాస్త్రవేత్త నంబి నారాయణన్ జీవితాధారంగా తెరకెక్కిన చిత్రం ‘రాకెట్రీ’ . ఆర్. మాధవన్ తొలిసారిగా దర్శకుడిగా మారి ఈచిత్రాన్ని తెరకెక్కించాడు. సీనియర్ నటీమణి సిమ్రన్ కీలక పాత్రలో నటించింది. హిందీ, తమిళం, తెలుగు, కన్నడ, మలయాళం, ఇంగ్లిష్ భాషల్లో రూపుదిద్దుకున్న ఈ చిత్రంలో షారుఖ్, సూర్య కీలకపాత్రల్లో కనిపించారు.
