Tollywood: ఈ అమ్మాయిని గుర్తు పట్టారా? ఇప్పుడు టాలీవుడ్‌లో ట్రెండింగ్ హీరోయిన్.. ఎంతలా మారిపోయింది!
కింది ఫొటోలో సర్కిల్ లో ఉన్నదెవరో గుర్తు పట్టారా? ఈ అమ్మాయి ఇప్పుడు టాలీవుడ్ లో క్రేజీ హీరోయిన్. ఛైల్డ్ ఆర్టిస్టుగా సినిమా పరిశ్రమలోకి అడుగు పెట్టిన ఈ ముద్దుగుమ్మ అనతి కాలంలోనే స్టార్ నటిగా గుర్తింపు సొంతం చేసుకుంది. ఇటీవల ఈ బ్యూటీ నటించిన ఒక సినిమా సూపర్ హిట్ గా నిలిచింది.
టాలీవుడ్ లో సత్తా చాటుతోన్న మలయాళ హీరోయిన్లు చాలా మందే ఉన్నారు. పై ఫొటోలో ఉన్న హీరోయిన్ కూడా ఈ జాబితాకు చెందినదే. బాలనటిగా సినీపరిశ్రమలోకి అడుగుపెట్టిన ఈ క్యూటీ తన నటనతో బుల్లితెర ఆడియెన్స్ ను అలరించింది. ఆ తర్వాత హీరోయిన్ గానూ సక్సెస్ అయ్యింది. పేరుకు మలయాళీ అయినా తెలుగులోనే ఈ అందాల తారకు క్రేజ్ ఎక్కువ. పవన్ కళ్యాణ్, ఎన్టీఆర్, నాని తదిదర స్టార్ హీరోలతో కలిసి సినిమాలు చేసింది. అందం, అభినయం పరంగా తనకంటూ ఓ ప్రత్యేక గుర్తింపు తెచ్చుకుంది. ఇటీవల ఆమె నటించిన ఒక సినిమా సూపర్ హిట్ గా నిలిచింది. ఇందులో ఆమె నటన నెక్ట్స్ లెవెల్ అని చెప్పవచ్చు. ఎందుకంటే ఇప్పటివరకు పక్కింటి అమ్మాయి పాత్రల్లో నటించిన ఈ అందాల తార తొలిసారిగా అమ్మ పాత్రలో అద్భుతంగా నటించింది. విమర్శకుల ప్రశంసలు అందుకుంది. సినిమా కూడా సూపర్ హిట్ గా నిలిచింది. మరి ఈ పాటికే అర్థమై ఉంటుంది మనం ఎవరి గురించి మాట్లాడుకుంటున్నామో? యస్.. ఈ క్యూటీ మరెవరో కాదు ఇటీవల 35 చిన్న కథ కాదు సినిమాతో బ్లాక్ బస్టర్ మూవీని ఖాతాలో వేసుకున్న నివేదా థామస్. శనివారం (నవంబర్ 02) ఆమె పుట్టిన రోజు. ఈ సందర్భంగా పలువురు సినీ ప్రముఖులు, అభిమానులు, నెటిజన్లు నివేదాకు బర్త్ డే విషెస్ చెబుతున్నారు.
1995 నవంబర్ 2న కన్నూర్ ప్రాంతంలో జన్మించిన నివేదా.. 2002లో మలయాళం మూవీ ‘ఉత్తర’లో బాలనటిగా తెరంగేట్రం చేసింది. ఆ తర్వాత సన్ టీవీలో అప్పట్లో ప్రసారమైన మై డియర్ భూతం సీరియల్లోనూ నివేద నటించింది. ఆ తర్వాత తమిళ్, మలయాళంలో అనేక చిత్రాల్లో సహాయ నటిగా కనిపించింది. 2016లో న్యాచురల్ స్టార్ నాని నటించిన జెంటిల్మెన్ సినిమాతో తెలుగు తెరకు పరిచయమైంది. ఆ తర్వాత నిన్ను కోరి, జై లవకుశ, 118, బ్రోచేవారెవరురా, దర్బార్, వి, వకీల్ సాబ్, మీట్ క్యూట్, శాకిని డాకిని చిత్రాలతో తెలుగు ఆడియెన్స కు బాగా చేరువైంది.
35.. చిన్న కథ కాదు సినిమాలో నివేదా థామస్..
😊
“35 Chinna Katha Kaadu” has been officially selected for the Prestigious Indian Panorama 2024 at the 55th IFFI Goa, representing Telugu Cinema. @PriyadarshiPN @RanaDaggubati @gautamitads @imvishwadev @Nanduemani @nikethbommi @SOriginals1 @WALTAIRPRO @SureshProdns… pic.twitter.com/CsnK9Jg43u
— Nivetha Thomas (@i_nivethathomas) October 25, 2024
నివేద నటించిన తాజా చిత్రం 35.. చిన్న కథ కాదు. కమర్షియల్ హంగులకు దూరంగా తెరకెక్కిన ఈ సినిమా సూపర్ హిట్ గా నిలిచింది. పిల్లల చదువులో తల్లిదండ్రుల పాత్ర అనే సున్నితమైన అంశంపై ఈ సినిమా తెరకెక్కింది. ఇందులో తల్లిగా నివేద పాత్రకు పలువురి ప్రశంసలు దక్కాయి.
ఆహలో స్ట్రీమింగ్..
70 Million+ hearts and counting! ❤️
Beautiful Blockbuster #35Movie streaming now only on aha! ✨▶️https://t.co/DsR43KZFtj#35ChinnaKathaKadhu @i_nivethathomas @imvishwadev @PriyadarshiPN @Nanduemani @RanaDaggubati @nikethbommi pic.twitter.com/iwPMBffD7C
— ahavideoin (@ahavideoIN) October 6, 2024
మరిన్ని సినిమా వార్తల కోసం ఇక్కడ క్లిక్ చేయండి.
