Prabhas: ప్రభాస్, హను రాఘవపూడి సినిమా స్టోరీ ఇదే.. అప్పుడే మూడు సాంగ్స్..
త్వరలోనే స్పిరిట్, సలార్ 2 సినిమాలు స్టార్ట్ కానున్నాయి. ఇవే కాకుండా సీతారామం ఫేమ్ డైరెక్టర్ హను రాఘవపూడి డైరెక్షన్లో ఓ ప్రాజెక్ట్ చేయనున్నారట. కొంతకాలంగా ఈ మూవీ గురించి నెట్టింట ప్రచారం నడుస్తుంది. కానీ ఇప్పటివరకు ఎలాంటి అఫీషియల్ అనౌన్మెంట్ రాలేదు. దీంతో అసలు హను, ప్రభాస్ కాంబోలో ప్రాజెక్ట్ ఉందా ?.. ఎప్పుడు స్టార్ట్ అవుతుంది ? అనే సందేహాలు వ్యక్తమయ్యాయి. అయితే ఈ విషయాలపై క్లారిటీ కూడా రాలేదు.
Updated on: Apr 08, 2024 | 9:19 AM
పాన్ ఇండియా స్టార్ ప్రభాస్ ఇప్పుడు చేతినిండా సినిమాలతో ఫుల్ బిజీగా ఉన్న సంగతి తెలిసిందే. గతేడాది సలార్ మూవీతో బ్లాక్ బస్టర్ హిట్ అందుకున్న డార్లింగ్.. ఇప్పుడు కల్కి ప్రాజెక్ట్ కోసం కష్టపడుతున్నాడు. డైరెక్టర్ నాగ్ అశ్విన్ తెరకెక్కిస్తున్న ఈ సినిమాపై ఇప్పటికే భారీ అంచనాలు ఉన్నాయి. మే 9న రిలీజ్ కావాల్సిన ఈ మూవీ ఇప్పుడు వాయిదా పడినట్లు తెలుస్తోంది. అలాగే మారుతి దర్శకత్వంలో రాజాసాబ్ మూవీ చేస్తున్నాడు. ఇందులో వింటెజ్ ప్రభాస్ ను అడియన్స్ ముందుకు తీసుకురానున్నారు. ఇవే కాకుండా త్వరలోనే స్పిరిట్, సలార్ 2 సినిమాలు స్టార్ట్ కానున్నాయి. ఇవే కాకుండా సీతారామం ఫేమ్ డైరెక్టర్ హను రాఘవపూడి డైరెక్షన్లో ఓ ప్రాజెక్ట్ చేయనున్నారట. కొంతకాలంగా ఈ మూవీ గురించి నెట్టింట ప్రచారం నడుస్తుంది. కానీ ఇప్పటివరకు ఎలాంటి అఫీషియల్ అనౌన్మెంట్ రాలేదు. దీంతో అసలు హను, ప్రభాస్ కాంబోలో ప్రాజెక్ట్ ఉందా ?.. ఎప్పుడు స్టార్ట్ అవుతుంది ? అనే సందేహాలు వ్యక్తమయ్యాయి. అయితే ఈ విషయాలపై క్లారిటీ కూడా రాలేదు.
తాజాగా ఈ సినిమా గురించి ఆసక్తికర విషయాలు వినిపిస్తున్నాయి. డైరెక్టర్ హను గతంలో తెరకెక్కించిన లవ్ స్టోరీస్ మాదిరిగా కాకుండా పీరియాడిక్ యాక్షన్ డ్రామాగా ఉండబోతుందని.. ప్రీ ఇండిపెండెన్స్ టైం లైన్ తో రజాకార్ నేపథ్యంలో ఈ మూవీని రూపొందించనున్నారని తెలుస్తోంది. యుద్ధం బ్యా్క్ డ్రాప్ తో ఈ సినిమా స్టోరీ ఉండనుందని తెలుస్తోంది. ఇక ఈ చిత్రానికి విశాల్ చంద్రశేఖర్ మ్యూజిక్ అందిస్తున్నారని.. ఇప్పటికే మూడు సాంగ్స్ కూడా రెడీ చేశారని టాక్. మరోవైపు ఈ సినిమాకు ప్రీ ప్రొడక్షన్ వర్క్ జరుగుతుందని సమాచారం. దీంతో ఇప్పుడ హను, ప్రభాస్ ప్రాజెక్ట్ పై మరింత క్యూరియాసిటి నెలకొంది. ఈ సినిమా గురించి ఎప్పుడు అఫీషియల్ అనౌన్స్మెంట్ వస్తుందో చూడాలి.
ప్రస్తుతం ప్రభాస్ కల్కి, రాజాసాబ్ చిత్రీకరణలో బిజీగా ఉన్నాడు. ఈ రెండు సినిమాల షూటింగ్స్ చివరి దశకు చేరుకున్నాయి. అలాగే సలార్ 2, స్పిరిట్ మూవీస్ ప్రీ ప్రొడక్షన్ వర్క్ జరుపుకుంటున్నాయి. ఇక గతంలో హను రాఘవపూడి తెరకెక్కించిన సీతారామం సినిమాకు ఏ రేంజ్ రెస్పాన్స్ వచ్చిందో చెప్పక్కర్లేదు.
మరిన్ని సినిమా వార్తల కోసం ఇక్కడ క్లిక్ చేయండి.
