Ram Charan: చరణ్.. శంకర్ ప్రాజెక్ట్ నుంచి ఆసక్తికర అప్డేట్.. ఏకంగా 500 మంది డ్యాన్సర్లతో..
ఇప్పటికే ఈ సినిమా నుంచి పలు వీడియోస్, ఫోటోస్ లీక్ అయ్యి నెట్టింటిని షేక్ చేశాయి. పొలిటికల్ నేపథ్యంలో రాబోతున్న ఈ సినిమా గురించి మరో ఇంట్రెస్టింగ్ అప్డేట్ నెట్టింట వైరలవుతుంది.
Updated on: Feb 07, 2023 | 5:22 PM
పాన్ ఇండియా స్టార్ రామ్ చరణ్ ప్రస్తుతం చేతి నిండా సినిమాలతో ఫుల్ బిజీగా ఉన్నారు. దర్శకధీరుడు రాజమౌళి తెరకెక్కించిన ఆర్ఆర్ఆర్ సినిమాత ప్రపంచవ్యాప్తంగా అభిమానులను సంపాదించుకున్న ఈ హీరో.. ప్రస్తుతం బ్యాక్ టూ బ్యాక్ చిత్రాలతో థియేటర్లలో సందడి చేయనున్నారు. ప్రస్తుతం చరణ్ సక్సెస్ ఫుల్ డైరెక్టర్ శంకర్ తెరకెక్కిస్తున్న ప్రాజెక్ట్ లో నటిస్తున్నారు. ఇంకా టైటిల్ పెట్టిన ఈ సినిమా ఇప్పుడు ఆర్సీ 15 వర్కింగ్ టైటిల్ తో రూపొందిస్తున్నారు. ఇందులో బాలీవుడ్ బ్యూటీ కియారా అద్వానీ, అంజలి కథానాయికలుగా నటిస్తున్నారు. ఇందులో చరణ్ ద్విపాత్రాభినయం చేయబోతున్నట్లుగా టాక్ వినిపిస్తోంది. ఇప్పటికే ఈ సినిమా నుంచి పలు వీడియోస్, ఫోటోస్ లీక్ అయ్యి నెట్టింటిని షేక్ చేశాయి. పొలిటికల్ నేపథ్యంలో రాబోతున్న ఈ సినిమా గురించి మరో ఇంట్రెస్టింగ్ అప్డేట్ నెట్టింట వైరలవుతుంది.
ఈ సినిమాలో చరణ్ పై ఓ భారీ సాంగ్ చిత్రీకరించేందుకు పనులు ప్రారంభించారని తెలుస్తోంది. ఇందుకోసం ఏకంగా 500 మంది డ్యాన్సర్లను రప్పిస్తున్నారట. శంకర్ భారీ స్థాయిలో పాటల చిత్రీకరించడంలో ఆయనకు మంచి గుర్తింపు ఉంది. ఈ వారం చివర్లోనే ఈ సాంగ్ షూటింగ్ ప్రారంభిస్తారని సమాచారం. దీంతో ఈ సినిమాపై మరింత హైప్ పెరిగింది. దాదాపు 300 కోట్ల బడ్జెట్ తో పాన్ ఇండియా లెవల్లో నిర్మిస్తోన్న ఈ సినిమా కోసం ఫ్యాన్స్ ఎంతో ఆసక్తిగా ఎదురుచూస్తున్నారు.
ఈ చిత్రానికి థమన్ సంగీతం అందిస్తున్నారు. ఈ సినిమా తర్వాత చరణ్.. ఉప్పెన ఫేమ్ బుచ్చిబాబు సన దర్శకత్వంలో మరో ప్రాజెక్ట్ చేయనున్నారు. ఇప్పటికే ఈ ప్రాజెక్ట్ కు సంబంధించి అఫీషియల్ అనౌన్స్మెంట్ కూడా వచ్చేసింది. ఆర్సీ 15 ప్రకటన అనంతరం వీరి ప్రాజెక్ట్ స్టార్ట్ కానుంది.
