Motta Rajendra: సినిమాల్లో కమెడియన్.. కానీ రియల్ లైఫ్ వేరు.. బ్యాగ్రౌండ్ తెలిస్తే దిమ్మతిరిగిపోద్ది..
సినీ పరిశ్రమలో స్టార్ నటీనటులకే కాదు.. స్టార్ కమెడియన్లకు కూడా బాగా డిమాండ్ ఉంటుంది. తెలుగులో బ్రహ్మానందం, అలీ, కృష్ణ భగవాన్, సునీల్, గిరిబాబు, కోవై సరళ వంటి హాస్య నటీనటులకు ఉన్న క్రేజ్ గురించి చెప్పక్కర్లేదు. అలాగే తమిళంలోనూ పలువురు కమెడియన్స్ బాగా పాపులర్ అవుతుంటారు. వెండితెరపై ఎందరో నటీనటులను చూస్తుంటాం.
Motta Rajendra: సినిమాల్లో కమెడియన్.. కానీ రియల్ లైఫ్ వేరు.. బ్యాగ్రౌండ్ తెలిస్తే దిమ్మతిరిగిపోద్ది..సినీ పరిశ్రమలో స్టార్ నటీనటులకే కాదు.. స్టార్ కమెడియన్లకు కూడా బాగా డిమాండ్ ఉంటుంది. తెలుగులో బ్రహ్మానందం, అలీ, కృష్ణ భగవాన్, సునీల్, గిరిబాబు, కోవై సరళ వంటి హాస్య నటీనటులకు ఉన్న క్రేజ్ గురించి చెప్పక్కర్లేదు. అలాగే తమిళంలోనూ పలువురు కమెడియన్స్ బాగా పాపులర్ అవుతుంటారు. వెండితెరపై ఎందరో నటీనటులను చూస్తుంటాం. వీరిలో కొందరు స్టార్ హీరోలు, హీరోయిన్లు కాగా మరికొందరు కమెడియన్లుగా, ప్రముఖ క్యారెక్టర్ ఆర్టిస్టులుగా, విలన్లుగా ప్రేక్షకులకు దగ్గరవుతుంటారు. సినిమాల్లో కడుపుబ్బా నవ్వించే హాస్యాన్ని పండించే నటులు ఇండస్ట్రీలో చాలా మంది ఉన్నారు. వీరిలో కోలీవుడ్‌కు చెందిన ప్రముఖ నటుడు రాజేంద్రన్ కూడా ఒకరు. చాలా సినిమాల్లో విలన్‌గా కూడా నటించాడు.
చాలా మంది సినీ ప్రేమికులకు అతని పేరు తెలియదు. కానీ అతని ఫోటో చూసిన ప్రతి ఒక్కరూ అతన్ని గుర్తిస్తారు. ఎందుకంటే రాజేంద్రన్ చాలా మంది స్టార్ హీరోల సినిమాల్లో విలన్‌గా నటించారు. అంతే కాకుండా కామెడీతోనూ ప్రేక్షకులను మెప్పించాడు. ఓ సినిమా షూటింగ్‌లో ఉండగా రాజేంద్రన్ ప్రమాదానికి గురయ్యారు. చెన్నైలోని కాలాపేటలో ఓ నటుడితో ఫైట్ సీన్ జరుగుతుండగా.. పక్కనే ఉన్న చెరువులో రాజేంద్రన్ పడిపోయారు. ఆ చెరువులో రసాయనాలు కలవడంతో రాజేంద్ర జుట్టు పూర్తిగా రాలిపోయింది. అందుకే అతనికి కనుబొమ్మ కూడా ఉండదు. అలాగే అతడి వాయస్ కూడా మారిపోయింది. రాజేంద్రన్ తన కఠినమైన స్వరంతో అలరిస్తున్నాడు. కొన్ని ఆరోగ్య సమస్యలు నేటికీ నటుడిని వేధిస్తున్నాయి.
సినిమాల్లో విలన్‌గా కనిపించిన ప్రముఖ నటుడు రాజేంద్రన్‌కి 64 ఏళ్లు. తమిళనాడులోని తొట్టుకుడిలో జూన్ 1, 1957న జన్మించిన రాజేంద్రన్ పూర్తి పేరు మొట్టా రాజేంద్రన్. దాదాపు 500 సౌత్ సినిమాల్లో స్టంట్ మ్యాన్‌గా పనిచేశారు. ఆ ప్రమాదం సినిమాలకు దూరమై కొన్నాళ్లపాటు ఆర్థిక సమస్యలు ఎదుర్కొన్నాడు. చికిత్స అనంతరం మళ్లీ ఇండస్ట్రీకి వచ్చాడు. వరుస సినిమాల్లో నటిస్తూ తనలోని లోటుపాట్లను అధిగమించి ఎదిగాడు. రాజేంద్రన్ తొలిసారిగా పితామగన్ (2003)లో నటించారు. నాన్ కడవుల్ (2009)లో విలన్ పాత్రను పోషించారు. అతను తమిళ చిత్రాలలో ప్రతినాయక సహాయ పాత్రలు పోషించడం కొనసాగించాడు.
బాస్ ఎంగిర భాస్కరన్ (2010)లో తన విలన్ కామెడీ పాత్రను అనుసరించి, తాను అలాంటి పాత్రలలో టైప్ కాస్ట్ చేశానని చెప్పాడు. సింగం 2, తేరి, కాంచన 2 సహా పలు సినిమాల్లో కామెడీ ద్వారా అందరి దృష్టిని ఆకర్షించాడు. రాజేంద్రన్ హాస్యనటుడిగా, నటుడిగా 160కి పైగా చిత్రాలలో నటించారు. ప్రస్తుతం రాజేంద్రన్ వద్ద రూ. 15 కోట్ల రూపాయల విలువైన ఇల్లు ఉంది. అతని వద్ద మూడు లగ్జరీ కార్లు కూడా ఉన్నాయి. వందల కోట్ల ఆస్తికి యజమాని అని తెలుస్తోంది.
మరిన్ని సినిమా వార్తల కోసం ఇక్కడ క్లిక్ చేయండి.
