Rishab Shetty- Rashmika: కాంతార హీరోకు రష్మికకు మధ్య గొడవైందా..? రిషబ్ శెట్టి కామెంట్స్‌కు కారణం అదేనా.?
16కోట్లతో తెరకెక్కిన ఈ సినిమా ఏకంగా400కోట్లకు పైగా వసూల్ చేసింది. ఇక ఈ సినిమాతో ఓవర్ నైట్ లో స్టార్ గా ఎదిగారు రిషబ్ శెట్టి.
Updated on: Nov 23, 2022 | 4:15 PM
కాంతార సినిమాతో సాలిడ్ హిట్ అందుకున్నారు కన్నడ హీరో రిషబ్ శెట్టి. చిన్న సినిమాగా వచ్చిన ఈ మూవీ భారీ విజయాన్ని అందుకుంది. అంతే కాదు రికార్డ్ స్థాయిలో కలెక్షన్స్ కూడా వసూల్ చేసింది. 16కోట్లతో తెరకెక్కిన ఈ సినిమా ఏకంగా400కోట్లకు పైగా వసూల్ చేసింది. ఇక ఈ సినిమాతో ఓవర్ నైట్ లో స్టార్ గా ఎదిగారు రిషబ్ శెట్టి. కాంతార సినిమా గురించి ఎంత చెప్పిన తక్కువే.. ముఖ్యంగా ఈ సినిమా క్లైమాక్స్ లో హీరో నటన , మ్యూజిక్ సినిమాకే హైలైట్ అని చెప్పాలి. ఇక ఈ సినిమా ఈ నెల 24న ఓటీటీలో రిలీజ్ కానుంది. ప్రముఖ ఓటీటీ సంస్థ అమెజాన్ ప్రైమ్ లో కాంతార సినిమా స్ట్రీమింగ్ కానుంది. ఇదిలా ఉంటే ఇప్పుడు హీరో రిషబ్ శెట్టికి సంబంధించిన ఓ వార్త సోషల్ మీడియాలో వైరల్ అవుతోంది. ఇటీవల ఓ ఇంటర్వ్యలో రిషబ్ మాట్లాడుతూ షాకింగ్ కామెంట్స్ చేశారు.
రష్మిక, రిషబ్ శెట్టి మధ్య బేధాభిప్రాయాలు ఉన్నాయని టాక్ వినిపిస్తోంది. రిషబ్ శెట్టి తెరకెక్కించిన కిరాక్ పార్టీ సినిమాతోనే రష్మిక మందన్న హీరోయిన్ గా మారింది. ఈ సినిమా తర్వాత రష్మికాకు ఫాలోయింగ్ పెరిగింది. అలాగే కాంతారా సినిమాలో నటించే ఛాన్స్ వచ్చిన రష్మిక నో చెప్పిందని కూడా వార్తలు వినిపిస్తున్నాయి. అయితే తాజాగా జరిగిన ఇంటర్వ్యూలో రిషబ్ శెట్టి మాట్లాడుతూ .. రష్మిక గురించి మాట్లాడటానికి ఇష్టపడలేదు.
అయితే ఏ హీరోయిన్ తోనైనా సినిమా చేస్తా కానీ ఈ యాటిట్యూడ్ ఉన్న ఆమెతో సినిమా చేయను అంటూ రష్మిక చేసే చేతుల సైగలు చేసి చూపించారు. అయితే రష్మిక పేరు మాత్రం డైరెక్ట్ గా చెప్పలేదు రిషబ్. దాంతో ఈ ఇద్దరి మధ్య గొడవ జరిగిందని అర్ధమవుతుంది. ఇక రష్మిక కన్నడ ఇండస్ట్రీకి దూరం కావడంపై కూడా నెగిటివ్ కామెంట్లు వినిపిస్తున్నాయి.మరి ఈవార్తలు పై రష్మిక ఎలా స్పందిస్తుందో చూడాలి.
