Manchu Vishnu: నా జీవితంలో ప్రభాస్‌ కృష్ణుడు.. తన వెనకే నేను కర్ణుడిలా.. మంచు విష్ణు కామెంట్స్..

మంచు విష్ణు డ్రీమ్ ప్రాజెక్ట్ కన్నప్ప. భారీ అంచనాల మధ్య అత్యంత ప్రతిష్టాత్మకంగా తెరకెక్కిస్తున్న ఈ సినిమాలో ప్రభాస్, మోహన్ లాల్, అక్షయ్ కుమార్, శరత్ కుమార్, కాజల్ కీలకపాత్రలు పోషించారు. ఇప్పటికే అన్ని కార్యక్రమాలు పూర్తిచేసుకున్న ఈ సినిమా జూన్ 27న ప్రేక్షకుల ముందుకు రానుంది. ఈ సందర్భంగా శనివారం రాత్రి హైదరాబాద్ లో ప్రీ రిలీజ్ ఈవెంట్ నిర్వహించింది చిత్రయూనిట్.

Manchu Vishnu, Prabhas

Rajitha Chanti |
Updated on: Jun 22, 2025 | 6:47 AM

శివానుగ్రహంతోనే కన్నప్ప సినిమా తెరకెక్కిందని అన్నారు హీరో మంచు విష్ణు. ఆయన ప్రధాన పాత్రలో రూపొందిస్తున్న ఈ సినిమాలో ప్రభాస్, మోహన్ బాబు, మోహన్ లాల్, అక్షయ్ కుమార్, కాజల్, శరత్ కుమార్ కీలకపాత్రలు పోషిస్తున్నారు. బాలీవుడ్ డైరెక్టర్ ముఖేష్ కుమార్ సింగ్ దర్శకత్వం వహించిన ఈ హిస్టారికల్ ఎపిక్ సినిమాను జూన్ 27న ప్రపంచవ్యాప్తంగా విడుదల చేయనున్నారు. ఈ క్రమంలో కొన్ని రోజులుగా కన్నప్ప ప్రమోషన్స్ నిర్వహిస్తుంది చిత్రయూనిట్. ఇదివరకు విడుదలైన ట్రైలర్, సాంగ్స్ ఆకట్టుకున్నాయి. దీంతో ఈనెలలో రిలీజ్ అయ్యే కన్నప్ప మూవీపై మరిన్ని అంచనాలు పెరిగాయి. ఈ క్రమంలోనే శనివారం సాయంత్రం హైదరాబాద్ కన్పప్ప మూవీ ప్రీ రిలీజ్ ఈవెంట్ నిర్వహించింది చిత్రయూనిట్. ఈ సందర్భంగా మంచు విష్ణు మాట్లాడుతూ.. ఆ సినిమాను ఎంతో బాధ్యతతో, క్రమశిక్షణతో ఒక మంచి చిత్రాన్ని తీశామని అన్నారు.

మంచు విష్ణు మాట్లాడుతూ.. “శివానుగ్రహం ఉంటే ఏదైనా జరుగుతుందని నమ్ముతాను. ఇది విష్ము సినిమా కాదు.. కన్నప్ప సినిమా. ఇంత పెద్ద సినిమా మేం చేశామా.. ? ఇందులో నేను నటించానా ? అని ఆశ్చర్యం కలుగుతుంది. చెప్పుకోలేని ఎన్నో బాధలు ఈ సినిమా వెనక ఉన్నాయి. అంత సులభంగా ఈ మూవీ జరగలేదు. శివరాజ్ కుమార్ మాట్లాడుతూ… ఈ సినిమా చేయాలని ఎందుకనిపించింది అని అడిగారు. ఈ తరానికి కన్నప్ప గురించి, వాయులింగం గురించి, శ్రీకాళహస్తి గురించి చెప్పమని శివుడి ఆదేశించాడని చెప్పాను. స్నేహితుల్లో కృష్ణుడు, కర్ణుడిలా రెండు రకాలు ఉంటారు. నా జీవితంలో ప్రభాస్ కృష్ణుడు. తన జీవితంలో కర్ణుడిలా ఎప్పుడు ఏం చేసినా వెనకే ఉంటాను. ఆయన ఈ సినిమా చేయాల్సిన అవసరం లేదు. నాన్నపై ఉన్న ప్రేమ, అభిమానం, గౌరవంతో ఒప్పుకున్నాడు. ప్రభాస్ ప్రపంచంలోనే ఓ పెద్ద స్టార్ హీరో. కానీ మేమిద్దరం మొదటి రోజు ఎలా కలిశామో.. ఇప్పటికీ అలాగే ఉన్నాము” అంటూ చెప్పుకొచ్చారు.

అలాగే జూన్ 27న విడుదలయ్యే కన్నప్ప సినిమాను అందరూ చూసి ఎంజాయ్ చేస్తారని ఆశిస్తున్నానని అన్నారు. ఈ సినిమాలో తిన్నడు పాత్రలో ముంచు విష్ణు నటిస్తుండగా.. రుద్ర పాత్రలో ప్రభాస్ కనిపించనున్నారు. అలాగే శివపార్వతులుగా అక్షయ్ కుమార్, కాజల్ నటించారు. ఈ సినిమాపై ఇప్పటికే భారీ హైప్ నెలకొంది.

ఇవి కూడా చదవండి