అన్న‌య్య‌ గ‌న్‌తో కాల్చుకొని చ‌నిపోదామ‌నుకున్నా: ప‌వ‌న్‌

అన్న‌య్య‌ గ‌న్‌తో కాల్చుకొని చ‌నిపోదామ‌నుకున్నా: ప‌వ‌న్‌
Chiranjeevi 64th Birthday Celebrations

ఆగస్టు 22 చిరంజీవి పుట్టిన రోజు. ఈ సందర్భంగా బుధవారం హైదరాబాద్‌లో అభిమానుల మధ్య చిరు పుట్టిన రోజు వేడుకలు జరిగాయి. ముఖ్య అతిథిగా పవన్‌ కల్యాణ్‌ హాజరయ్యారు. రాజ‌కీయాల‌లోకి వెళ్ళిన త‌ర్వాత సినిమాల‌కి, సినిమా అభిమానుల‌కి పూర్తి దూరంగా ఉన్న ప‌వ‌న్ నిన్న కాస్త ఎమోషనల్ అయ్యారు. ప‌వ‌న్‌ని చూసిన అభిమానుల‌కి ఆనందం హ‌ద్దులు దాటింది. కొంద‌రు స్టేజ్ పైకి వ‌చ్చి ఆయ‌న కాళ్ల‌పై ప‌డ్డారు. ఈ కార్య‌క్ర‌మంలో ప‌వ‌న్ త‌న అన్న త‌న‌కి స్పూర్తి […]

Ram Naramaneni

|

Aug 22, 2019 | 9:15 PM

ఆగస్టు 22 చిరంజీవి పుట్టిన రోజు. ఈ సందర్భంగా బుధవారం హైదరాబాద్‌లో అభిమానుల మధ్య చిరు పుట్టిన రోజు వేడుకలు జరిగాయి. ముఖ్య అతిథిగా పవన్‌ కల్యాణ్‌ హాజరయ్యారు. రాజ‌కీయాల‌లోకి వెళ్ళిన త‌ర్వాత సినిమాల‌కి, సినిమా అభిమానుల‌కి పూర్తి దూరంగా ఉన్న ప‌వ‌న్ నిన్న కాస్త ఎమోషనల్ అయ్యారు. ప‌వ‌న్‌ని చూసిన అభిమానుల‌కి ఆనందం హ‌ద్దులు దాటింది. కొంద‌రు స్టేజ్ పైకి వ‌చ్చి ఆయ‌న కాళ్ల‌పై ప‌డ్డారు. ఈ కార్య‌క్ర‌మంలో ప‌వ‌న్ త‌న అన్న త‌న‌కి స్పూర్తి ప్ర‌దాత అని, ఆయ‌న లేక‌పోతే తాను లేన‌ని చెప్పుకొచ్చాడు. ఓ మ‌హ‌నీయుడు జీవిత చ‌రిత్ర‌ని త‌న అన్న‌య్య చేయ‌డం చాలా ఆనంద‌గా ఉంద‌ని కూడా ప‌వ‌న్ పేర్కొన్నాడు.

అఖిల భారత చిరంజీవి యువత ఆధ్వర్యంలో జరిగిన చిరంజీవి పుట్టినరోజు వేడుకల్లో పవర్ స్టార్ మాట్లాడుతూ.. ‘సైరా’ లో నటించినవారిలో నాకిష్టమైన ఇద్దరు వ్యక్తులు ఉన్నారు. వారిలో ఒకరు అన్న‌య్య‌గారు కాగా, మ‌రొక‌రు అమితాబ్ బ‌చ్చ‌న్‌. ఈ సినిమా వ‌లన అమితాబ్ గారిని క‌లిసే అవ‌కాశం నాకు ద‌క్కింది అని ప‌వ‌న్ అన్నారు . మా అన్న‌య్య నాకు స్పూర్తి ప్ర‌ధాత అని ఎందుకు చెప్పానంటే ఇంట‌ర్మీడియెట్ ఫెయిల్ అయిన త‌ర్వాత నాలో నిరాశ‌, నిస్పృహ పెరిగాయి. అప్పుడు అన్న‌య్య వ‌ద్ద ఉన్న లైసెన్స్‌డ్ గ‌న్‌తో కాల్చుకొని చ‌నిపోదామ‌నుకున్నా. కాని ఆ రోజు అన్న‌య్య చెప్పిన మాట‌లు నాలో చాలా ధైర్యాన్ని పెంచాయి అంటూ పవన్ ఎమోషనల్‌గా మాట్లాడారు.

Follow us on

Most Read Stories

Click on your DTH Provider to Add TV9 Telugu