Pawan Kalyan: రామ్ చరణ్,ఉపాసన కూతురిపై పవన్ కళ్యాణ్ ట్వీట్.. ఏమన్నారంటే.
ఇక మరోవైపు సోషల్ మీడియా వేదికగా రామ్ చరణ్, ఉపాసన దంపతులకు శుభాకాంక్షలు తెలుపుతున్నారు. ఇప్పటికే మహేష్ బాబు, జూనియర్ ఎన్టీఆర్, సమంత, అల్లు అర్జున్ మెగా కుటుంబానికి విషెస్ తెలుపుగా.. తాజాగా పవర్ స్టార్ పవన్ కళ్యాణ్ సైతం ట్విట్టర్ వేదికగా విషెస్ చెప్పారు.
Updated on: Jun 21, 2023 | 3:01 PM
వారసురాలి రాకతో మెగా ఇంట సంబరాలు అంబరాన్ని అంటాయి. మెగాస్టార్ చిరంజీవి కుటుంబంలో మూడో తరం తొలి బిడ్డ అడుగుపెట్టింది. చిరు తనయుడు మెగా పవర్ స్టార్ రామ్ చరణ్, ఉపాసన దంపతులు తల్లిదండ్రులు అయిన సంగతి తెలిసిందే. మంగళవారం (జూన్ 20) తెల్లవారుజామున జూబ్లీ హిల్స్ అపోలో ఆసుపత్రిలో ఉపాసన పండంటి ఆడబిడ్డకు జన్మినిచ్చిన సంగతి తెలిసిందే. నిన్నటి నుంచే అపోలో ఆసుపత్రి ముందు మెగా అభిమానులు భారీ సంఖ్యలో చేరుకుని సంబరాలు చేసుకుంటున్నారు. ఇక మరోవైపు సోషల్ మీడియా వేదికగా రామ్ చరణ్, ఉపాసన దంపతులకు శుభాకాంక్షలు తెలుపుతున్నారు. ఇప్పటికే మహేష్ బాబు, జూనియర్ ఎన్టీఆర్, సమంత, అల్లు అర్జున్ మెగా కుటుంబానికి విషెస్ తెలుపుగా.. తాజాగా పవర్ స్టార్ పవన్ కళ్యాణ్ సైతం ట్విట్టర్ వేదికగా విషెస్ చెప్పారు.
“రామ్ చరణ్, ఉపాసన దంపతులకు ఆడబిడ్డ జన్మించిన తరుణాన ప్రేమపూర్వక శుభాకాంక్షలు.. శుభాశీస్సులు” అంటూ ట్వీట్ చేశారు పవన్. ప్రస్తుతం ఈ ట్వీట్ నెట్టింట వైరలవుతుండగా.. అభిమానులు సైతం విషెస్ తెలియజేస్తున్నారు. ఇక మెగా వారసురాలి రాకతో ఇంటిల్లిపాదీ సంతోషంగా ఉన్నామని.. మంగళవారం ఆడబిడ్డ పుట్టక తమకు ఎంతో అపురూపం అని అన్నారు చిరంజీవి.
ఆంజనేయ స్వామిని నమ్ముకున్న కుటుంబం అని.. మంగళవారం రోజునే పాపను ప్రసాదించటం ఎంతో సంతోషంగా ఉందన్నారు చిరు. ఇతర దేశాలు.. ప్రాంతాల నుంచి స్నేహితులు, సన్నిహితులు శుభాకాంక్షలు తెలుపుతున్నారని.. వారందరికీ తన కుటుంబం తరపున ధన్యవాదాలు తెలుపుతున్నానని అన్నారు చిరు.
రామ్ చరణ్ @AlwaysRamCharan దంపతులకు శుభాకాంక్షలు – JanaSena Chief Shri @PawanKalyan pic.twitter.com/lsvnKYReOa
— JanaSena Party (@JanaSenaParty) June 20, 2023
మరిన్ని సినిమా వార్తల కోసం ఇక్కడ క్లిక్ చేయండి.
