SIMULCON 2026: రోగి భద్రతకు దిశానిర్దేశం.. తాష్కెంట్‌లో సిమ్యులేషన్ ఆధారిత వైద్య విద్యకు సరికొత్త గ్లోబల్ ప్రమాణం

తాష్కెంట్‌లోని హయత్ రీజెన్సీలో నిర్వహించిన 7వ అంతర్జాతీయ హెల్త్‌కేర్ సిమ్యులేషన్ కాన్ఫరెన్స్ – SIMULCON 2026 ప్రపంచవ్యాప్తంగా ప్రముఖ వైద్య నిపుణులు, విధాన నిర్ణేతలు, విద్యావేత్తలను ఒకే వేదికపైకి తీసుకువచ్చిన చారిత్రాత్మక సమావేశంగా నిలిచింది. ఈ సదస్సును ఉజ్బెకిస్తాన్ ఆరోగ్య మంత్రిత్వ శాఖ, తాష్కెంట్ స్టేట్ మెడికల్ యూనివర్సిటీ, సొసైటీ ఫర్ హెల్త్‌కేర్ సిమ్యులేషన్, జి.ఎస్.ఎల్ ఎడ్యుకేషనల్ సొసైటీ, నియో ఇన్‌స్టిట్యూట్ ఆఫ్ మెడికల్ సైన్సెస్ సంయుక్తంగా నిర్వహించాయి. సిమ్యులేషన్ ఆధారిత వైద్య విద్య, రోగి భద్రతను మెరుగుపరచడానికి ఈ సదస్సు ఆవిష్కరణ, సహకారం, విద్యా ప్రామాణికతకు శక్తివంతమైన వేదికగా నిలిచింది.

ఆవిష్కరణ, విద్య, సాంకేతికతల సమ్మేళనం

SIMULCON 2026లో వర్క్‌షాప్‌లు, కీనోట్ ఉపన్యాసాలు, ప్యానెల్ చర్చలు, అకాడెమిక్ డిబేట్లు, ఇన్నోవేషన్ ప్రదర్శనలు నిర్వహించబడ్డాయి. సిమ్యులేషన్ ఆధారిత విద్య, వైద్య శిక్షణలో ఆర్టిఫిషియల్ ఇంటెలిజెన్స్ వినియోగం, నాయకత్వ అభివృద్ధి, అంతర్జాతీయ అకాడెమిక్ సహకారం ప్రధాన అంశాలుగా నిలిచాయి. సింనోవేషన్, సింక్లేష్ వంటి ప్రత్యేక కార్యక్రమాలు ఆధునిక సాంకేతికతల ప్రాముఖ్యతను చూపించాయి. సిమ్యులేషన్ టెక్నాలజీ వైద్య నైపుణ్యాలను పెంచడంలో, రోగి భద్రతను మెరుగుపరచడంలో కీలక పాత్ర పోషిస్తోందని నిపుణులు తెలిపారు.

అంతర్జాతీయ నిపుణుల పాల్గొనడం

ఈ సదస్సులో ఏ. బోయ్ మురాదోవ్ (ఉజ్బెకిస్తాన్), జి.భాస్కర్ రావు (ఇండియా), జె. జకిమోవిచ్ (నెదర్లాండ్స్), ల్యూబ కొనొపాషేక్ (అమెరికా), ఎన్. మూర్తి (యుకే), జి. సందీప్ (అమెరికా), బి.దివ్య రాజ్ (ఇండియా), హెచ్. చుంగ్ (కొరియా), ఏ. బాలకృష్ణన్ (సింగపూర్) తదితర ప్రముఖ అంతర్జాతీయ విద్యావేత్తలు పాల్గొన్నారు. వారు భవిష్యత్ వైద్య విద్యను ప్రపంచ ప్రమాణాలకు అనుగుణంగా రూపొందించాల్సిన అవసరాన్ని వివరించారు.

