Harish Shankar: ‘ఈగల్’ సక్సెస్ మీట్లో డైరెక్టర్ హరీష్ శంకర్ సీరియస్.. ట్రోలింగ్స్ పై ఫైర్..
పాజిటివ్ రివ్యూస్ అందుకున్న ఈ సినిమా ఇప్పుడు భారీ వసూళ్లతో దూసుకుపోతుంది. మాస్ యాక్షన్ డ్రామాగా వచ్చిన ఈ మూవీ రెండు రోజుల్లోనే రూ. 20 కోట్లకు పైగా గ్రాస్ కలెక్ట్ చేసింది. డైరెక్టర్ కార్తీక్ డైరెక్షన్, చిన్న స్టోరీని అడియన్స్ ముందుకు తీసుకువచ్చిన విధానంపై విమర్శకులు ప్రశంసలు కురిపిస్తున్నారు. ఇక ఎప్పటిలాగే మాస్ మాహారాజా తన నటనతో అదరగొట్టేశాడంటూ సోషల్ మీడియాలో కామెంట్స్ చేస్తున్నారు.
Updated on: Feb 12, 2024 | 11:45 AM
డైరెక్టర్ కార్తీక్ ఘట్టమనేని దర్శకత్వంలో మాస్ మాహారాజా రవితేజ నటించిన సినిమా ‘ఈగల్’. ఇందులో అనుపమ పరమేశ్వరన్, కావ్య థాపర్, నవదీప్, అవసరాల శ్రీనివాస్ కీలకపాత్రలు పోషించారు. ఫిబ్రవరి 9న విడుదలైన ఈ సినిమా మంచి విజయం సాధించింది. పాజిటివ్ రివ్యూస్ అందుకున్న ఈ సినిమా ఇప్పుడు భారీ వసూళ్లతో దూసుకుపోతుంది. మాస్ యాక్షన్ డ్రామాగా వచ్చిన ఈ మూవీ రెండు రోజుల్లోనే రూ. 20 కోట్లకు పైగా గ్రాస్ కలెక్ట్ చేసింది. డైరెక్టర్ కార్తీక్ డైరెక్షన్, చిన్న స్టోరీని అడియన్స్ ముందుకు తీసుకువచ్చిన విధానంపై విమర్శకులు ప్రశంసలు కురిపిస్తున్నారు. ఇక ఎప్పటిలాగే మాస్ మాహారాజా తన నటనతో అదరగొట్టేశాడంటూ సోషల్ మీడియాలో కామెంట్స్ చేస్తున్నారు. తాజాగా ఈ మూవీ సక్సెస్ మీట్ నిర్వహించింది చిత్రయూనిట్. ఈ కార్యక్రమంలో పాల్గొన్న డైరెక్టర్ హరీష్ శంకర్ ఓ వెబ్ సైట్ పై మండిపడ్డాడు. ఈగల్ సినిమా గురించి నెగిటివ్ రివ్యూలతోపాటు.. మూవీ యూనిట్, డైరెక్టర్ ను వ్యక్తిగతంగా టార్గెట్ చేసి ట్రోల్ చేశారని.. దీనిపై ఇప్పటికే నిర్మాణ సంస్థ కౌంటర్ ఇచ్చాడు. తాజాగా ఆ సైట్ పై హరీష్ శంకర్ విరుచుకుపడ్డారు.
ఓ డైరెక్టర్ నాలుగేళ్లుగా సినిమా తీయట్లేదు.. రాత్రంతా తాగుతూ ఉన్నాడు.. గతంలో పవన్ కళ్యాణ్ తో బ్లాక్ బస్టర్ తీశాడు అంటూ రాస్తారు. ఫోటో వేయరు.. ఏదో షాడో ఫోటో వేస్తారు.. అది ఇంకెవరు.. నేనే.. నా ఫోటో, పేరు రాసే ధైర్యం లేదు.. దైర్యం ఉంటే నా ఫోటో వేసి రాయండి.. నేను కౌంటరిస్తాను.. సినీ పరిశ్రమ అంటే కేవలం హీరో , దర్శక నిర్మాతలు మాత్రమే కాదు.. సినీ జర్నలిస్టులు కూడా పరిశ్రమలో ఒక భాగమే. మనం మనం కొట్టుకుని, తిట్టుకుని వేరేవాళ్ల ముందు తక్కువ అవ్వడం ఎందుకు. క్రిటిసైజ్ కు.. ట్రోలింగ్ కు తేడా తెలియకుండా పోతుంది.
మనం ఒకే జట్టుగా ఉన్నాం. మీరు ఆ గట్టు మీద.. మేం ఈ గట్టు మీద లేపు.. అందరం కలిస్తేనే సినీ పరిశ్రమ కాదు.. కూడదు.. ఇలాగే నెగిటివ్ రివ్యూస్ రాస్తాం.. మీ సినిమాలు వస్తాయి కదా ? మీ సంగతి చూస్తాం.. అనుకుంటే మీ అభిమాన హీరో చెప్పిన డైలాగ్ గుర్తుంది కదా అంటూ చెప్పుకొచ్చారు. ప్రస్తుతం హరీష్ శంకర్ రెండు సినిమాలను తెరకెక్కిస్తున్నారు. ఇందులో పవర్ స్టార్ పవన్ కళ్యాణ్ తో ఉస్తాద్ భగత్ సింగ్ ఒకటి. అలాగే రవితేజతో మిస్టర్ బచ్చన్ మూవీ చేస్తున్నారు. ఈ రెండు చిత్రాలు ప్రస్తుతం షూటింగ్ దశలో ఉన్నాయి.
మరిన్ని సినిమా వార్తల కోసం ఇక్కడ క్లిక్ చేయండి.
