Pawan Kalyan: పవన్ కళ్యాణ్.. సాయి ధరమ్ తేజ్ సినిమాకు ఇంట్రెస్టింగ్ టైటిల్..
తమిళంలో సూపర్ హిట్ అయిన వినోదయ సీతం రీమేక్ గా ఈ మూవీ వస్తుంది. ఇందులో పవన్ మరోసారి దేవుడిగా కనిపించనున్నారు. గతంలో వెంకటేష్ నటించిన గోపాల గోపాల చిత్రంలో కృష్ణుడిగా కనిపించారు పవన్. ఇక ఇప్పుడు మళ్లీ దేవుడి పాత్రలో అలరించబోతున్నారు. ఇప్పటికే ఈ సినిమాలో తన పాత్ర షూటింగ్ కంప్లీట్ చేశారు పవన్.
Updated on: Apr 29, 2023 | 3:05 PM
ప్రస్తుతం చేతినిండా సినిమాలతో ఫుల్ బిజీగా ఉన్నారు పవర్ స్టార్ పవన్ కళ్యాణ్. ఇప్పటికే ఆయన ప్రధాన పాత్రలో డైరెక్టర్ క్రిష్ దర్శకత్వంలో హరి హర వీరమల్లు సినిమా చేస్తున్న సంగతి తెలిసిందే. ఇందులో నిధి అగర్వాల్ కథానాయికగా నటిస్తోంది. ఈ సినిమాతోపాటు.. తన మేనల్లుడు సాయి ధరమ్ తేజ్ తో కలిసి పవన్ ఓ ప్రాజెక్ట్ చేస్తున్నారు. ఈ చిత్రానికి సముద్రఖని దర్శకత్వం వహిస్తున్నారు. తమిళంలో సూపర్ హిట్ అయిన వినోదయ సీతం రీమేక్ గా ఈ మూవీ వస్తుంది. ఇందులో పవన్ మరోసారి దేవుడిగా కనిపించనున్నారు. గతంలో వెంకటేష్ నటించిన గోపాల గోపాల చిత్రంలో కృష్ణుడిగా కనిపించారు పవన్. ఇక ఇప్పుడు మళ్లీ దేవుడి పాత్రలో అలరించబోతున్నారు. ఇప్పటికే ఈ సినిమాలో తన పాత్ర షూటింగ్ కంప్లీట్ చేశారు పవన్.
అయితే ఈ సినిమా టైటిల్ గురించి గత కొద్ది రోజులుగా సోషల్ మీడియాలో అనేక వార్తలు చక్కర్లు కొడుతున్నాయి. ఈ సినిమాకు దేవర దేవుడు అనే టైటిల్ పరిశీలనలో ఉన్నట్లు టాక్ నడిచింది. ఇక ఇప్పుడు ఈ మూవీకి దేవుడే దిగి వచ్చినా అనే టైటిల్ ఫిక్స్ చేసే ఆలోచనలో ఉన్నారట మేకర్స్.అయితే దీనిపై త్వరలోనే అనౌన్స్మెంట్ రానుందట. ప్రస్తుతం శరవేగంగా షూటింగ్ జరుపుకుంటున్న ఈ మూవీ జూన్ 28న రిలీజ్ చేయనున్నారట. కొద్ది రోజులుగా తేజ్ కు సంబంధించిన షూటింగ్ జరుగుతుంది.
ఇదిలా ఉంటే.. వినోదయ సీతం రీమేక్ కాకుండా.. సాహో డైరెక్టర్ సుజిత్ దర్శకత్వంలోనూ పవన్ ఓ సినిమా చేస్తున్నారు. ఈ చిత్రానికి ఒరిజినల్ గ్యాంగ్ స్టర్ అనే టైటిల్ ఫిక్స్ చేశారు. ప్రస్తుతం ఈ మూవీ సెట్స్ పై ఉంది. అలాగే డైరెక్టర్ హరీష్ శంకర్, పవన్ కాంబోలో ఉస్తాద్ భగత్ సింగ్ మూవీ రాబోతుంది.
మరిన్ని సినిమా వార్తల కోసం ఇక్కడ క్లిక్ చేయండి.