విధానాలు, సహకారం ద్వారా వైద్య విద్య బలోపేతం

ఉజ్బెకిస్తాన్ ఆరోగ్య, ఉన్నత విద్య మంత్రులు ఏఏ ఖుధయారోవ్, కేఏ షేరిపోవ్ ఆధునిక బోధన పద్ధతులు, అంతర్జాతీయ భాగస్వామ్యాల ప్రాముఖ్యతను వివరించారు. సిమ్యులేషన్ ఆధారిత శిక్షణ ప్రపంచ ప్రమాణాలకు వైద్య విద్యను తీసుకెళ్లే ప్రధాన సాధనమని తెలిపారు. రెక్టర్ ఏ. బోయ్ మురాదోవ్ మాట్లాడుతూ SIMULCON విద్యార్థులు, అధ్యాపకులకు గొప్ప అనుభవాన్ని అందించిందని, నియో–జి.ఎస్.ఎల్ భాగస్వామ్యంతో సిమ్యులేషన్ శిక్షణ, పరిశోధన సహకారం, స్మార్ట్ ల్యాబ్ కార్యక్రమాలను విస్తరించనున్నట్లు తెలిపారు.

సామర్థ్యాధారిత వైద్య విద్యపై దృష్టి..

ఇ.సి.ఎఫ్.ఎం.జి కీనోట్ స్పీకర్ డా.ల్యూబ కొనొపాషేక్ సామర్థ్యాధారిత వైద్య విద్య, అంతర్జాతీయ ప్రమాణాల ప్రాముఖ్యతను వివరించారు. డా. గన్ని భాస్కర్ రావు మాట్లాడుతూ జి.ఎస్.ఎల్ – నియో స్మార్ట్ ల్యాబ్ నమూనా విద్యార్థుల క్లినికల్ నైపుణ్యాలను మెరుగుపరచడంలో, FMGE, USMLE, UKMLA వంటి పరీక్షల్లో విజయాన్ని పెంచడంలో సహాయపడుతోందని తెలిపారు.

విదేశీ వైద్య విద్యలో సవాళ్లు

నేషనల్ మెడికల్ కమిషన్ (NMC) చైర్మన్ డా.ఏ చంద్రకాంత్ షేత్ విదేశీ వైద్య విద్యార్థులు ఎదుర్కొంటున్న సవాళ్లను వివరించారు. FMGL Regulations 2021 ప్రకారం సంవత్సరానికి 250 మందికి మించని ప్రవేశాలు, తగిన మౌలిక సదుపాయాలు, ఇంగ్లీష్ మాధ్యమ బోధన, NMC అనుగుణమైన సిలబస్, సరైన క్లినికల్ శిక్షణ, తప్పనిసరి ఇంటర్న్‌షిప్, తగిన రోగి అనుభవం ఉండాలని తెలిపారు. సిమ్యులేషన్ ఆధారిత, సామర్థ్యాధారిత శిక్షణ FMGE/NExT వంటి పరీక్షలకు అవసరమని చెప్పారు.

సాంకేతికత ద్వారా విద్యార్థుల శక్తివంతం

డా.బి.దివ్య రాజ్ (నియో) విదేశాల్లో చదువుతున్న భారతీయ విద్యార్థులకు సరైన మార్గదర్శకం, సిమ్యులేషన్ శిక్షణ, అకాడెమిక్ వనరులు ఉంటే వారు ప్రపంచ స్థాయిలో రాణించగలరని అన్నారు. డా.జి. సందీప్ (అమెరికా) స్మార్ట్ ల్యాబ్ ఆధారిత శిక్షణ, సిమ్యులేషన్ వైద్య విద్యను మార్చుతున్నాయని, ఇది రోగి భద్రతను మెరుగుపరుస్తుందని తెలిపారు.

భవిష్యత్తుకు దిశానిర్దేశం

SIMULCON 2026 ప్రపంచ సహకారం, ఆవిష్కరణ, సాంకేతికతల శక్తిని ప్రతిబింబిస్తూ వైద్య విద్యలో కొత్త ప్రమాణాన్ని స్థాపించింది. ప్రపంచ నాయకులు, సంస్థలను ఒకే వేదికపైకి తీసుకువచ్చిన ఈ సదస్సు సిమ్యులేషన్ ఆధారిత వైద్య శిక్షణను బలోపేతం చేసి, భవిష్యత్తు ఆరోగ్య విద్యకు బలమైన పునాది వేసింది.