Rakesh Master: రాకేష్ మాస్టర్ కన్నుమూత.. గాంధీ ఆసుపత్రిలో చికిత్స పొందుతూ మృతి..
విజయనగరం నుంచి హైదరాబాద్ వస్తుండగా.. సన్ స్ట్రోక్ వచ్చినట్లుగా తెలుస్తోంది. దీంతో రక్త విరోచనాలు కావడంతో ఆయనను వెంటనే చికిత్స నిమిత్తం గాంధీ ఆసుపత్రికి తరలించగా.. చికిత్స పొందుతూ ఆదివారం సాయంత్రం తుదిశ్వాస విడిచారు. ఆయన మరణవార్తతో ఇండస్ట్రీ తీవ్ర దిగ్భ్రాంతిని వ్యక్తం చేసింది. ఆయన ఆత్మకు శాంతి చేకూరాలని అభిమానులు సంతాపం వ్యక్తం చేస్తున్నారు.
Updated on: Jun 18, 2023 | 8:26 PM
సినీపరిశ్రమలో విషాదం నెలకొంది. ప్రముఖ కొరియోగ్రాఫర్ రాకేష్ మాస్టర్ (53) మృతి చెందారు. గత కొంతకాలంగా అనారోగ్య సమస్యలతో బాధపడుతున్నారు. ఈ క్రమంలో ఇటీవల విజయనగరం నుంచి హైదరాబాద్ వస్తుండగా.. సన్ స్ట్రోక్ వచ్చినట్లుగా తెలుస్తోంది. దీంతో రక్త విరోచనాలు కావడంతో ఆయనను వెంటనే చికిత్స నిమిత్తం గాంధీ ఆసుపత్రికి తరలించగా.. చికిత్స పొందుతూ ఆదివారం సాయంత్రం తుదిశ్వాస విడిచారు. ఆయన మరణవార్తతో ఇండస్ట్రీ తీవ్ర దిగ్భ్రాంతిని వ్యక్తం చేసింది. ఆయన ఆత్మకు శాంతి చేకూరాలని అభిమానులు సంతాపం వ్యక్తం చేస్తున్నారు.
బుల్లితెరపై ఆట డ్యాన్స్ తో కెరీర్ స్టార్ట్ చేసిన రాకేష్ మాస్టర్.. ఆ తర్వాత సినీపరిశ్రమలోకి అడుగుపెట్టారు. కొరియోగ్రాఫర్ గా దాదాపు 1500 సినిమాలకు పనిచేశారు. చాలాకాలంగా ఇండస్ట్రీకి దూరంగా ఉంటున్నారు రాకేష్ మాస్టర్. కానీ సోషల్ మీడియాలో మాత్రం నిత్యం యాక్టివ్ గా ఉంటున్నారు. చాలా మంది డ్యాన్స్ మాస్టర్స్ తన కెరీర్ ను నాశనం చేశారంటూ ఆరోపణలు చేసి యూట్యూబ్ లో చాలా ఫేమస్ అయ్యారు. ఆయనకు సొంతంగా ఓ యూట్యూబ్ ఛానల్ కూడా ఉంది.
1968లో తిరుపతిలో జన్మించారు రాకేష్ మాస్టార్. ఆయన అసలు పేరు ఎస్.రామారావు. హైదరాబాద్ లో ముక్కురాజు మాస్టర్ వద్ద కొంతకాలం పనిచేశారు. ఆ తర్వాత డాన్స్ మాస్టర్ గా కెరీర్ ఆరంభించారు. ప్రస్తుతం ఇండస్ట్రీలో కొనసాగుతున్న శేఖర్ మాస్టర్, జానీ మాస్టర్ , మరికొందరు రాకేష్ మాస్టర్ శిష్యూలే. లాహిరి లాహిరి లాహిరిలో, దేవదాసు, చిరునవ్వుతో, సీతయ్య, అమ్మో పోలీసోళ్లు సినిమాలకు రాకేష్ మాస్టర్ కొరియోగ్రఫీ చేశారు. యూట్యూబ్ వేదికకే అనేక వివాదాస్పద ఇంటర్వ్యూలు ఇచ్చారు రాకేష్ మాస్టర్.
మరిన్ని సినిమా వార్తల కోసం ఇక్కడ క్లిక్ చేయండి.
