Pushpa: పుష్ప నుంచి మూడో సాంగ్.. గురువారం ఉదయం ‘సామీ సామీ’ పాట విడుదల..

అల్లు అర్జున్, రష్మిక మందన్నా జంటగా నటిస్తున్న లేటేస్ట్ చిత్రం పుష్ప. ఆర్య, ఆర్య 2 వంటి సూపర్ హిట్స్ అందించిన తర్వాత బన్నీ, సుకుమార్ కలయికలో రాబోతున్న సినిమా కావడంతో పుష్పపై అంచనాలు భారీగానే ఉన్నాయి. అంతేకాకుండా.. మొదటి సారి పూర్తి స్థాయి ఢీ గ్లామర్ లుక్‏లో లారీ డ్రైవర్ పుష్ప రాజ్ పాత్రలో కనిపించబోతున్నాడు బన్నీ. దీంతో ఈ సినిమా కోసం ప్రేక్షకులు ఆసక్తిగా ఎదురుచూస్తున్నారు. ఎర్ర చందనం స్మగ్లింగ్ నేపథ్యంలో వస్తున్న ఈ చిత్రాన్ని రెండు భాగాలుగా విడుదల చేయనున్నారు. ఫస్ట్ పార్ట్ ని ”పుష్ప: ది రైజ్” పేరుతో డిసెంబర్ 17న ప్రేక్షకుల ముందుకు తీసుకొస్తున్నారు.

ప్రమోషన్స్‎లో భాగంగా ‘సామీ సామీ’ అనే సాంగ్ లిరికల్ వీడియోని మేకర్స్ రేపు విడుదల చేయనున్నారు. ఈ పాటను గురువారం ఉదయం 11:07 గంటలకు రిలీజ్ చేయనున్నట్లు చిత్ర బృందం వెల్లడించింది. మైత్రీ మూవీ మేకర్స్ – ముత్యంశెట్టి మీడియా బ్యానర్స్ పై నవీన్ ఎర్నేని – వై రవిశంకర్ భారీ బడ్జెట్ తో ”పుష్ప” సినిమాని తీస్తున్నారు. మిరోస్లా కుబా బ్రోజెక్ ఈ చిత్రానికి సినిమాటోగ్రఫీ అందిస్తుండగా.. కార్తీక శ్రీనివాస్ ఎడిటింగ్ వర్క్ చేస్తున్నారు. పుష్పకు దేవిశ్రీ ప్రసాద్ స్వరాలు అందిస్తున్నారు. తెలుగు తమిళ మలయాళ కన్నడ భాషల్లో ఈ పాట ప్రోమోని విడుదల చేశారు. ఇప్పటికే ఈ చిత్రం నుంచి దాక్కొదాక్కొ మేక, శ్రీవల్లి పాటలు వచ్చాయి. దాక్కొదాక్కొ పాట యూట్యూబ్‎లో ఇప్పటికే 10 మిలియన్లకు పైగా చూశారు.

Read Also.. Pooja Hegde: విలాసవంతమైన ఇంటిని నిర్మిస్తోన్న పూజా హెగ్డే.. ఎక్కడో తెలుసా..