Bholaa Shankar : శరవేగంగా మెగాస్టార్ మూవీ షూటింగ్.. భోళాశంకర్ సినిమాతో బిజీగా చిరు..

మెగాస్టార్ నటించిన ఆచార్య సినిమా త్వరలో ప్రేక్షకుల ముందుకు రానుంది. కొరటాల శివ దర్శకత్వంలో తెరకెక్కిన ఈ సినిమాలో రామ్ చరణ్ కూడా నటిస్తున్నారు.

Megastar

Rajeev Rayala |
Updated on: Jan 24, 2022 | 3:39 PM

మెగాస్టార్ చిరంజీవి నటించిన ఆచార్య(Acharya) సినిమా త్వరలో ప్రేక్షకుల ముందుకు రానుంది. కొరటాల శివ దర్శకత్వంలో తెరకెక్కిన ఈ సినిమాలో రామ్ చరణ్ కూడా నటిస్తున్నారు. ఇక ఈ సినిమాలో చరణ్ చిరు నక్సలైట్స్ గా కనిపించనున్నారు. ఇప్పటికే విడుదలైన ఈ సినిమా పోస్టర్లు, పాటలు, టీజర్ ప్రేక్షకులను విపరీతంగా ఆకట్టుకున్నాయి. ఇక ఈ సినిమా తర్వాత చిరంజీవి(chiranjeevi) మోహన రాజా డైరెక్షన్‌లో ‘లూసిఫర్‌’ రీమెక్‌ ‘గాడ్‌ ఫాదర్‌’లో నటించనున్నారు. ఇటీవలే ఊటీలో ఈ సినిమాకు సంబంధించి కొంతమేర షూటింగ్‌ కూడా జరిగింది. ఈ సినిమాలో నాయన తార నటిస్తుందని తెలుస్తుంది. అలాగే ఆ వెంటనే బాబీ దర్శకత్వంలో మరొక సినిమాను ప్రకటించారు. ఈ సినిమాకు వాల్తేరు వీరన్న అనే టైటిల్ ను పరిశీలిస్తున్నారు. ఇక మెహర్ రమేశ్ డైరెక్షన్‌లో ‘భోళా శంకర్‌'( Bholaa Shankar)ను కూడా అధికారికంగా ప్రారంభించారు. తమిళ ‘వేదాళం’కు రీమేక్‌గా తెరకెక్కుతోన్న ఈ చిత్రంలో మెగాస్టార్‌కు జోడీగా మిల్కీ బ్యూటీ తమన్నా కనిపించనుంది. కీర్తి సురేశ్‌ చిరుకి చెల్లెలిగా నటించనుంది.

ఈ సినిమాషూటింగ్ శరవేగంగా జరుగుతుంది. ఈ సినిమాలో హీరోయిన్ గా నటిస్తున్న తమన్నా గతంలో చిరుతోకలిసి సైరా సినిమాలో యాక్ట్ చేసింది. కథ ప్రకారం ఆ సినిమాలో డాన్స్ కు, డ్యూయెట్స్ కు స్కోప్ లేదు. కానీ భోళాశంకర్ సినిమాలో మాత్రం అదిరిపోయే డ్యూయెట్స్ ఉండనున్నాయట. మెగాస్టార్ డాన్స్ గురించి ప్రత్యేకంగా చెప్పాల్సిన అవసరం లేదు. అలాగే తమన్నా కూడా మంచి డాన్సర్ దాంతో ఈ సినిమాలో ఇద్దరు కలిసి అదరగొట్టనున్నారట. రీసెంట్ గా నే మెగాస్టార్ ఈ సినిమా షూటింగులో పాల్గొంటున్నారు. ఆయన కాంబినేషన్లోని కొన్ని కీలకమైన సన్నివేశాలను ప్రస్తుతం చిత్రీకరిస్తున్నారు. రామబ్రహ్మం సుంకర నిర్మిస్తున్న ఈ సినిమాకి మహతి స్వరసాగర్ సంగీతాన్ని సమకూర్చుతున్నాడు.

మరిన్ని ఇక్కడ చదవండి :