Naga Chaitanya : ప్రమోషన్స్ స్పీడ్ పెంచిన లాల్ సింగ్ చద్దా టీమ్.. నాగచైతన్య లుక్ అదుర్స్..

బాలీవుడ్ స్టార్ హీరో అమీర్ ఖాన్ సినిమా సినిమాకు చాలా గ్యాప్ తీసుకుంటారు. విభిన్నమైన కథలను ఎంచుకొని సినిమా రూపొందించి భారీ హిట్ ను తన ఖాతాలో వేసుకుంటారు అమీర్ ఖాన్.

Nagachaitanya

Rajeev Rayala | Edited By: Venkata Chari|
Updated on: Jul 21, 2022 | 6:43 AM

బాలీవుడ్ స్టార్ హీరో అమీర్ ఖాన్(Aamir Khan) సినిమా సినిమాకు చాలా గ్యాప్ తీసుకుంటారు. విభిన్నమైన కథలను ఎంచుకొని సినిమా రూపొందించి భారీ హిట్ ను తన ఖాతాలో వేసుకుంటారు అమీర్ ఖాన్. ఈ నేపథ్యంలోనే ఇప్పుడు లాల్ సింగ్ చద్దా అనే సినిమాతో ప్రేక్షకుల ముందుకు రాబోతున్నారు. ఈ సినిమాలో అమీర్ సరసన కరీనా కపూర్ హీరోయిన్ గా నటిస్తోంది. సంచలన విజయం సాధించిన 3 ఇడియట్స్ సినిమాతర్వాత ఈ జంట మరోసారి కలిసి నటిస్తున్నారు. దాంతో ఈ సినిమా పై అంచనాలు భారీగా ఏర్పడ్డాయి. ఇక ఈ సినిమాలో అక్కినేని యంగ్ హీరో నాగచైతన్య(Naga Chaitanya )కీలకపాత్రలో నటిస్తున్న విషయం తెలిసిందే.. షూటింగ్ పూర్తి చేసుకున్న ఈ సినిమా రిలీజ్ కు రెడీగా ఉంది. ఈ సినిమాను తెలుగులో మెగాస్టార్ చిరంజీవి సమర్పిస్తున్నారు.

ఈ సినిమానుంచి ఇప్ప్పటికే విడుదలైన పోస్టర్లు ప్రేక్షకులను విపరీతంగా ఆకట్టుకున్నాయి. ఇక ఈ మూవీ ట్రైలర్ ప్రేక్షకుల్లో సినిమా పై ఆసక్తిని పెంచేసింది. ఈ మూవీలో అమీర్ ఖాన్ , నాగచైతన్య స్నేహితులుగా నటిస్తున్నారు. ఆర్మీ నేపథ్యంలో సాగే దేశ భక్తి సినిమా ఇది. ఈ సినిమాలో బాలరాజు అనే పాత్రలో చైతు నటిస్తున్నాడు. తాజాగా నాగచైతన్య లుక్ ను రిలీజ్ చేశారు చిత్రయూనిట్. మెగాస్టార్ చిరంజీవి సమర్పిస్తున్న ఈ చిత్రాన్ని అమీర్ ఖాన్ ప్రొడక్షన్స్- కిరణ్ రావు – వయాకామ్ 18 స్టూడియోస్ నిర్మించాయి. ఈ ఏడాది ఆగస్ట్ 11న ప్రపంచవ్యాప్తంగా తెలుగు-తమిళం-హిందీలో ఈ చిత్రం విడుదల కానుంది. తాజాగా మెగాస్టార్ చిరంజీవి చైతన్య లుక్ ను పరిచయం చేశారు. ఈ మేరకు ఆయన ట్విట్టర్ లో ‘లాల్ సింగ్ చడ్డా’, చెడ్డీ బడ్డీ ‘బాలరాజు’ ని మీకు పరిచయం చేస్తున్నాను. అలనాటి ‘బాలరాజు’ మనవడు మన అక్కినేని నాగ చైతన్యే ఈ బాలరాజు’ అంటూ రాసుకొచ్చారు. ఇక ఈ సినిమాను ఇప్పటికే మెగాస్టార్ చిరంజీవి- అక్కినేని నాగార్జున- ఎస్.ఎస్. రాజమౌళి- సుకుమార్ లకు అమీర్ ఖాన్ స్పెషల్ షో వేయించి చూపించారు. ఇందుకు సంబంధించిన ఫోటోలు, వీడియోలు సోషల్ మీడియాలో వైరల్ అయ్యాయి.

ఇవి కూడా చదవండి