Bhola Shankar: మెగా ఫ్యాన్స్‌కు గుడ్ న్యూస్‌.. భోళా శంకర్‌ షూటింగ్ పూర్తి.. డైరెక్టర్‌ ఎమోషనల్
'వాల్తేరు వీరయ్య' తో బ్లాక్‌ బస్టర్‌ హిట్‌ సినిమాను ఖాతాలో వేసుకున్నారు మెగాస్టార్‌ చిరంజీవి. ఈ ఏడాది సంక్రాంతి కానుకగా రిలీజైన మాస్‌ యాక్షన్‌ ఎంటర్‌టైనర్‌ ఏకంగా రూ.200 కోట్లు కలెక్ట్‌ చేసింది. ఇప్పుడీ రికార్డులను కొల్లగొట్టేందుకు 'భోళా శంకర్‌' గా ప్రేక్షకుల ముందుకు వస్తున్నారు. మెహర్‌ రమేశ్‌ దర్శకత్వం వహిస్తోన్న ఈ సినిమాలో మిల్కీ బ్యూటీ తమన్నా హీరోయిన్‌గా నటించంది.
Updated on: Jul 03, 2023 | 6:53 PM
‘వాల్తేరు వీరయ్య’ తో బ్లాక్‌ బస్టర్‌ హిట్‌ సినిమాను ఖాతాలో వేసుకున్నారు మెగాస్టార్‌ చిరంజీవి. ఈ ఏడాది సంక్రాంతి కానుకగా రిలీజైన మాస్‌ యాక్షన్‌ ఎంటర్‌టైనర్‌ ఏకంగా రూ.200 కోట్లు కలెక్ట్‌ చేసింది. ఇప్పుడీ రికార్డులను కొల్లగొట్టేందుకు ‘భోళా శంకర్‌’ గా ప్రేక్షకుల ముందుకు వస్తున్నారు. మెహర్‌ రమేశ్‌ దర్శకత్వం వహిస్తోన్న ఈ సినిమాలో మిల్కీ బ్యూటీ తమన్నా హీరోయిన్‌గా నటించంది. మహానటి కీర్తి సురేష్‌ చిరంజీవి చెల్లెలిగా కనిపించనుంది. ఏకే ఎంటర్‌టైనమెంట్స్‌, క్రియేటీవ్‌ కమర్శియల్స్‌ సంస్థలు సంయుక్తంగా నిర్మిస్తోన్న భోళాశంకర్ సినిమా ఆగస్టు 11న గ్రాండ్‌గా రిలీజ్‌ కానుంది. దీంతో ఇప్పటికే ప్రమోషన్‌ కార్యక్రమాలను షురూ చేసింది చిత్రబృందం. ఇటీవల టీజర్‌ కూడా రిలీజ్‌ చేసింది. అంతకుముందు పోస్టర్‌లు, లిరికల్‌ సాంగ్స్‌ను కూడా విడుదల చేసింది. ఇవి మెగాఫ్యాన్స్‌ను బాగా ఆకట్టుకున్నాయి. వీటిని చూస్తుండే వింటేజ్‌ మెగాస్టార్‌ను చూసినట్లు ఉందని ఫ్యాన్స్‌ సంబరపడిపోతున్నారు. తాజాగా భోళాశంకర్ గురించి మరో కీలక అప్డేట్‌ ఇచ్చారు డైరెక్టర్‌ మెహర్‌ రమేశ్‌. మెగాస్టార్‌ చిరంజీవి సినిమా షూటింగ్ కంప్లీట్ అయినట్లు ప్రకటించారు. ఈ మేరకు స్పెషల్‌ ట్వీట్‌ చేశారు మెహర్‌ రమేశ్‌.
‘భోళాశంకర్’ షూటింగ్ స్పాట్‌లో చిరంజీవితో కలిసి దిగిన ఫొటోలను ట్విట్టర్‌లో షేర్‌ చేసిన మెహర్‌ రమేశ్‌ .. ‘భోళాశంకర్’ సినిమా షూటింగ్ కంప్లీట్ అయ్యింది. ఈ మూవీ షూటింగ్ కోసం గడిచిన కొద్ది రోజులుగా పగలు, రాత్రి అనే తేడా లేకుండా కష్టపడిన నటీనటులు, సాంకేతిక బృందానికి ప్రత్యేక ధన్యవాదాలు. ప్రస్తుతం పోస్ట్ ప్రొడక్షన్‌ పనులు చాలా వేగంగా జరుగుతున్నాయి. సినిమా ప్రమోషన్స్‌, పాటల రిలీజ్‌ త్వరలోనే మొదలవుతుంది’ అని రాసుకొచ్చారు. ఇక భోళాశంకర్ సినిమాకు మణిశర్మ కుమారుడు మహతి స్వర సాగర్‌ స్వరాలు సమకూరుస్తున్నారు.
@BholaaShankar 🔱 Shoot has completed 😇
Whole hearted thanks to the cast & crew who are working non-stop day & night 🙏
Post-production works going on with full swing. Promotions & song releases ahead. #August11thworldwide release #BholaaShankar @KChiruTweets 🙏🌟… pic.twitter.com/9ldUDfgsMv
— Meher Ramesh 🇮🇳 (@MeherRamesh) July 3, 2023
మరిన్ని సినిమా వార్తల కోసం క్లిక్ చేయండి.
