ఒకప్పుడు కుర్రాళ్ల కలల రాణి.. సినిమాలు వదిలేసి గూగుల్ కంపెనీ సీఈఓగా.. ఈ బ్యూటీని గుర్తుపట్టారా.. ?

ఐఐటీని వదిలేసిన ఇండస్ట్రీలోకి అడుగుపెట్టింది. నటనపై ఆసక్తితో వచ్చిన ప్రతి అవకాశాన్ని సద్వినియోగం చేసుకుంది. తెలుగు, హిందీ భాషలలో పలు చిత్రాలలో నటించి తనకంటూ మంచి గుర్తింపు తెచ్చుకుంది. ఇప్పుడు ఆమె ఒక కార్పొరేట్ కంపెనీ సీఈవోగా పనిచేస్తుంది. ఇంతకీ ఈ హీరోయిన్ ఎవరో మీరు గుర్తుపట్టాగలరా.. ?

Mayoori Kango

Rajitha Chanti |
Updated on: Oct 30, 2025 | 9:58 PM

సినీరంగంలోకి నిత్యం ఎంతో మంది కొత్త నటీనటులు అడుగుపెడుతుంటారు. కొందరు ఉన్నత విద్యను వదిలేసి .. మరికొందరు ఉద్యోగాలను వదిలి ఇండస్ట్రీలోకి ఎంట్రీ ఇస్తారు. అయితే సినిమాలలో మంచి నటనతో ప్రత్యేక ఇమేజ్ క్రియేట్ చేసుకున్న తారలు.. ఆ తర్వాత అనుహ్యంగా ఇండస్ట్రీకి దూరమవుతుంటారు. ఇప్పుడు మనం మాట్లాడుకుంటున్న ఓ అమ్మాయి.. ఒకప్పుడు కుర్రాళ్ల కలల రాణి. చేసింది తక్కువ సినిమాలే అయినప్పటికీ తనకంటూ ప్రత్యేక ఇమేజ్ క్రియేట్ చేసుకుంది. ఇప్పుడు సినిమాలు వదిలేసి కార్పొరేట్ రంగంలో స్థిరపడింది. ఒకప్పుడు అందమైన రూపం, చక్కని చిరునవ్వుతో కట్టిపడేసింది. 90లలో అభిమానుల హృదయాలు గెలుచుకుంది. హిందీలో సల్మాన్ ఖాన్ వంటి స్టార్ హీరోలతో నటించింది. కానీ అనుహ్యంగా ఇండస్ట్రీకి దూరమైంది. కార్పోరేట్ రంగంలో స్థిరమైన మార్గాన్ని ఎంచుకుంది.

ఇవి కూడా చదవండి : Cinema : ఏం ట్విస్టులు రా బాబూ.. దెబ్బకు మైండ్ బ్లాక్.. సైకలాజికల్ హారర్ సినిమా.. ఒంటరిగా చూడలేరు..

ఆమె మరెవరో కాదు.. హీరోయిన్ మయూరి కాంగో. ఒకప్పుడు తెలుగులో సూపర్ స్టార్ మహేష్ బాబు సరసన వంశీ సినిమాలో నటించింది. మయూరి అంతకు ముందు 1995లో నసీమ్ అనే సినిమాతో బాలీవుడ్ ఇండస్ట్రీలోకి తెరంగేట్రం చేసింది. ఈ సినిమా కోసం ఆమె ఐఐటీ కాన్పూర్లో అడ్మిషన్ను సైతం వదులుకుంది. ఆ తర్వాత దర్శకుడు మహేశ్ భట్ 1996లో తెరకెక్కించిన ‘పాపా కెహతే హై’ సినిమాతో పాపులర్ అయ్యింది. తెలుగులో వంశీ సినిమా తర్వాత చిత్రాలకు గుడ్ బై చెప్పేసింది. ఆ తర్వాత బుల్లితెరపై పలు షోస్ చేసింది. 2003లో ఆదిత్య ధిల్లాన్ అనే ఎన్నారైని వివాహం చేసుకుని అమెరికా వెళ్లిపోయింది. ఈ దంపతులకు 2011లో ఒక పండంటి మగబిడ్డ జన్మించాడు. ఆ తర్వాత న్యూయార్క్ లో ఎంబీఏ పూర్తి చేసింది.

ఇవి కూడా చదవండి : Actress: ఒక్క సినిమా చేయలేదు.. స్టార్ హీరోలకు మించిన ఫాలోయింగ్.. నెట్టింట గ్లామర్ అరాచకం..

మయూరి కాంగో సిస్కో గ్లోబల్ టెక్ కంపెనీలో పనిచేశారు. ఆ తర్వాత 2008లో గూగుల్ ఇండియా కంపెనీలో చేరారు. కొన్నాళ్లకు అంటే 2019లో గూగుల్ ఇండియాలో ఇండస్ట్రీ హెడ్ పదవిని చేపట్టింది. ఇటీవలే ఆమె గ్లోబల్ డెలివరీ ఆఫ్ పబ్లిసిస్ గ్రూప్‌లో చేరి CEO గా పదవిని చేపట్టారు. ప్రస్తుతం కార్పొరేట్ ప్రపంచంలో తనదైన ముద్ర వేశారు.