Thaman S: అందుకే బాలీవుడ్ సినిమాలు చేయడం లేదు.. ఇంట్రస్టింగ్ కామెంట్స్ చేసిన తమన్..

టాలీవుడ్‌లో ఉన్న టాప్ మ్యూజిక్ డైరెక్టర్ గా కంటిన్యూ అవుతున్నాడు ఎస్ఎస్ తమన్. ప్రస్తుతం వరుస సినిమాలతో దూసుకుపోతున్నడు తమన్.

Thaman

Rajeev Rayala |
Updated on: Dec 29, 2021 | 8:09 AM

Thaman S: టాలీవుడ్‌లో ఉన్న టాప్ మ్యూజిక్ డైరెక్టర్ గా కంటిన్యూ అవుతున్నాడు ఎస్ఎస్ తమన్. ప్రస్తుతం వరుస సినిమాలతో దూసుకుపోతున్నడు తమన్. తమన్ చేతిలో ఇప్పుడు డజన్ల సినిమాలు వరకు ఉన్నాయి. ఇక రీసెంట్ గా హిట్ అయిన బాలయ్య అఖండ సినిమాకు తమన్ అందించిన మ్యూజిక్ చాలా ప్లస్ అయ్యింది. సినిమాకు అందుంచిన బ్యాగ్రౌండ్ మ్యూజిక్ సినిమాకు హైలైట్ గా నిలిచింది. . తమన్ అందించిన బ్యాగ్రౌండ్ మ్యూజిక్‌కు సౌండ్ బాక్స్‌లు పగిలిపోతున్నాయి అని థియేటర్ ఓనర్లు మొత్తుకుంటున్నారు. ఇక త్రివిక్రమ్ దర్శకత్వం వహించిన అరవింద సామెత సినిమా నుంచి తమన్ మ్యూజిక్ లో చాలా మార్పులు వచ్చాయి. ఆ తర్వాత అల వైకుంఠపురంలో సినిమా మ్యూజిక్ ఆల్ టైం సూపర్ హిట్ గా నిలిచింది.

తాజాగా తమన్ ఓ ఇంటర్వ్యూలో మాట్లాడుతూ.. బాలీవుడ్ పై ఆసక్తికర కామెంట్స్ చేశారు. టాలీవుడ్ లో టాప్ డైరెక్టర్‌గా దూసుకుపోతున్న తమన్ త్వరలోనే బాలీవుడ్‌లోను అడుగుపెట్టనున్నాడని గుసగుసలు వినిపిస్తున్నాయి. ఈనేపథ్యంలో తమన్ ఈ వార్తల పై స్పందిస్తూ.. బాలీవుడ్ లో చేయాలనీ అనుకోవడం లేదు అని అన్నారు. బాలీవుడ్ లో ఒక్క సినిమాకు ఐదుగురు మ్యూజిక్ డైరెక్టర్స్ పని చేస్తారు. అది తనకు నచ్చదు అని అన్నారు. తెలుగు తమిళ్ లో అయితే సినిమాకు ఒకే మ్యూజిక్ డైరెక్టర్ ఉంటారు.. అందుకే బాలీవుడ్ కు వెళ్లలేదని అన్నారు తమన్. సినిమా అంటే ఒకే మ్యూజిక్ డైరెక్టర్ ఉండాలని, అప్పుడే మంచి సంగీతం అందించగలుగుతామని అన్నారు. పాటలకో సంగీత దర్శకుడు, బ్యాగ్రౌండ్ మ్యూజిక్ కు మరో మ్యూజిక్ డైరెక్టర్ అంటే.. పెళ్లి ఒకరితో ఫస్ట్ నైట్ మరొకరితో అన్నట్టు ఉంటుంది అని సంచలన కామెంట్స్ చేశారు తమన్. ఇక ప్రస్తుతం వరుస సినిమాలతో ఫుల్ బిజీగా ఉన్నాడు తమన్.. పవన్ కళ్యాణ్ నటిస్తున్న భీమ్లానాయక్ సినిమా చేస్తున్నాడు. అలాగే మహేష్ బాబు నటిస్తున్న సర్కారువారి పాట, రవితేజ రామారావు ఆన్ డ్యూటీ, రాంచరణ్ శంకర్ సినిమా, వరుణ్ తేజ్ గని, మహేష్ త్రివిక్రమ్ సినిమా, మెగాస్టార్ గాడ్ ఫాదర్ ఇలా మరికొన్ని సినిమాలు కూడా తమన్ లిస్ట్ లో ఉన్నాయ్.

మరిన్ని ఇక్కడ చదవండి :