Chiranjeevi: ‘మా ఇంటి కోడలు పిల్లకి పుట్టిన రోజు శుభాకాంక్షలు’.. ఉపాసన బర్త్‌డే పార్టీ ఫొటో షేర్‌ చేసిన చిరు..

Chiranjeevi: రామ్‌ చరణ్‌ భార్యగానే కాకుండా తనకంటూ ఓ ప్రత్యేక గుర్తింపును సంపాదించుకున్నారు ఉపాసన. అపోలో లైఫ్‌కు వైస్‌ చైర్‌పర్సన్‌గానే కాకుండా హార్ట్స్‌ బీటింగ్ ఫౌండేషన్‌ ద్వారా సేవ కార్యక్రమాలు నిర్వహిస్తూ నిత్యం వార్తల్లో నిలచే ఉపాసన పుట్టిన రోజు వేడుకలు బుధవారం ఘనంగా జరిగాయి. జులై 20వ తేదీన ఉపాసన పుట్టిన రోజు. ఈ అకేషన్‌ పురస్కరించుకొని మెగా ఫ్యామిలీ సందడి చేసింది. బర్త్‌డే వేడుకలకు సంబంధించిన ఫొటోను మెగా స్టార్‌ చిరంజీవి సోషల్‌ మీడియా వేదికగా పంచుకున్నారు.

చిరుతో పాటు ఆయన సతీమణి సురేఖ, రామ్‌చరణ్‌, ఉపాసన కలిసి దిగిన ఓ ఫొటోను పోస్ట్‌ చేసిన చిరంజీవి.. ‘మా ఇంటి కోడలు పిల్ల ఉపాసనకి పుట్టిన రోజు శుభాకాంక్షలు’ అనే కామెంట్‌ను జోడించారు. ఇక మెగా పవర్‌ స్టార్‌ రామ్‌ చరణ్‌ కూడా భార్యకు బర్త్‌డే విషెస్‌ చెబుతూ అదే ఫొటోను ఇన్‌స్టాగ్రామ్‌లో పోస్ట్‌ చేస్తూ.. ‘నా ప్రియమైన ఉపాసనకు పుట్టిన రోజు శుభాకాంక్షలు’ అంటూ రాసుకొచ్చారు.

మా ఇంటి కోడలు పిల్ల @upasanakonidela కి పుట్టిన రోజు శుభాకాంక్షలు. ?? pic.twitter.com/Wh7ApkxRYy

— Chiranjeevi Konidela (@KChiruTweets) July 20, 2022

View this post on Instagram

A post shared by Ram Charan (@alwaysramcharan)

ప్రస్తుతం ఈ పోస్ట్‌లు నెట్టింట వైరల్‌ అవుతున్నాయి. చిరు కుటుంబ సభ్యులతో చిరునవ్వులు చిందిస్తూ ఉన్న ఈ ఫొటోను చూసిన ఫ్యాన్స్‌ ఫుల్‌ ఖుషీ అవుతున్నారు. ఉపాసనకు బర్త్‌డే విషెస్‌ చెబుతూ కామెంట్ల వర్షం కురిపిస్తున్నారు.

మరిన్ని సినిమా వార్తల కోసం క్లిక్ చేయండి..