Jabardasth : ఆ ప్రోగ్రాంలో 3 కోట్లు వచ్చాయా.. ? క్లారిటీ ఇచ్చిన జబర్దస్త్ నటుడు..

కమెడియన్ సుదర్శన్ ఇటీవల ఓ ఇంటర్వ్యూలో తన కెరీర్, కుటుంబం, భవిష్యత్ ప్రణాళికల గురించి వివరంగా మాట్లాడారు. ఈ సంభాషణలో ఆయన నెల్లూరుతో తన అనుబంధం, సినిమా పరిశ్రమలో ఎదురైన కొన్ని ఆసక్తికర సంఘటనలు, రాబోయే చిత్రం హే భగవాన్ విశేషాలను పంచుకున్నారు. సుదర్శన్ తన స్వస్థలం నెల్లూరుతో తనకు ఉన్న బలమైన బంధాన్ని వివరించారు. నెల్లూరుకు వెళ్లినప్పుడు తన స్నేహితుల నుంచి లభించే అభిమానం, మద్దతు అద్భుతంగా ఉంటాయని తెలిపారు. పరిశ్రమలో సగం మందికి తన పేరు నెల్లూరు సుదర్శన్ గానే తెలుసని ఆయన పేర్కొన్నారు. అయితే, గుండు సుదర్శన్ వంటి ఇతర నటుల వల్ల పేరు విషయంలో కొంత గందరగోళం ఏర్పడుతుందని, బుక్ మై షోలో కూడా తన ఫోటోకు బదులు వేరొక సుదర్శన్ ఫోటో వస్తుంటుందని సరదాగా పంచుకున్నారు. నెల్లూరులో తన స్నేహితుడు సునీల్ ప్రతి సినిమా విడుదలప్పుడు బ్యానర్లు ఏర్పాటు చేస్తారని, ప్రొడ్యూసర్లు, హీరోలు తన కోసం ప్రీమియర్ షో టికెట్లు ఇస్తారని తెలిపారు. తాను నటించిన సినిమాలలో దాదాపు 50 శాతం సినిమాలకు నెల్లూరులో ఒక షోను స్నేహితులు ఏర్పాటు చేస్తారని, సామజవరగమన వంటి చిత్రాలకు కూడా ఇదే మద్దతు లభించిందని చెప్పారు.

తల్లిదండ్రులు తనపై ఎప్పుడూ ఎలాంటి ఒత్తిడి పెట్టలేదని, ప్రస్తుతం తన స్థానం చూసి చాలా సంతోషిస్తున్నారని సుదర్శన్ తెలిపారు. బయటవారు తమ అబ్బాయి ఎక్కడ అని అడిగినప్పుడు, సినిమా ఇండస్ట్రీలో అని చెప్పగానే పెద్దవారికి హీరో అనే భావన ఉంటుందని ఆయన అన్నారు. సినిమా పరిశ్రమలో కోట్లు సంపాదిస్తారనే అపోహ సమాజంలో ఉందని, తన కుటుంబ సభ్యులు కూడా అటువంటి ప్రశ్నలు ఎదుర్కొంటారని వివరించారు. అయితే, ఒక సినిమాకు ఎంత వస్తుంది, దాని తర్వాత వచ్చే గ్యాప్ వంటి పరిశ్రమలోని కష్టాలను తన తల్లిదండ్రులు, సోదరుడు అర్థం చేసుకుంటారని ఆయన స్పష్టం చేశారు.

సుమ క్యాష్ ప్రోగ్రాంలో తాను ఐదు, ఆరు సార్లు పాల్గొన్నానని, ప్రతిసారి 70-80 లక్షలు “గెలుచుకున్నాను” అని సుదర్శన్ హాస్యంగా గుర్తుచేసుకున్నారు. గ్రామీణ ప్రాంతాల ప్రజలు దీనిని నిజంగానే తాను సంపాదించిన డబ్బు అని నమ్ముతుంటారని, తాను దాదాపు మూడున్నర నుంచి నాలుగు కోట్ల రూపాయలు గెలుచుకున్నానని అనుకుంటారని నవ్వుతూ చెప్పారు. తాను కేవలం సరదాగా ఫ్లాట్లు కొంటున్నాను అని చెప్పానని, ప్రజలు దీనిని సీరియస్ గా తీసుకున్నారని అన్నారు.

తన రాబోయే చిత్రం హే భగవాన్ గురించి మాట్లాడుతూ, ఇది ఒక డిఫరెంట్ బిజినెస్ నేపథ్యంలో సాగే రియల్ స్టోరీ లాంటిదని సుదర్శన్ వెల్లడించారు. ఈ చిత్రం అవుట్ అండ్ అవుట్ కామెడీ ఎంటర్‌టైనర్ అని, హీరో సుహాస్ పక్కన తను ఫన్ క్యారెక్టర్‌లో కనిపిస్తానని చెప్పారు. టీజర్ విడుదలైనప్పటి నుంచి చిత్రంలో ఫాదర్ బిజినెస్ ఏమిటని ప్రజలు ఆసక్తిగా ఉన్నారని, దీనిపై చాలా ఊహాగానాలు ఉన్నాయని తెలిపారు. గోటీలు బిజినెస్, బెగ్గర్స్ కాంట్రాక్టు, సెప్టిక్ ట్యాంక్ వంటి విభిన్న ఆలోచనలు వచ్చాయని, అయితే ఇది ఒక సర్ప్రైజ్ అని ఆయన అన్నారు. సినిమాను చూసిన తర్వాత తండ్రీ కొడుకుల బాండింగ్, బలమైన మహిళా పాత్రల అంశాలు ప్రేక్షకులను భావోద్వేగాలకు గురిచేస్తాయని, వినోదాన్ని అందిస్తాయని సుదర్శన్ ఆశాభావం వ్యక్తం చేశారు. హే భగవాన్ అనే టైటిల్ సినిమాకు 200% సరిపోతుందని ఆయన నమ్మకంగా చెప్పారు.

ఎక్కువ మంది చదివినవి: Folk Song : ఏం పాట రా బాబు.. యూట్యూబ్‏ను షేక్ చేస్తున్న ఫోక్ సాంగ్.. వింటే స్టెప్పు వేయాల్సిందే..