Tollywood: జస్ట్ మిస్.. మహేష్ డిజాస్టర్ మూవీని మిస్సైన మెగా హీరో.. ఏ సినిమా అంటే..

సూపర్ స్టార్ మహేష్ బాబు ప్రస్తుతం డైరెక్టర్ రాజమౌళి ప్రాజెక్ట్ కోసం సిద్ధమవుతున్న సంగతి తెలిసిందే. ఈ ఏడాది ప్రారంభంలోనే గుంటూరు కారం సినిమాతో సూపర్ హిట్ అందుకున్న ఈ హీరో.. కొన్ని నెలలుగా జక్కన్న సినిమా కోసం స్పెషల్ ట్రైనింగ్ తీసుకుంటున్నారు. అంతేకాదు.. తన లుక్ పూర్తిగా మార్చేసి అచ్చం హాలీవుడ్ రేంజ్ హీరోగా కనిపిస్తున్నారు. ఇప్పటికే మహేష్ న్యూలుక్ ఫోటోస్ వైరలవుతున్నాయి. అలాగే మహేష్, రాజమౌళి ప్రాజెక్ట్ గురించి అనేక విషయాలు సోషల్ మీడియాలో చక్కర్లు కొడుతున్నాయి. అయితే ఇప్పటివరకు ఈ ప్రాజెక్ట్ గురించి ఎలాంటి అఫీషియల్ అనౌన్స్మెంట్ రాలేదు. ఇదిలా ఉంటే..టాలీవుడ్ హీరో మహేష్ కెరీర్ లో ఎన్నో హిట్స్.. అలాగే మరెన్నో ప్లాప్ మూవీస్ ఉన్నాయి. అందులో నిజం ఒకటి. మహేష్ తన ఫిల్మ్ కెరీర్ లో చేసిన ప్రయోగాత్మక చిత్రాల్లో ఈ మూవీ ఒకటి. డైరక్టర్ తేజ రచించి దర్శకత్వం వహించారు.

ఇందులో మహేష్ సరసన ఇడియట్ మూవీ ఫేమ్ రక్షిత కథానాయికగా నటించింది. అలాగే ఈ మూవీలో గోపిచంద్ విలన్ పాత్రలో నటించారు. రాశి, రంగనాథ్, తాళ్లూరి రామేశ్వరి, ప్రకాష్ రాజ్ కీలకపాత్రలు పోషించగా.. చిత్రం మూవీస్ బ్యానర్ పై నిర్మించిన ఈ సినిమాకు ఆర్పీ పట్నాయక్ సంగీతం అందించారు. 2003 మే 23న విడుదలైన ఈ సినిమా బాక్సాఫీస్ వద్ద డిజాస్టర్ అయ్యింది. అయితే ఈసినిమాకు అంతగా రెస్పాన్స్ రాకపోయినా అనేక పురస్కారాలు అందుకుంది. ఉత్తమ నటుడిగా మహేష్ బాబు, ఉత్తమ సహాయ నటిగా తాళ్లూరి రామేశ్వరి నంది అవార్డ్స్ అందుకున్నారు. తాజాగా ఈసినిమా గురించి ఓ ఇంట్రెస్టింగ్ న్యూస్ నెట్టింట చక్కర్లు కొడుతుంది.

నిజానికి ఈ సినిమాకు ఫస్ట్ ఛాయిస్ మహేష్ బాబు కాదట. అవును.. ఈ చిత్రాన్ని ముందుగా పవన్ కళ్యాణ్ తో తెరకెక్కించాలని అనుకున్నాడట. ఆ తర్వాత ఈ మూవీ స్టోరీని పవన్ కు చెప్పగా.. సున్నితంగా తిరస్కరించారట. దీంతో ఈ సినిమా మహేష్ వద్దకు వెళ్లింది. 2003లో భారీ అంచనాల మధ్య విడుదలైన ఈ సినిమా డిజాస్టర్ అయ్యింది.

ఇది చదవండి : Tollywood: వార్నీ.. ఏందీ బాసూ ఈ అరాచకం.. పద్దతిగా ఉందనుకుంటే గ్లామర్ ఫోజులతో హీటెక్కిస్తోందిగా..

Tollywood: ఇరవై ఏళ్లపాటు స్టార్ హీరోయిన్.. బాత్రూమ్ గోడలో రూ.12 లక్షలు దొరకడంతో కెరీర్ నాశనం..

Chandamama: దొరికిందోచ్.. టాలీవుడ్‏కు మరో చందమామ.. ఈ హీరోయిన్ కూతురిని చూశారా.. ?

మరిన్ని సినిమా వార్తల కోసం ఇక్కడ క్లిక్ చేయండి.