Sita Ramam : ఒకేరోజు ఓటీటీలో ఈ బ్లాక్ బస్టర్ చిత్రాలు చూడొచ్చు.. సీతారామంతోపాటు..
ఈ సంవత్సరం విడుదలైన ఉత్తమ ప్రేమకథలలో ఒకటిగా నిలిచిన ఈ మూవీ అమెజాన్ ప్రైమ్ లో సెప్టెంబర్ 9న స్ట్రీమింగ్ కానుంది
మలయాళ స్టార్ హీరో దుల్కర్ సల్మాన్.. బాలీవుడ్ బ్యూటీ మృణాల్ ఠాకూర్ జంటగా నటించిన లేటేస్ట్ చిత్రం సీతారామం. డైరెక్టర్ హనురాఘవపూడి తెరకెక్కించిన ఈ సినిమా ఆగస్ట్ 5న విడుదలై పాజిటివ్ టాక్ సొంతం చేసుకుంది. పీరియాడికల్ నేపథ్యంలో రూపొందిన ఈ అందమైన ప్రేమకథ దక్షిణాది ప్రేక్షకులను ఆక్టటుకుంది. అన్ని వర్గాల ఆడియన్స్ హృదయాలను తాకిన ఈ మూవీ ఇప్పుడు బాలీవుడ్ లోనూ దూసుకుపోతుంది. కేవలం సినిమా మాత్రమే కాకుండా ఇందులోని సాంగ్స్ సైతం యూట్యూబ్ ను షేక్ చేస్తున్నారు. విడుదలై నెల రోజులు పూర్తైన సీతారామం క్రేజ్ మాత్రం తగ్గడం లేదు. ఇక ఇప్పుడు ఓటీటీలో సందడి చేయనుంది. ఈ సంవత్సరం విడుదలైన ఉత్తమ ప్రేమకథలలో ఒకటిగా నిలిచిన ఈ మూవీ అమెజాన్ ప్రైమ్ లో సెప్టెంబర్ 9న స్ట్రీమింగ్ కానుంది. ఈ సినిమాతో పాటు.. మరిన్ని చిత్రాలు సైతం ఓటీటీలో సందడి చేయనున్నట్లు తెలుస్తోంది.
అలాగే మరోవైపు ఆహాలో సెప్టెంబర్ 9న భీమ్లానాయక్ సినిమా స్ట్రీమింగ్ కానుంది. అయితే సీతారామంతో పాటు విడుదలైన బింబిసార కూడా ఓటీటీలో స్ట్రీమింగ్ కోసం ఎదురుచూస్తున్నారు ప్రేక్షకులు. కానీ ఈ మూవీ ఓటీటీ స్ట్రీమింగ్ గురించి ఇప్పటివరకు అప్డేట్ రాలేదు. ఇక సెప్టెంబర్ 9న థియేటర్లలో బ్రహ్మాస్త్ర, ఒకే ఒక జీవితం చిత్రాలు కూడా విడుదల కానున్న సంగతి తెలిసిందే.
మరిన్ని ఎంటర్టైన్మెంట్ వార్తల కోసం ఇక్కడ క్లిక్ చేయండి.
