Seetimaarr : కొత్త రిలీజ్ డేట్ అనౌన్స్ చేసిన సీటీమార్ టీమ్.. థియేటర్స్‌లోకి వచ్చేది ఎప్పుడంటే..

మ్యాచో హీరో గోపీచంద్ - మిల్కీ బ్యూటీ తమన్నా భాటియా కలిసి నటిస్తున్న తాజా సినిమా సీటిమార్. కండలు తిరిగిన దేహంతో టాలీవుడ్‌ హంక్‌లా ఉంటాడు గోపీచంద్.

Gopichand

Rajeev Rayala | Edited By: Ravi Kiran

Updated on: Aug 29, 2021 | 8:11 AM

Seetimaarr : మ్యాచో హీరో గోపీచంద్ – మిల్కీ బ్యూటీ తమన్నా భాటియా కలిసి నటిస్తున్న తాజా సినిమా సీటిమార్. కండలు తిరిగిన దేహంతో టాలీవుడ్‌ హంక్‌లా ఉంటాడు గోపీచంద్. హీరోగా తెలుగు తెరకు పరిచయమై..ఆ తర్వాత విలన్ వేశాలతో అందర్నీ ఆకట్టుకున్నాడు. ఇక ఈ తరువాత హై ఎనర్జటిక్‌ యాక్షన్ సినిమాలతో వరుస విజయాలను సాధిస్తూ.. టాలీవుడ్‌లో స్టార్‌ హీరోగా ఎదిగాడు. ఇక ఆరేళ్ళ కిందటి ‘జిల్’ తర్వాత గోపీచంద్ కెరీర్‌లో సరైన బొమ్మే పడలేదు. ఆక్సిజన్ లాంటి ఎక్స్‌పరిమెంట్లు, పంతం లాంటి కమర్షియల్స్ కూడా నడిచిన దాఖలా లేదు. అందుకే.. ఈసారి గౌతమ్ నందా ఫేమ్ సంపత్ నందితో సీటిమార్ మూవీకి సాలిడ్ ఎఫర్ట్ పెట్టాడు. కబడ్డీ నేర్చుకునిమరీ పక్కా ప్రొఫెషనల్‌గా సెట్స్‌లో వెళ్ళాడు. మణిశర్మ సంగీత సారథ్యంలో రూపుదిద్దుకుని ఇప్పటికే రిలీజైన “జ్వాలా రెడ్డి”, “పెప్సీ ఆంటీ” సాంగులు యూట్యూబ్‌లో మిలియన్ల కొద్ది వ్యూస్ సాధించి.. సినిమాపై అంచనాలు పెంచేశాయి. అంతే కాదు.. లాంగ్‌ బ్యాక్‌ రిలీజైన టీజర్‌ కూడా మరోసారి గోపీచంద్‌ బాక్సీఫీస్ దుమ్ము దులపడం ఖాయం అంటూ.. అభిమానుల చేత అరిపించింది. అయితే కరోనా కారణంగా వాయిదా పడుతూ వస్తున్న ఈ సినిమా తాజాగా రిలీజ్‌కు ముహుర్తాన్ని ఫిక్స్ చేసుకుంది.

నిజానికి ఈ సినిమాను సెప్టెంబర్ 3వ తేదీన విడుదల చేయనున్నట్టుగా ప్రకటించారు. కానీ ఆ తరువాత దర్శక నిర్మాతలు తమ నిర్ణయాన్ని మార్చుకున్నారు. కొత్త రిలీజ్ డేట్‌ను త్వరలో ఖరారు చేస్తామని అన్నారు. అప్పటి నుంచి ఈ సినిమా ఎప్పుడు రిలీజ్ చేస్తారా అని అభిమానుల్లో ఆసక్తి నెలకొంది. తాజాగా ఈ మూవీ రిలీజ్ డేట్‌ను అనౌన్స్ చేశారు చిత్రయూనిట్. ‘వినాయకచవితి’ పండుగ సందర్భాన్ని పురస్కరించుకుని, సీటీమార్ సినిమాను సెప్టెంబర్ 10వ తేదీన విడుదల చేయనున్నారు. ఈ మేరకు సినిమా నుంచి అదిరిపోయే ఓ పోస్టర్ ను కూడా రిలీజ్ చేశారు.