సైలెంట్ కిల్లర్.. ఫ్యాటీ లివర్ ఎప్పుడు ప్రమాదకరంగా మారుతుంది? ఈ లక్షణాలను లైట్ తీసుకున్నారో..

ఈ రోజుల్లో ఫ్యాటీ లివర్ ఒక సాధారణ వ్యాధిగా మారింది. చాలా మంది ప్రజలు కొవ్వు కాలేయం సమస్యతో బాధపడుతున్నారు. ఫ్యాటీ లివర్ అంటే కాలేయంలో అధికంగా కొవ్వు పేరుకుపోవడం. ఈ కొవ్వు కాలేయం ఆరోగ్యానికి హాని కలిగిస్తుంది. మొదట్లో ఇది పెద్ద సమస్య కాకపోవచ్చు.. కానీ దీనికి సకాలంలో చికిత్స చేయకపోతే, అది ఆరోగ్యానికి ప్రమాదకరంగా పరిణమించవచ్చు. కాలేయ వ్యాధి తరచుగా ఫ్యాటీ లివర్‌తో మొదలవుతుంది.. కానీ చాలా సందర్భాలలో ఇది ప్రమాదకరంగా కూడా మారవచ్చు. దీని గురించి వైద్య నిపుణులు ఏం చెబుతున్నారు.. లక్షణాలు ఎలా ఉంటాయి.. అనే వివరాలను మరింత తెలుసుకుందాం..

ఫ్యాటీ లివర్‌లో రెండు రకాలు ఉన్నాయి:

నాన్-ఆల్కహాలిక్ మరియు ఆల్కహాలిక్ (మద్యపానం వల్ల కలిగేది). గతంలో ఆల్కహాలిక్ ఫ్యాటీ లివర్ సర్వసాధారణంగా ఉండేది.. అంటే మద్యపానం వల్ల కాలేయం దెబ్బతినేది. అయితే, ఇప్పుడు నాన్-ఆల్కహాలిక్ ఫ్యాటీ లివర్ కేసులు పెరుగుతున్నాయి. అంటే మద్యం సేవించని వారికి కూడా ఫ్యాటీ లివర్ వస్తోంది. దీనికి సరైన ఆహారం తీసుకోకపోవడం, ఊబకాయం, జీవనశైలి కారణాలు. ఫాస్ట్ ఫుడ్ తినడం, శారీరక శ్రమ లేకపోవడం వల్ల ఇప్పుడు పిల్లలలో కూడా ఫ్యాటీ లివర్ కనిపిస్తోంది.

ఫ్యాటీ లివర్ ఎప్పుడు ప్రమాదకరంగా మారుతుంది?

ఫ్యాటీ లివర్ కేవలం కొవ్వు పేరుకుపోవడానికే పరిమితం కాకుండా, కాలేయంలో వాపు కూడా మొదలైనప్పుడు అది ప్రమాదకరంగా మారుతుంది. ఇది కేవలం కొవ్వు పేరుకుపోవడమే కాదు, కాలేయంలో వాపు కూడా రావడం. వైద్య పరిభాషలో, దీనిని నాన్-ఆల్కహాలిక్ స్టీటోహెపటైటిస్ (NASH) అని అంటారు. ఈ పరిస్థితిని నియంత్రించకపోతే, అది కాలేయానికి ప్రమాదకరంగా పరిణమించవచ్చు. ఇది ఫ్యాటీ లివర్ ప్రారంభ దశలలో, దాని తీవ్రత పెరిగిన తర్వాత కూడా జరగవచ్చు.

అధిక రక్తపోటు లేదా మధుమేహం వంటి వ్యాధులు ఉన్నవారిలో ఈ పరిస్థితి మరింత ప్రమాదకరంగా ఉంటుంది. అటువంటి సందర్భాలలో, లక్షణాలు అకస్మాత్తుగా వేగంగా పెరగవచ్చు. ఇది కాలేయానికి గణనీయమైన నష్టాన్ని కూడా కలిగించవచ్చని వైద్య నిపుణులు పేర్కొంటుననారు.

ఫ్యాటీ లివర్ లక్షణాలు ఏమిటి?

• నిరంతర అలసట
• బలహీనత
• పొత్తికడుపు కుడి పైభాగంలో నొప్పి
• ఆకలి లేకపోవడం
• కళ్ళు పసుపు రంగులోకి మారడం
• ఆకలి లేకపోవడం

మిమ్మల్ని మీరు ఎలా రక్షించుకోవాలి

ఏ రూపంలోనైనా శుద్ధి చేసిన పిండి తీసుకోవడాన్ని తగ్గించండి

ప్రతిరోజూ వ్యాయామం చేయండి

కడుపునొప్పి లక్షణాలను తేలికగా తీసుకోవద్దు

మీకు ఏవైనా సమస్యలు ఉంటే వైద్యుడిని సంప్రదించండి.

మరిన్ని హెల్త్ వార్తల కోసం ఇక్కడ క్లిక్ చేయండి..