Vijay- Rashmika Mandanna: విజయ్, రష్మిక వెడ్డింగ్‌ రిసెప్షన్‌.. అభిమానులకు విరోష్ విజ్ఞప్తి..

విజయ్ దేవరకొండ, రష్మిక మందన్న ఇటీవలే వివాహబంధంతో ఒక్కటైన విషయం తెలిసిందే.. గతకొన్నాళ్ళుగా ప్రేమలో ఉన్న విజయ్ రష్మిక ఎట్టకేలకు పెళ్లి చేసుకోవడంతో అభిమానులు ఆనందంలో తేలిపోతున్నారు. వీరి వివాహం ఉదయ్ పూర్ లో ఫిబ్రవరి 26న గ్రాండ్ గా జరిగింది. వీరి వివాహానికి కొద్దిమంది అతిధులు, కుటుంబ సభ్యులు మాత్రమే హాజరయ్యారు. విజయ్, రష్మిక వివాహం హిందూ సాంప్రదాయ పద్దతిలో అలాగే కొడవ పద్దతిలో జరిగింది. అలాగే మార్చ్ 4న విజయ్, రష్మిక రిసెప్షన్ వేడుక హైదరాబాద్ లో జరగనుంది. ఈ వేడుకలు సినీ సెలబ్రెటీలతో పాటు అభిమానులు కూడా భారీగా హాజరు కానున్నారు. ఈ క్రమంలో అభిమానులకు విజయ్, రష్మిక ఓ విజ్ఞప్తి చేశారు.

మార్చ్ 4న జరగనున్న రిసెప్షన్ వేడుకకు ఆహ్వానం లేనిదే అభిమానులు రావొద్దని విజ్ఞప్తి చేశారు. ఈ వేడుకకు సినీ ప్రముఖులతో పాటు రాజకీయ ప్రముఖులు హాజరుకానుండడంతో భారీ భద్రత ఏర్పాటు చేయనున్నారు. పోలీసుల ఆంక్షల నేపథ్యంలో అభిమానులు విజయ్, రష్మిక రిసెప్షన్ కు ఆహ్వానం లేనిదే రావొద్దు , వచ్చి ఇబ్బందిపడొద్దు అంటూ రిక్వెస్ట్ చేశారు. అభిమానులు, శ్రేయోభిలాషుల క్షేమమే తమకు ముఖ్యమని చెప్పుకొచ్చారు విరోష్ జంట.

ఇక విజయ్ రష్మిక కలిసి రెండు సినిమాల్లో నటించిన విషయం తెలిసిందే.. గీతగోవిందం సినిమాలో తొలిసారి ఈ జంట కలిసి నటించారు. ఈ సినిమా మంచి విజయాన్ని అందుకుంది. ఆ సమయంలోనే ఈ ఇద్దరి మధ్య ఫ్రెండ్ షిప్ ఏర్పడిందని తెలుస్తుంది.. ఈ పరిచయం రెండో సినిమా సమయానికి ప్రేమగా మారిందని తెలుస్తుంది. చాలా కాలం విజయ్, రష్మిక వారి రిలేషన్ ను సీక్రెట్ గా ఉంచారు.

మరిన్ని ఎంటర్టైన్మెంట్ వార్తల కోసం ఇక్కడ క్లిక్ చేయండి.