Jr.NTR: జూనియర్ ఎన్టీఆర్ అభిమాని మృతిపై అనుమానాలు.. వెలుగులోకి సెల్ఫీ వీడియో..
మరోవైపు శ్యామ్ మృతికి న్యాయం జరగాలని అటు తారక్ అభిమానులతోపాటు.. మరికొందరి హీరో ఫ్యాన్స్ సైతం డిమాండ్ చేస్తున్నారు. దీంతో ట్విట్టర్ లో '#WeWantJusticeForShyamNTR' హ్యాష్ ట్యాగ్ ట్రెండ్ అవుతుంది. అయితే లేటెస్ట్‌గా శ్యామ్ మణికంఠ మరణానికి ముందు వీడియో రికార్డు బయటపడ్డం ఇప్పుడు సంచలనంగా మారింది.
Updated on: Jun 27, 2023 | 4:25 PM
జూనియర్ ఎన్టీఆర్ అభిమాని శ్యామ్ మణికంఠ డెత్ మిస్టరీ కలకలం రేపుతోంది. అంబేడ్కర్‌ కోనసీమ జిల్లాకు చెందిన శ్యామ్ ఈనెల 25న ఉరివేసుకుని ఆత్మహత్య చేసుకున్నాడు. అయితే మృతుడి ఒంటిపై తీవ్ర గాయాలు ఉండటంతో అనేక అనుమానాలు రేకెత్తించింది. శ్యామ్ ఎడమ చేతిపై బ్లేడ్‌తో కోసిన గాయాలుండడంతో తమ కొడుకుది ఆత్మహత్య కాదు హత్యేనని ఆరోపించారు శ్యామ్ తండ్రి. ఇక మరోవైపు శ్యామ్ మృతికి న్యాయం జరగాలని అటు తారక్ అభిమానులతోపాటు.. మరికొందరి హీరో ఫ్యాన్స్ సైతం డిమాండ్ చేస్తున్నారు. దీంతో ట్విట్టర్ లో ‘#WeWantJusticeForShyamNTR’ హ్యాష్ ట్యాగ్ ట్రెండ్ అవుతుంది. అయితే లేటెస్ట్‌గా శ్యామ్ మణికంఠ మరణానికి ముందు వీడియో రికార్డు బయటపడ్డం ఇప్పుడు సంచలనంగా మారింది.
తను ఎవ్వరికీ పనికిరానివాడినని, తను జీవితం పై విరక్తి చెందానని, అందుకే ఆత్మహత్యకు పాల్పడుతున్నానంటూ వీడియో బయటకొచ్చింది. దీంతో హత్యా? ఆత్మహత్యా అన్న అనుమానాలకు ఫుల్‌ స్టాప్‌ పడింది. ఇదే విషయంపై శ్యామ్ వీడియో విడుదలకు ముందు జూనియర్ ఎన్టీఆర్ స్పందించారు. ఎలా చనిపోయాడో తెలియకపోవడం మనసుని కలచివేస్తోందన్నారు. అధికారులు తక్షణమే దర్యాప్తు జరపాలన్నారు జూనియర్ ఎన్టీఆర్‌చంద్రబాబు సైతం స్పందించారు. ట్విట్టర్‌లో స్పందించిన చంద్రబాబు శ్యామ్ మృతి వెనుక వైసీపీ నేతల హస్తం ఉందని ఆరోపించారు. పూర్తి స్థాయిలో విచారణ జరపాలన్నారు.
తాజాగా వెలుగులోకి వచ్చిన శ్యామ్ వీడియోతో అతడిది ఆత్మహత్యేనని స్పష్టమైంది. పోస్టుమార్టం రిపోర్టు అనంతరం మరింత క్లారిటీ వస్తుందన్నారు డీఎస్పీ వెంకటరమణ .
