Odela 2 Movie: ఈ నటుడి భార్య తెలుగులో క్రేజీ హీరోయిన్.. నాని, బాలకృష్ణతో సూపర్ హిట్ మూవీస్ చేసి ఇప్పుడు..

ఇప్పుడిప్పుడే తెలుగు సినీరంగంలో నటుడిగా గుర్తింపు తెచ్చుకుంటున్నాడు వశిష్ట ఎన్ సింహా. పలు సినిమాల్లో ముఖ్య పాత్రలు పోషిస్తున్నఅతడు.. ఇటీవల ఓదెల రైల్వే స్టేషన్ సినిమాలో విలన్ పాత్రలో కనిపించారు. పూర్తిగా నెగిటివ్ షేడ్స్ ఉన్న పాత్రలో అద్భుతమైన నటనతో మంచి మార్కులు కొట్టేశాడు. కానీ మీకు తెలుసా.. ? అతడి భార్య తెలుగులో క్రేజీ హీరోయిన్.

Vashista

Rajitha Chanti |
Updated on: Jun 22, 2025 | 9:53 AM

వశిష్ట ఎన్ సింహా.. ఇప్పుడిప్పుడే తెలుగులో గుర్తింపు తెచ్చుకుంటున్న విలన్. గతంలో విడుదలైన ఓదెల రైల్వే స్టేషన్ సినిమాలో విలనిజంతో అదరగొట్టాడు. ఇక ఇటీవల వచ్చిన ఓదెల 2 చిత్రంలోనూ కనిపించాడు. ఇందులో మిల్కీబ్యూటీ తమన్నా ప్రధాన పాత్రలో నటించగా.. డైరెక్టర్ సంపత్ నంది దర్శకత్వం వహించారు. ఏప్రిల్ 17న విడుదలైన ఈ సినిమాకు మిశ్రమ స్పందన వచ్చింది. అయితే ఈ సినిమాలో తమన్నాతోపాటు హెబ్బా పటేల్ సైతం నటించగా.. వశిష్ట ఎన్ సింహా విలన్ పాత్రలో కనిపించారు. కొత్తగా పెళ్లైన అమ్మాయిలను అత్యాచారం చేసి చంపే ప్రేతాత్మ పాత్రలో మరోసారి తన నట విశ్వరూపంతో ప్రశంసలు అందుకున్నాడు. ముఖ్యంగా గంభీరమైన గొంతుతో ప్రేక్షకులను భయపెట్టాడు. ఈ సినిమా తర్వాత వశిష్టకు తెలుగులో మరిన్ని ఆఫర్స్ వస్తున్నట్లు సమాచారం. ఇదిలా ఉంటే.. ఈ నటుడి భార్య తెలుగులో క్రేజీ హీరోయిన్ అని మీకు తెలుసా.. ? టాలీవుడ్ ఇండస్ట్రీలో ఆమె నటించిన చిత్రాలన్నీ సూపర్ హిట్ అయ్యాయి. ఇంతకీ ఆమె ఎవరో తెలుసా.. ?

వశిష్ట భార్య మరెవరో కాదు..తెలుగు హీరోయిన్ హరిప్రియ. న్యాచురల్ స్టార్ నాని నటించిన పిల్ల జమీందార్ సినిమా హీరోయిన్. ఈ మూవీలో అచ్చమైన తెలుగమ్మాయిల సంప్రదాయ పద్దతితో..అందం, అభినయంతో ఆకట్టుకుంది. అంతకు ముందు తకిట తకిట సినిమాతో తెలుగు తెరకు పరిచయమైన ఆమె.. పిల్ల జమీందార్ సినిమాతో గుర్తింపు తెచ్చుకుంది. ఈ మూవీతో తెలుగు సినీరంగంలో హరిప్రియ పేరు మారుమోగింది. ఆ తర్వాత వరుణ్ సందేశ్ జోడిగా అబ్బాయి క్లాస్.. అమ్మాయి మాస్.. ఈ వర్షం సాక్షిగా సినిమాల్లో నటించింది. అలాగే బాలకృష్ణ నటించిన జై సింహా మూవీలోనూ కనిపించింది. తెలుగుతోపాటు తమిళంలోనూ అనేక చిత్రాల్లో నటించింది హరిప్రియ.

ఇవి కూడా చదవండి

హరిప్రియ, వశిష్ట సింహలది ప్రేమవివాహం. కొన్నాళ్లు ప్రేమలో ఉన్న వీరిద్దరు 2023లో ఇరు కుటుంబాల సమక్షంలో పెళ్లి చేసుకున్నారు. ఇటీవలే వీరికి పండండి బిడ్డ జన్మించింది. వశిష్ట సింహా.. కన్నడలో ఫేమస్ నటుడు. కేజీఎఫ్ సినిమాతో స్టార్ స్టేటస్ అందుకున్న ఆయన.. ఆ తర్వాత తెలుగులో ఫేమస్ అయ్యారు.