Jr NTR: అనారోగ్యంతో ఉన్న అభిమానికి అండగా నిలిచిన యంగ్‌ టైగర్‌.. నేనున్నానంటూ భరోసా..
Jr NTR: యంగ్‌ టైగర్‌ జూనియర్‌ ఎన్టీఆర్‌ (JR NTR) సినిమాల్లోనే కాదు నిజజీవితంలోనూ హీరోనే అని చాలా సార్లు అనిపించుకున్నాడు. ముఖ్యంగా తనను ఆరాధించే అభిమానులు ఆపదలో ఉన్నారంటే ఆదుకోవడంలో ఆయన ఎప్పుడూ ముందుంటారు.
Jr NTR: యంగ్‌ టైగర్‌ జూనియర్‌ ఎన్టీఆర్‌ (JR NTR) సినిమాల్లోనే కాదు నిజజీవితంలోనూ హీరోనే అని చాలా సార్లు అనిపించుకున్నాడు. ముఖ్యంగా తనను ఆరాధించే అభిమానులు ఆపదలో ఉన్నారంటే ఆదుకోవడంలో ఆయన ఎప్పుడూ ముందుంటారు. తాజాగా అనారోగ్యంతో ప్రాణాపాయ స్థితిలో ఉన్న తన అభిమానికి ధైర్యాన్ని నూరిపోశాడు తారక్‌. అధైర్యపడకుండా దేవుడిని నమ్మండని, త్వరలోనే అతను కోలుకుని వస్తాడని, తన సహాయ సహకారాలు ఎప్పుడూ ఉంటాయని భరోసా ఇచ్చాడు. దీనికి సంబంధించి పూర్తి వివరాలిలా ఉన్నాయి. జనార్ధన్‌ అనే అభిమాని తీవ్ర అనారోగ్యంతో బాధపడుతున్నాడు. ప్రస్తుతం ఓ ఆస్పత్రిలో చికిత్స పొందుతున్న అతని ఆరోగ్య పరిస్థితి విషమంగా ఉన్నట్లు తెలుస్తోంది. ఈక్రమంలోనే తన అభిమాన హీరో ఎన్టీఆర్‌తో మాట్లాడాలనుకున్నారు. అభిమాన సంఘం నాయకులు ఈ విషయాన్ని ఎన్టీఆర్‌కి చేరవేశారు. దీంతో వెంటనే జనార్ధన్‌, అతని తల్లితోనూ ఫోన్‌లో మాట్లాడారు.
‘నేను ఎన్టీఆర్‌ను మాట్లాడుతున్నాను, నువ్వు త్వరగా కోలుకుంటే మనం కలుద్దాం. మేం అందరం నువ్వు త్వరగా కోలుకోవాలని కోరుకుంటున్నాం. నిన్ను చూడాలని ఉంది. త్వరగా కోలుకుని వచ్చేయ్‌.. నీకోసం ప్రార్థిస్తున్నాం. నీకోసం నేనున్నాను, మన అభిమానులున్నారు. నువ్వు త్వరగా కోలుకుని వచ్చేసేయ్‌, కలుద్దాం. నీకేం అవదు’ అంటూ ధైర్యాన్ని నూరిపోశాడు. ఈ సందర్భంగా తారక్‌ వారి అమ్మతో మాట్లాడుతున్న వీడియో ఇప్పుడు నెట్టింట వైరల్‌ అవుతుంది. ఇక సినిమాల విషయానికొస్తే ప్రస్తుతం ఎన్టీఆర్‌ కొరటాల శివ దర్శకత్వంలో ఎన్టీఆర్‌30 చిత్రంలో నటిస్తున్నాడు. ఈ సినిమా రెగ్యులర్‌ షూటింగ్‌ ఆగస్ట్ లో ప్రారంభంకావచ్చునని తెలుస్తోంది. మరోవైపు కేజీఎఫ్‌ ఫేమ్‌ ప్రశాంత్‌ నీల్‌తోనూ ఓ సినిమా చేయనున్నాడు తారక్‌.
Upon hearing that his fan, Janardhan’s health is in critical condition, @tarak9999 reached out to Janardhan’s mother. NTR also spoke to Janardhan through speaker phone and wished him a speedy recovery.#JrNTR pic.twitter.com/Tk6pGYogBr
— Sreedhar Marati (@SreedharSri4u) June 29, 2022
View this post on Instagram
మరిన్ని సినిమా వార్తల కోసం క్లిక్ చేయండి..
