Sita Ramam: మేజర్ సెల్వన్గా గౌతమ్ వాసుదేవ్ మీనన్.. ‘సీతారామం’నుంచి లుక్ విడుదల
దుల్కర్ సల్మాన్ నటిస్తున్న లేటెస్ట్ మూవీ సీతారామం. అందాల రాక్షసి సినిమాతో దర్శకుడిగా పరిచయం అయ్యారు హను. మొదటి సినిమాతోనే ప్రేక్షకుల మనసు గెలుచుకున్నాడు హనురాఘవాపుడి.
Updated on: Jul 16, 2022 | 8:48 AM
దుల్కర్ సల్మాన్ నటిస్తున్న లేటెస్ట్ మూవీ సీతారామం( Sita Ramam). అందాల రాక్షసి సినిమాతో దర్శకుడిగా పరిచయం అయ్యారు హను. మొదటి సినిమాతోనే ప్రేక్షకుల మనసు గెలుచుకున్నాడు హనురాఘవాపుడి. మృణాళిని ఠాకూర్ హీరోయిన్.. అందమైన ప్రేమకథగా తెరకెక్కుతోన్న ఈ సినిమాలో రష్మిక మందన్న కీలక పాత్రలో నటిస్తోంది. ఈ మూవీలో కాశ్మీరీ ముస్లీమ్ యువతిగా రష్మిక మందన్న నటిస్తోంది. ఈ సినిమాలో రష్మిక పాత్ర పేరు అఫ్రీన్. ఇక ఈ సినిమాలో క్లాస్ అండ్ సెన్సిబుల్ ఫిల్మ్ మేకర్ గౌతమ్ మీనన్ కీలక పాత్రలో కనిపించనున్నారు.
హను రాఘవపూడి దర్శకత్వంలో ప్రేక్షకుల ముందుకు రాబోతున్న మ్యూజికల్ రొమాంటిక్ ఎంటర్టైనర్ ‘సీతారామం’లో మేజర్ సెల్వన్ పాత్రను పోషించారు. ఆయన పాత్రని పరిచయం చేస్తూ చిత్ర యూనిట్ విడుదల చేసిన పోస్టర్ లో సీరియస్గా లుక్ లో కనిపించి క్యురియాసిటీని పెంచారు. గౌతమ్ మీనన్ ఈ పాత్రకు పర్ఫెక్ట్ ఛాయిస్ గా నిలిచారు. ఈ సందర్భంగా విడుదల చేసిన వీడియో గ్లింప్స్ మేజర్ సెల్వన్ లుక్ ని వివరంగా చూపించింది. సినిమాలో నటీనటులందరూ కథలో కీలక భూమిక పోషించనున్నారు. ఈ చిత్రంలో రష్మిక మందన్నతోపాటు సుమంత్, తరుణ్ భాస్కర్ తదితరులు ముఖ్య పాత్రల్లో నటిస్తున్నారు. దృశ్యకావ్యంగా రూపొందుతున్న ఈ చిత్రంలో చాలా మంది ప్రముఖ నటీనటులు చూడటం ప్రేక్షకులకు కన్నులపండగ కాబోతుంది. పాటలు, టీజర్, నటీనటుల పరిచయ వీడియోలకు అద్భుతమైన స్పందన వచ్చింది. ఈ సినిమా థియేట్రికల్ ట్రైలర్ పై భారీ ఆసక్తి నెలకొంది. వైజయంతీ మూవీస్ సమర్పణలో స్వప్న సినిమా పతాకంపై అశ్వినీ దత్ ఈ చిత్రాన్ని భారీగా నిర్మిస్తున్నారు. పిఎస్ వినోద్ సినిమాటోగ్రఫీ అందిస్తున్న ఈ చిత్రానికి విశాల్ చంద్రశేఖర్ సంగీతం అందించారు. తెలుగు, తమిళం, మలయాళ భాషల్లో ఏకకాలంలో రూపొందుతున్న ఈ చిత్రం ఆగస్ట్ 5న ప్రేక్షకుల ముందుకు వస్తోంది.
