విజయ్ దేవరకొండ

తెలుగు సినీ పరిశ్రమలో ఉన్న అగ్ర హీరోలలో విజయ్ దేవరకొండ ఒకరు. 1989 మే 9న హైదరాబాద్‏లో జన్మించిన విజయ్… 2011లో నువ్విలా సినిమాతో నటుడిగా తెరంగేట్రం చేశారు. తొలినాళ్లలో పలు చిత్రాల్లో చిన్న చిన్న పాత్రలు పోషించారు. 2016లో పెళ్లి చూపులు సినిమాతో హీరోగా మారారు. ఈ మూవీకి మంచి విజయం సాధించింది. ఆ తర్వాత డైరెక్టర్ సందీప్ రెడ్డి దర్శకత్వంలో అర్జున్ రెడ్డి సినిమాతో బ్లాక్ బస్టర్ హిట్ అందుకున్నారు. 2017లో రిలీజ్ అయిన ఈ మూవీ విజయ్ కెరీర్‏ను మలుపుతిప్పింది. అప్పటినుంచి తెలుగు ప్రేక్షకులు అతడిని ‘రౌడీ’ హీరో అంటూ ముద్దుగా పిలుచుకుంటారు. మహానటి, ఈ నగరానికి ఏమైంది, టాక్సీవాలా చిత్రాల్లో నటించారు విజయ్. ఎలాంటి బ్యాగ్రౌండ్ సపోర్ట్ లేకుండానే నటనపై ఆసక్తితో ఇండస్ట్రీలోకి అడుగుపెట్టిన విజయ్… ఇప్పుడు హిట్టు, ప్లాపులతో సంబంధం లేకుండా వరుస సినిమాలు చేస్తున్నారు. రొమాంటిక్, కామెడీ, మాస్ యాక్షన్ ఇలా అన్ని రకాల ఎంటర్టైనర్స్‏తో మెప్పిస్తున్నాడు విజయ్.