Dasara Movie: ‘దసరా’ సినిమాకు సిల్క్ స్మిత పోస్టర్కు ఉన్న సంబంధం ఏంటో తెలుసా ?..
దేశంలోని పలు ప్రధాన నగరాల్లో దసరా చిత్ర ప్రచార కార్యక్రమాల్లో పాల్గొంటున్నారు నాని. పాన్ ఇండియా లెవల్లో విడుదల కాబోతున్న ఈ సినిమా ప్రమోషన్స్ జోరందుకున్నారు. ఇందులో న్యాచురల్ స్టార్ నాని పక్కా ఊర మాస్ లుక్ లో కనిపించబోతున్నారు. వీర్లపాలెం అనే గ్రామం చుట్టూ ఈ కథ తిరుగుతున్నట్లు తెలుస్తోంది.
Updated on: Mar 28, 2023 | 12:26 PM
న్యాచురల్ స్టార్ నాని ప్రధాన పాత్రలో నూతన దర్శకుడు శ్రీకాంత్ ఒదేల తెరకెక్కిస్తోన్న లేటేస్ట్ చిత్రం దసరా. సింగరేణి నేపథ్యంలో రూపొందించిన ఈ సినిమాను తెలుగుతోపాటు.. తమిళం, కన్నడ, మలయాళం, హిందీ భాషలలో మార్చి 30న ప్రేక్షకుల ముందుకు తీసుకువస్తున్నారు. ఇందులో నాని జోడిగా కీర్తి సురేష్ నటిస్తోంది. ఈ క్రమంలో గత కొద్ది రోజులుగా ఈ సినిమా ప్రమోషన్స్ వేగం పెంచింది చిత్రయూనిట్. దేశంలోని పలు ప్రధాన నగరాల్లో దసరా చిత్ర ప్రచార కార్యక్రమాల్లో పాల్గొంటున్నారు నాని. పాన్ ఇండియా లెవల్లో విడుదల కాబోతున్న ఈ సినిమా ప్రమోషన్స్ జోరందుకున్నారు. ఇందులో న్యాచురల్ స్టార్ నాని పక్కా ఊర మాస్ లుక్ లో కనిపించబోతున్నారు. వీర్లపాలెం అనే గ్రామం చుట్టూ ఈ కథ తిరుగుతున్నట్లు తెలుస్తోంది.
ఇప్పటికే ఈ సినిమా నుంచి విడుదలైన సాంగ్స్, టీజర్, ట్రైలర్ అంచనాలను పెంచేశాయి. ఇందులో నాని ధరణి పాత్రలో కనిపించనుండగా.. వెన్నెల పాత్రలో కీర్తి కనిపించనుంది.అయితే ఈ సినిమా నుంచి విడుదలైన పోస్టర్స్ లో అలనాటి అందాల తార సిల్క్ స్మిత పోస్టర్.. ఆ పోస్టర్ దగ్గరే ఉన్న అరుగుపై పవ్వ సీసా పట్టుకుని నాని కూర్చున్నట్లు కనిపిస్తుంటాడు. అంతేకాకుండా.. ఓ పాటలోనూ సిల్క్ స్మిత పోస్టర్స్ కనిపిస్తుంటాయి. దీంతో ఈ కథకు.. సిల్క్ స్మితకు సంబంధం ఏంటీ అనే సందేహాలు వ్యక్తం చేస్తున్నారు ఫ్యాన్స్.
ఇందులో నాని సిల్క్ స్మిత అభిమానిగా కనిపించనున్నాడని టాక్ నడిచింది. అయితే ఇటీవల ఓ ఇంటర్వ్యూలో పాల్గొన్న నాని.. సిల్క్ స్మిత పోస్టర్ కనిపించడానికి గల కారణాన్ని తెలిపారు. అంతా అనుకున్నట్లు తాను ఈ సినిమాలో సిల్క్ స్మిత ఫ్యాన్ కాదని.. ఆమెకు తన డైరక్టర్ శ్రీకాంత్ వీరాభిమాని అన్నారు. అయితే సినిమాలో ఆమె పోస్టర్ పెట్టడానికి కారణాన్ని మాత్రం నాని సస్పెన్స్ లో పెడుతున్నాడని అన్నారు నాని. ఈ సందేహాలకు మార్చి 30తో క్లారిటీ రానున్నట్లు తెలిపారు.
