Allu Arjun: అల్లు అర్జున్ పిలిచి మరీ ఛాన్స్ ఇస్తానంటే.. ఆ హీరోయిన్ అలా చెప్పి షాక్ ఇచ్చిందట
ఐకాన్ స్టార్ అల్లు అర్జున్ పేరు మొన్నటివరకు సౌత్ లో మాత్రమే వినిపించింది. కానీ ఎప్పుడైతే పుష్ప సినిమా రిలీజ్ అయ్యిందో బన్నీకి పాన్ ఇండియా క్రేజ్ వచ్చేసింది.
Updated on: Sep 08, 2022 | 9:03 AM
ఐకాన్ స్టార్ అల్లు అర్జున్(Allu Arjun) పేరు మొన్నటివరకు సౌత్ లో మాత్రమే వినిపించింది. కానీ ఎప్పుడైతే పుష్ప సినిమా రిలీజ్ అయ్యిందో బన్నీకి పాన్ ఇండియా క్రేజ్ వచ్చేసింది. బన్నీ ఫాలోయింగ్ ఏకంగా దేశాలు దాటిపోయింది. సుకుమార్ తెరకెక్కించిన పుష్ప సినిమా అల్లు అర్జున్ ను స్టైలిష్ స్టార్ నుంచి ఐకాన్ స్టార్ గా మార్చేసింది. ఈ సినిమా రిలీజ్ అయ్యి సంచలన విజయాన్ని అందుకుంది. ఇదిలా ఉంటే ఒక్కసారైనా బన్నీ సరసన నటించాలని హీరోయిన్స్ చాలా మంది ఎదురుచూస్తుంటారు. బన్నీతో సినిమా చేయడానికి స్టార్ హీరోయిన్స్ అంతా ఆసక్తిగా ఎదురుచూస్తుంటే..ఒక అమ్మడు మాత్రం వెరైటీగా రియాక్ట్ అయ్యిందట. నా పక్కన హీరోయిన్ గా నటిస్తావా..? అని ఓ చిన్నదాన్ని బన్నీ అడగ్గా.. నువ్వు ముసలోడివి అయిపోతావ్ అని సమాధానం చెప్పిందట. దాంతో బన్నీ తెగ నవ్వుకున్నాడట. ఇంతకు బన్నీ నో చెప్పిన ఆ భామ ఎవరో తెలుసా..
అల్లు అర్జున్ హీరోగా నటించిన తొలిసినిమా గంగోత్రి. దర్శకేంద్రుడు రాఘవేంద్రరావు ఈ సినిమాకు దర్శకత్వం వహించారు. ఈ సినిమాలో అదితి అగర్వాల్ హీరోయిన్ గా నటించిన విషయం తెలిసిందే..అలాగే ఈ సినిమాలో హీరోయిన్ చిన్ననాటి పాత్రలో కనిపించి మెప్పించింది కావ్య. చైల్డ్ ఆర్టిస్ట్ గా పలు సినిమాల్లో నటించిన కావ్య ఇప్పుడు హీరోయిన్ గా మారిపోయింది. కావ్య ‘మసూద’ అనే సినిమాతో హీరోయిన్ గా ఎంట్రీ ఇవ్వనుంది. ఈ సినిమా ప్రమోషన్స్ లో భాగంగా జరిగిన ఓ ఇంట్రవ్యూలో ఆసక్తికర విషయాలు పంచుకుంది కావ్య. గంగోత్రి సమయంలో కావ్యను ఆటపట్టిస్తూ బన్నీ.. ”నువ్వు హీరోయిన్ అయిన తర్వాత నీ డేట్స్ కావాలి అని అన్నారు.. దానికి “నేను హీరోయిన్ అయ్యే సమయానికి మీరు ముసలోళ్లు అయిపోతారు” అని అన్నానని కావ్య తెలిపింది. దానికి బన్నీ నవ్వేశారు అని చెప్పింది. అయితే ఇప్పుడు బన్నీ సరసన ఛాన్స్ వస్తే ఈ అమ్మడు నో చెప్పే ప్రసక్తే లేదని అంటున్నారు నెటిజన్లు.
Child Artist Kavya
మరిన్ని సినిమా వార్తల కోసం క్లిక్ చేయండి..
