అమ్మబాబోయ్..! శివ సినిమాలో ఈ చిన్నారి.. ఎంత మారిపోయింది.! ఇప్పుడు ఏం చేస్తుందంటే

సంచలన దర్శకుడు రామ్ గోపాల్ వర్మ కెరీర్ లో బిగెస్ట్ బ్లాక్ బస్టర్ హిట్ మూవీ అంటే టక్కున చెప్పే పేరు శివ. కింగ్ నాగార్జున హీరోగా నటించిన ఈ మూవీ సంచలన విజయం సాధించింది. ఈ సినిమాలో నాగార్జున నటన, యాక్షన్ సీన్స్ ఆడియన్స్ ను విపరీతంగా ఆకట్టుకుంది. అలాగే ఈ మూవీలో విలన్ గా నటించిన రఘువరన్ ఆడియన్స్ ను తన నటనతో కట్టిపడేసారు. 1989లో వచ్చిన శివ సినిమా క్రియేట్ చేసిన రికార్డ్స్ అన్ని ఇన్ని కాదు. రామ్ గోపాల్ వర్మ ఫస్ట్ దర్శకత్వం వహించిన సినిమా ఇది. ఈ సినిమాకు తనికెళ్ళ భరణి డైలాగులు రాశారు. మాస్ట్రో ఇళయ రాజా ఈ సినిమాకు సంగీతం అందించారు. ఈ మూవీ పాటలు కూడా సూపర్ హిట్ గా నిలిచాయి. శివ సినిమాను 75 లక్షల బడ్జెట్ తో తెరకెక్కించారు. శివ సినిమా 22 కేద్రాల్లో 100 రోజులు పూర్తి చేసుకుంది. అలాగే 5 కేంద్రాల్లో 175 డేస్ రన్ అయ్యింది ఈ మూవీ.

ఇక శివ సినిమా ఓవర్ ఆల్ గా తెలుగు వర్షన్ 5.8 కోట్ల షేర్ ను రాబట్టింది. ఇక ఈ సినిమాను ఇప్పుడు 36ఏళ్ల తర్వాత రీ రిలీజ్ కు సిద్ధమైంది. నవంబర్ 14న శివ సినిమా థియటర్స్ లో మరోసారి సందడి చేయనుంది. ఇదిలా ఉంటే శివ సినిమాలో నటించిన ఓ చిన్నారి గురించి ఆసక్తికర చర్చ జరుగుతుంది. శివ సినిమాలో నాగార్జున అన్న కూతురిగా నటించింది ఆ చిన్నది.

సినిమాలో ఓ సైకిల్ ఛేజ్ సీన్ లో ఆమె కూడా ఉంటుంది. కాగా ఇప్పుడు ఆమె ఎలా ఉందో తెలుసా. తాజాగా దర్శకుడు రామ్ గోపాల్ వర్మ ఆమె ఫోటోను సోషల్ మీడియాలో షేర్ చేశారు. ఆమె పేరు సుష్మ ఆనంద్ అకోజు.  సుష్మ ప్రస్తుతం సినిమాలకు దూరంగా ఉంటుంది. తాజాగా ఆర్జీవీ ఆమె ఫోటో షేర్ చేస్తూ.. సుష్మ ఆనంద్ అకోజు అమెరికాలో AI , కాగ్నిటివ్ సైన్స్ రంగాల్లో రీసెర్చ్ చేస్తోందని తెలిపారు. అలాగే శివ సినిమా సమయంలో నువ్వు ఎంతో రిస్కీ షాట్స్ లో నటించవు. ఆ టైం లో నువ్వు ఎంత భయపడ్డావో నాకు తెలియదు.. అందుకే ఇప్పుడు క్షమాపణలు చెప్తున్నా అంటూ రాసుకొచ్చారు ఆర్జీవీ. ఈ పోస్ట్ ఇప్పుడు వైరల్ గా మారింది.

This is the grown up girl Sushma from the iconic cycle chase scene in SHIVA where she is sitting scared on the bar with @Iamnagarjuna cycling in tension .. @symbolicsushi is now doing research in AI and Cognitive Science in the USA pic.twitter.com/L69aSyCQPF

— Ram Gopal Varma (@RGVzoomin) November 12, 2025

మరిన్ని సినిమా వార్తల కోసం ఇక్కడ క్లిక్ చేయండి.