Baby Collections: బాక్సాఫీస్ వద్ద ‘బేబీ’ హవా.. మూడో రోజుల్లో మొత్తం ఎన్ని కోట్లు కలెక్ట్ చేసిందో తెలుసా?
బాక్సాఫీస్ వద్ద బేబీ ప్రభంజనం కొనసాగుతోంది. ఆనంద్ దేవరకొండ, వైష్ణవి చైతన్య నటించిన ఈ యూత్ఫుల్ ఎంటర్టైనర్కు ప్రేక్షకులు ముఖ్యంగా యువత బ్రహ్మరథం పడుతున్నారు.
Updated on: Jul 17, 2023 | 3:31 PM
బాక్సాఫీస్ వద్ద బేబీ ప్రభంజనం కొనసాగుతోంది. ఆనంద్ దేవరకొండ, వైష్ణవి చైతన్య నటించిన ఈ యూత్ఫుల్ ఎంటర్టైనర్కు ప్రేక్షకులు ముఖ్యంగా యువత బ్రహ్మరథం పడుతున్నారు. ఇక సోషల్ మీడియాలోనూ బేబీ మూవీపై ఓ రేంజ్లో చర్చసాగుతుండడంతో రిపీటెడ్ ఆడియెన్స్ పెరగుఉతున్నారు. జులై 14న విడుదలైన బేబీ సినిమా మొదటి రోజు రూ. 7 కోట్లకు పైగా రాబట్టగా, రెండో రోజు కూడా 7.3 కోట్లకు పైగానే వసూళ్లు రాబట్టింది. ఇక ఆదివారం ఈ కలెక్షన్లు మరింత పెరిగాయి. మొత్తం రూ.10 కోట్ల వరకు వచ్చినట్లు ట్రేడ్ నిపుణులు చెబుతున్నారు. దీంతో ఆనంద్ దేవరకొండ సినిమా ఇప్పటివరకు (3 రోజుల్లో) ప్రపంచవ్యాప్తంగా రూ. 23.50 గ్రాస్ వసూళ్లు సాధించినట్లు తెలుస్తోంది. తెలుగు రాష్ట్రాలతో పాటు అమెరికాలోనూ బేబీ మూవీకి భారీ వసూళ్లు వస్తున్నాయి.
కాగా ఈ వారం థియేటర్లలో పెద్ద సినిమాలేవీ రిలీజ్ కావడం లేదు. జులై 28న పవన్ కల్యాణ్, సాయి ధరమ్ తేజ్ల బ్రో మూవీ వచ్చే వరకు బేబీ కలెక్షన్లకు ఢోకా లేదు. సో.. రాబోయే రోజుల్లో బేబీ వసూళ్లు మరింత పెరగవచ్చు. సాయి రాజేష్ తెరకెక్కించిన ఈ ఫీల్గుడ్ లవ్స్టోరీలో విరాజ్ అశ్విన్ మరో కీలక పాత్ర పోషించాడు. విజయ్ బుల్గానిన్ స్వరాలు సమకూర్చాడు. మాస్ మూవీ మేకర్స్ బ్యానర్ మీద ఎస్కేఎన్ బేబీ మూవీని నిర్మించారు.
మరిన్ని సినిమా వార్తల కోసం క్లిక్ చేయండి..
