Mahesh Babu: దైవం మహేశ్ రూపేణ.. మరో చిట్టి ప్రాణం నిలిపిన సూపర్ స్టార్.. ఇదే కదా నీ కథ
"ఇదే కదా ఇదే కదా నీ కథ.. ముగింపు లేనిదై సదా సాగదా.. ఇదే కదా ఇదే కదా నీ కథ.. ముగింపు లేనిదై సదా సాగదా".. ఈ లిరిక్స్ మహేశ్కు రియల్ లైఫ్లో సైతం యాప్ట్ అవుతాయి.
సూపర్ స్టార్ మహేశ్. కలెక్షన్స్తో బాక్సాఫీస్ రికార్డులు బద్దలుకొట్టే చరిష్మ ఉన్న హీరో. కోట్లలో ఫ్యాన్స్ ఉన్న కథానాయకుడు. టాలీవుడ్ మోస్ట్ హ్యాండ్సమ్ స్టార్. ఇవన్నీ కాయిన్కు ఓ వైపు మాత్రమే. మహేశ్ ఓ రియల్ హీరో కూడా. ఎక్కడ ఏ చిట్టి గుండెకు కష్టం ఉందన్నా కూడా వెంటనే అక్కడ వాలిపోతాడు. ఆ బిడ్డలకు ఊపిరి పోసేందుకు తన శాయశక్తులా ప్రయత్నిస్తాడు. కోలుకున్న ఆ చిన్నారులు ముఖాల్లో నవ్వులు చూసి మురిసిపోతాడు. అందుకే దైవం మహేశ్ రూపేణ అంటున్నారు ఆ చిన్నారులు తల్లిదండ్రులు, నెటిజన్స్. తాజాగా మరో పాపకు ప్రాణం పోశాడు మహేశ్.
ఆదిలాబాద్ జిల్లాకు చెందిన ఓ చిన్నారి హార్ట్ ప్రాబ్లమ్తో సఫర్ అవుతున్న విషయం తెలుసుకున్న సూపర్ స్టార్.. ఆ కుటుంబానికి ఆర్థిక సాయం చేయడంతో పాటు ఉచితంగా ఆపరేషన్ కూడా చేయించాడు. జిల్లాలోని జైనథ్ మండలం సిర్సన్న గ్రామానికి చెందిన.. 10 నెలల పాపాయి కనకాల వర్ష పుట్టుక నుంచే హార్ట్కు సంబంధించిన సమస్యతో బాధపడుతోంది. ఆ కుటుంబం కటిక పేదరికంలో ఉండటంతో.. తమ బిడ్డను బతికించుకునేందుకు దాతల సాయం కోరారు. ఈ విషయం తెలుసుకున్న స్థానిక టీఆర్ఎస్ నేత.. పాశం రాఘవేంద్ర సాయం చేసేందుకు ముందుకొచ్చారు. హైదరాబాద్లోని ఎంప్లాయ్ హెల్త్ స్కీం అధికారి సురేష్కు ఈ చిన్నారి సమస్యను వివరించారు. ఆపై సురేశ్ సాయంతో ఆ పాపాయిని స్టార్ ఆస్పత్రిలో చేర్చించారు.
ఆ ఆస్పత్రి వర్గాల నుంచి మహేశ్కు ఇన్ఫర్మేషన్ వెళ్లింది. దీంతో వెంటనే స్పందించిన మహేశ్.. ఆ కుటుంబానికి చేదుడుగా ఉండటానికి ముందుగా 5 లక్షల ఆర్థిక సాయం అందించారు. అలాగే ఫ్రీగా చిన్నారికి గుండె ఆపరేషన్ చేయించారు. సర్జరీ సక్సెస్ అవ్వడంతో ఆ పాపాయి ఇప్పుడు నవ్వులు చిందిస్తుంది. దీంతో దైవం మహేశ్ రూపేణ అని కామెంట్స్ పెడుతున్నారు ఈ విషయం తెలుసుకున్న అభిమానులు, నెటిజన్లు.
మరిన్ని సినిమా వార్తల కోసం క్లిక్ చేయండి..