Keerthy Suresh: పంచెకట్టి మాస్ స్టెప్పులు వేసిన కళావతి.. ధూమ్ ధామ్ దోస్తాన్ అంటూ..
అచ్చం తెలంగాణ యాసలో సాగే ఈ పాట యూట్యూబ్‌లో రికార్డులు కొల్లగొడుతోంది. ముఖ్యంగా పంచెకట్టులో నాని చేసిన మాస్ డ్యాన్స్‌కు అందరూ ఫిదా అవుతున్నారు. తాజాగా కీర్తి సురేశ్‌ కూడా నాని పాటను రీక్రియేట్‌ చేసింది.
న్యాచుర‌ల్ స్టార్ నాని న‌టిస్తున్న తాజా చిత్రం దసరా. మహానటితో జాతీయ అవార్డు అందుకున్న కీర్తి సురేశ్‌ లీడ్‌ రోల్‌లో నటిస్తోంది. సింగరేణి బొగ్గు గనుల నేపథ్యంలో నూతన దర్శకుడు శ్రీకాంత్‌ ఓదెల ఈ సినిమాను తెరకెక్కిస్తున్నారు. కాగా నాని- కీర్తిసురేశ్‌ల కాంబినేషన్‌లో వస్తోన్న రెండో చిత్రం దసరా. ఇంతకుముందు వీరిద్దరు జంటగా నటించిన నేను లోకల్‌ సూపర్‌ హిట్‌గా నిలిచింది. తాజాగా దసరా సినిమాలో మరోసారి స్ర్కీన్‌ షేర్‌ చేసుకోనునన్నారు నాని- కీర్తి. కాగా ఈ సినిమా నుంచి ఇటీవల ఓ మాస్ సాంగ్‌ను విడుదల చేసింది చిత్రబృందం. అచ్చం తెలంగాణ యాసలో సాగే ఈ పాట యూట్యూబ్‌లో రికార్డులు కొల్లగొడుతోంది. ముఖ్యంగా పంచెకట్టులో నాని చేసిన మాస్ డ్యాన్స్‌కు అందరూ ఫిదా అవుతున్నారు. తాజాగా కీర్తి సురేశ్‌ కూడా నాని పాటను రీక్రియేట్‌ చేసింది. లుంగీ కట్టుకుని స్టైలిష్ బ్లాక్ గాగుల్స్ పెట్టుకుని తన డ్యాన్స్‌ పార్ట్‌నర్‌లతో కలిసి డ్యాన్స్‌ ఇరగదీసింది. ప్రస్తుతం ఈ వీడియో నెట్టింట వైరల్‌గా మారింది. ‘కళావతి (సర్కారు వారి పాటలో కీర్తి పేరు) మళ్లీ అదరగొట్టింది’, ‘మాస్ డ్యాన్స్‌ ‘ అంటూ కామెంట్ల వర్షం కురిపిస్తున్నారు.
కాగా దసరా సినిమాను శ్రీ ల‌క్ష్మి వెంకటేశ్వర క్రియేష‌న్స్ బ్యాన‌ర్‌పై సుధాక‌ర్ చెరుకూరి నిర్మిస్తున్నారు. సాయికుమార్‌, సముద్ర ఖని, రాజేంద్ర ప్రసాద్‌, ప్రకాశ్‌రాజ్‌, జ‌రీనా వ‌హ‌బ్, మీరాజాస్మిన్‌ తదితరులు ప్రధాన పాత్రలు పోషిస్తున్నారు. ఈ చిత్రానికి సంతోష్ నారాయ‌ణ‌న్ మ్యూజిక్ కంపోజ్ చేస్తున్నాడు. తెలుగుతోపాటు వివిధ భాష‌ల్లోనూ ఈ పక్కా మాస్ ఎంటర్‌టైనర్‌ విడుదల చేయనున్నారు. వచ్చే ఏడాది మార్చి 30న ఈ సినిమాను ప్రేక్షకుల ముందుకు తీసుకొచ్చేందుకు దర్శక నిర్మాతలు సన్నాహాలు చేస్తున్నారు.
Our @KeerthyOfficial has shown her mass moves for the MASSIEST LOCAL STREET SONG #DhoomDhaamDhosthaan along with her Dosth ?
Time for you and your Dosth to get dancing ?
– https://t.co/SGhqPKH4J1#Dasara Natural Star @NameisNani @odela_srikanth @Music_Santhosh @saregamasouth pic.twitter.com/RF485NsM0h
— SLV Cinemas (@SLVCinemasOffl) October 14, 2022
మరిన్ని సినిమా వార్తల కోసం క్లిక్ చేయండి..
