Kiran Abbavaram : ఫ్యాన్స్ తో కలిసి థియేటర్లో రచ్చ చేసిన కిరణ్ అబ్బవరం.. కె ర్యాంప్ పాటకు డ్యాన్స్ ఇరగదీసిన హీరో..

టాలీవుడ్ హీరో కిరణ్ అబ్బవరం ఇప్పుడు ఫుల్ జోష్ మీదున్నాడు. తాజాగా ఆయన నటించిన కె ర్యాంప్ సినిమా భారీ విజయాన్ని అందుకున్న సంగతి తెలిసిందే. ఇప్పుడు ఆ సినిమా థియేటర్లలో సత్తా చాటుతుంది. మొదటి రోజే రికార్డ్ స్థాయిలో కలెక్షన్స్ రాబట్టిన కె ర్యాంప్ చిత్రానికి పాజిటివ్ రివ్యూస్ రావడంతో మరింత ఆదరణ వస్తుంది. దీంతో అభిమానులతో కలిసి థియేటర్ లో ఎంజాయ్ చేశారు కిరణ్.

Kiran Abbavaram

Rajitha Chanti |
Updated on: Oct 20, 2025 | 12:01 PM

టాలీవుడ్ హీరో కిరణ్ అబ్బవరం గురించి చెప్పక్కర్లేదు. ఇప్పుడు బ్యాక్ టూ బ్యాక్ హిట్స్ అందుకుంటున్నారు. తాజాగా ఆయన నటించిన కె ర్యాంప్ చిత్రం బ్లాక్ బస్టర్ హిట్ అయిన సంగతి తెలిసిందే. దీపావళీ కానుకగా వచ్చిన ఈ చిత్రానికి పాజిటివ్ రివ్యూస్ రావడంతో క్రమంగా కలెక్షన్స్ పెరుగుతున్నాయి. అక్టోబర్ 18న విడుదలైన ఈ సినిమా ఇప్పుడు థియేటర్లలో విజయవంతంగా దూసుకుపోతుంది. ఇందులో కిరణ్ సరసన యుక్తి తరేజా నటించగా.. నరేష్ వీకే, సాయి కుమార్ తదితరులు కీలకపాత్రలు పోషించారు. ఇక ఈసినిమా సక్సె్స్ ను అభిమానులతో కలిసి థియేటర్లో సెలబ్రేట్ చేసుకున్నారు కిరణ్. తాజాగా ఓ థియేటర్లో ప్రేక్షకులతో కలిసి కె ర్యాంప్ పాటకు డ్యాన్స్ అదరగొట్టారు. ఇందుకు సంబంధించి వీడియో నెట్టింట తెగ వైరలవుతుంది.

కె ర్యాంప్ సక్సెస్ సెలబ్రేషన్లలో భాగంగా ఓ థియేటర్ లో కిరణ్ అబ్బవరం ప్రేక్షకులతో కలిసి డ్యాన్స్ ఇరగదీశారు. ఇందుకు సంబంధించిన వీడియో నెట్టింట చక్కర్లు కొడుతుంది. అందులో అడియన్స్ మధ్యలో నిలబడి వాళ్లతో కలిసి స్టెప్పులేశాడు. ఆ వీడియోపై “మీరు ఇచ్చిన సక్సెస్ మీతో సెలబ్రేట్ చేసుకుంటుంటే” అంటూ ఫైర్ ఎమోజీలు పెట్టారు. వేరే లెవల్.. ప్రతి ఒక్కరికీ థ్యాంక్ యూ అంటూ క్యాప్షన్ ఇస్తూ ఆ వీడియోను పోస్ట్ చేశారు. ప్రస్తుతం ఈ వీడియో వైరలవుతుండగా.. కిరణ్ అబ్బవరం డ్యాన్స్ వేరేలెవల్ అంటూ కామెంట్స్ చేస్తున్నారు ఫ్యాన్స్.

ఇవి కూడా చదవండి : Actress: చిరంజీవి, కమల్ హాసన్‏తో బ్లాక్ బస్టర్ హిట్స్.. ఇప్పుడు విదేశాల్లో వ్యాపారాలు.. ఈ బ్యూటీ క్రేజ్ వేరప్పా..

ఈ చిత్రానికి కొత్త దర్శకుడు జైన్స్ నాని దర్శకత్వం వహించారు. రొమాంటిక్ కామెడీ డ్రామాగా వచ్చిన ఈ సినిమాను రాజేష్ దండా, శివ బొమ్మకు నిర్మించారు. క లాంటి డిఫరెంట్ థ్రిల్లర్ డ్రామాతో బ్లాక్ బస్టర్ హిట్ అందుకున్న కిరణ్.. ఆ తర్వాత దిల్ రూబా సినిమాతో అడియన్స్ ముందుకు వచ్చారు. కానీ ఈ సినిమా నిరాశ పరిచింది. ఇక ఇప్పుడు కె ర్యాంప్ సినిమాతో మరోసారి భారీ విజయాన్ని ఖాతాలో వేసుకున్నారు.