Pawan Kalyan: పవన్ కళ్యాణ్ చిత్రపటానికి పాలభిషేకం చేసిన గ్రామస్తులు.. ఎందుకంటే..

పవర్ స్టార్ పవన్ కళ్యాణ్ (Pawan Kalyan) చిత్రపటానికి పాలాభిషేకం చేశారు తాడేపల్లి మండలంలోని ఇప్పటం గ్రామ ప్రజలు.

Janasena Party Chief Pawan Kalyan

Updated on: Mar 16, 2022 | 1:37 PM

పవర్ స్టార్ పవన్ కళ్యాణ్ (Pawan Kalyan) చిత్రపటానికి పాలాభిషేకం చేశారు తాడేపల్లి మండలంలోని ఇప్పటం గ్రామ ప్రజలు. తమ గ్రామానికి జనసేన ట్రస్ట్ ద్వారా రూ. 50 లక్షల విరాళం కేటాయించినందుకు పవన్‏కు ధన్యవాదాలు తెలిపారు. తమ గ్రామాన్ని రాష్ట్రస్థాయిలో తీసుకువచ్చేందుకు కృషి చేసినందుకు కృతజ్ఞతలు తెలిపారు. గ్రామ అభివృద్ది కోసం పవన్ కళ్యాణ్ చేసిన సాయానికి రుణపడి ఉంటామని ఈ సందర్బంగా తెలియజేశారు.. ఈ కార్యక్రమంలో జనసేన నేతలు.. కార్యకర్తలతోపాటు.. మహిళ కార్యకర్తలు సైతం పాల్గొన్నారు.

ఇక పవర్ స్టార్ పవన్ కళ్యాణ్‏కు ఉన్న క్రేజ్ గురించి తెలిసిన విషయమే.. తెలుగు రాష్ట్రాల్లో ఈ స్టార్ హీరోకు ఉన్న ఫ్యాన్ ఫాలోయింగ్ ఊహించలేము.. ఓవైపు సినిమాలు చేస్తూనే మరోవైపు.. రాజకీయాల్లో చురుగ్గా పాల్గోంటున్నాడు. ఇటీవల పవన్ కళ్యాణ్ స్థాపించిన జనసేన పార్టీ ఆవిర్భావ సభను గుంటూరు జిల్లాల్లోని ఇప్పటం గ్రామంలో భారీ స్థాయిలో నిర్వహించిన సంగతి తెలిసిందే.