Waltair Veerayya : మెగాస్టారా మజాకా.. దుమ్మురేపిన బాస్ పార్టీ.. వాల్తేరు వీరయ్య నుంచి ఫస్ట్ సాంగ్
ఈ సినిమాలో శ్రుతిహాసన్ హీరోయిన్ గా నటిస్తోంది. ఇక ఈ సినిమా షూటింగ్ శరవేగంగా జరుగుతోంది. ఇప్పటికే ఈ సినిమా నుంచి విడుదలైన పోస్టర్లు, టైటిల్ టీజర్ ప్రేక్షకులను విపరీతంగా ఆకట్టుకున్నాయి
Updated on: Nov 23, 2022 | 4:40 PM
మెగాస్టార్ చిరంజీవి నటిస్తున్న లేటెస్ట్ మూవీ వాల్తేరు వీరయ్య. బాబీ దర్శకత్వంలో తెరకెక్కుతోన్న ఈ సినిమా మాస్ మసాలా ఎంటర్టైనర్ గా రాబోతుంది. ఈ సినిమాలో శ్రుతిహాసన్ హీరోయిన్ గా నటిస్తోంది. ఇక ఈ సినిమా షూటింగ్ శరవేగంగా జరుగుతోంది. ఇప్పటికే ఈ సినిమా నుంచి విడుదలైన పోస్టర్లు, టైటిల్ టీజర్ ప్రేక్షకులను విపరీతంగా ఆకట్టుకున్నాయి. ఇక వాల్తేరు వీరయ్య సినిమా నుంచి బాస్ పార్టీ లిరికల్ వీడియోను రిలీజ్ చేశారు. రాక్ స్టార్ దేవీ శ్రీ ప్రసాద్ ఈ మూవీకి అదిరిపోయే మ్యూజిక్ అందించనున్నారు. ఈ క్రమంలోనే నేడు విడుదలైన బాస్ పార్టీ సాంగ్ దుమ్మురేపుతోంది. మరోసారి దేవి తన స్టైల్ లో మాస్ మసాలా సాంగ్ ను కంపోజ్ చేశారు. ఇక ఈ పాటలో బాలీవుడ్ హాట్ బ్యూటీ ఊర్వశి రౌతేలా మెగాస్టార్ తో కలిసి స్టెప్పులేసింది.
ఈ సినిమాలో మెగాస్టార్ తో పాటు మాస్ మహారాజా రవితేజ కూడా నటిస్తున్న విషయం తెలిసిందే. దాంతో సినిమా పై అంచనాలు మరింత పెరిగాయి.ఇక ఇప్పటికే ఈ సినిమా షూటింగ్ శరవేగంగా జరుగుతోంది. త్వరలోనే ఈ సినిమానుంచి ట్రైలర్ ను రిలీజ్ చేయనున్నారు. సంక్రాంతికానుకగా వాల్తేరు వీరయ్య సినిమాను రిలీజ్ చేయడానికి సన్నాహాలు చేస్తున్నారు మేకర్స్.
ఇక బాస్ సాంగ్ లో మెగాస్టార్ స్టెప్స్ అదుర్స్ అనే చెప్పాలి శేఖర్ కొరియోగ్రాఫ్ చేస్తున్న ఈ సాంగ్ థియేటర్స్ లో దుమ్మురేపడం ఖాయంగా కనిపిస్తోంది. ఇక ఈ సాంగ్ మేకింగ్ వీడియోలో పవర్ స్టార్ పవన్ కళ్యాణ్ కూడా కనిపించాడు. సాంగ్ షూటింగ్ జరుగుతున్న నేపథ్యంలో పవన్ కళ్యాణ్ అక్కడకు వెళ్లారు. సెట్ లో పవన్, చిరు ఎం ముచ్చటించుకోవడం.. అలాగే పవన్ పాటను వీక్షించడం ఈ వీడియోలో మనం చూడొచ్చు.
మరిన్ని సినిమా వార్తల కోసం క్లిక్ చేయండి..
