Tollywood : డబ్బుల కోసం పెళ్లిల్లో ఫుడ్ సర్వర్‏గా పనిచేసింది.. కట్ చేస్తే.. స్పెషల్ పాటలతో రచ్చ చేసిన హీరోయిన్..

ఇండస్ట్రీలో హీరోయిన్లుగా స్టార్ డమ్ సంపాదించుకోవడం అంటే మాములు విషయం కాదు.. ఎన్నో సవాళ్లు అధిగమించి తమకంటూ ఓ గుర్తింపు తెచ్చుకుంటారు. కానీ ఆ క్రేజ్ కాపాడుకోవడం మాత్రం కొందరు విఫలమవుతుంటారు. సినిమాల్లో మంచి గుర్తింపు తెచ్చుకున్న తారలు.. ఇప్పుడు కనిపించకుండా పోయారు. అందులో ఈ బ్యూటీ ఒకరు.

Rakhi Sawanth

Rajitha Chanti |
Updated on: Jun 17, 2025 | 7:17 PM

సినీరంగంలో నటిగా గుర్తింపు తెచ్చుకోవాలంటే అనేక అవమానాలు, సవాళ్లను అధిగమించాల్సి ఉంటుంది. ఎన్నో సంవత్సరాల తర్వాత ఇండస్ట్రీలో అవకాశాలు అందుకుని తమకంటూ మంచి క్రేజ్ సొంతం చేసుకుంటారు. మొదటి సినిమాతోనే నటిగా ప్రశంసలు అందుకుని ఆ తర్వాత ఊహించని విధంగా ఇండస్ట్రీకి దూరమవుతుంటారు. అలాంటి వారిలో ఈ బ్యూటీ ఒకరు. చిన్నప్పుడే ఆర్థిక సమస్యలతో ఇబ్బందులు పడింది. చిన్న చిన్న పనులు చేసింది. కుటుంబానికి అండంగా ఉండేందుకు దొరికిన ప్రతి చిన్న పని చేసింది. ఒకప్పుడు పెళ్లి వేడుకలలో ఫుడ్ సర్వర్ గా పనిచేసింది. తక్కువ జీతం వచ్చినప్పటికీ కొన్నాళ్లపాటు అదే పని చేసిన ఈ అమ్మడు.. ఆతర్వాత సినీరంగంలోకి అడుగుపెట్టింది. గ్లామర్ ప్రపంచంలో నటిగా ఓ వెలుగు వెలిగింది. తక్కువ సమయంలోనే విపరీతమైన క్రేజ్ సొంతం చేసుకుంది. కట్ చేస్తే.. కెరీర్ మంచి ఫాంలో ఉండగానే అనవసర వివాదాల్లో చిక్కుకుని ఇండస్ట్రీకి దూరమయ్యింది. ఎలాంటి బ్యాగ్రౌండ్ లేకుండా ఇండస్ట్రీలోకి ఎంట్రీ ఇచ్చిన ఈ చిన్నది.. బాలీవుడ్ ఇండస్ట్రీలో చాలా ఫేమస్. ముఖ్యంగా స్పెషల్ పాటలకు కేరాఫ్ అడ్రస్. తనే అందాల తార రాకీ సావంత్.

ఆనతి కాలంలోనే బీటౌన్ లో ఫేమస్ అయిన రాకీ సావంత్..వ్యక్తిగత జీవితం సైతం నెట్టింట చర్చనీయాంశంగా మారింది. 1978 నవంబర్ 25న ముంబైలో జన్మించిన రాకీ సావంత్ అసలు పేరు నెహ్రు బేడా. ఆమె తండ్రి వర్లీలో కానిస్టేబుల్. కానీ తండ్రి సంపాదన కుటుంబ ఆర్థిక కష్టాలను తగ్గించలేకపోయింది. దీంతో పదేళ్లకే ఉద్యోగాలు చేయడం స్టార్ట్ చేసింది రాకీ సావంత్. ముంబైలోని ఓ క్యాటరింగ్ సర్వీస్ లో ఫుడ్ సర్వర్ గా పనిచేసింది. అప్పట్లో పెళ్లి వేడుకలకు ఫుడ్ సర్వర్ గా చేస్తే తనకు రూ.50 జీతం ఇచ్చేవారని గతంలో ఓ ఇంటర్వ్యూలో చెప్పుకొచ్చింది. ఇది మాత్రమే కాకుండా ఆ సమయంలో తనకు వచ్చిన ప్రతి పని చేసి కుటుంబానికి అండగా ఉన్నట్లు తెలిపింది. ఆ తర్వాత నటనపై ఆసక్తితో ఇండస్ట్రీలోకి వచ్చానని.. కానీ సినిమాల్లో నటించడం తన తల్లిదండ్రులకు ఇష్టం లేదని తెలిపింది.

దీంతో తన తల్లిదండ్రులకు ఇష్టం లేకపోయినా సినిమాల్లోకి వచ్చానని తెలిపింది. అయితే కెరీర్ తొలినాళ్లల్లో ఆమె శరీరం, రూపంపై విమర్శలు రావడంతో ముఖానికి శస్త్రచికిత్స చేయించుకుంది. ఆ తర్వాత సినిమాల్లో అవకాశాలు అందుకుంది. అగ్నిచక్రం సినిమాతో వెండితెరకు పరిచయమైన రాకీ.. స్పెషల్ పాటలతోనే ఎక్కువగా ఫేమస్ అయ్యింది. అయితే రాకీ సావంత్ పెళ్లిళ్లు.. విడాకులు ఇండస్ట్రీలో హాట్ టాపిక్ అయ్యాయి. కొన్నాళ్ల క్రితం దుబాయ్ వెళ్లిన్నట్లు తెలిపింది రాకీ. ప్రస్తుతం సినిమాలకు దూరంగా ఉంటుంది రాకీ.