Avatar2 Collections: దుమ్మురేపుతోన్న అవతార్2.. 15 రోజులకు ఎంత వసూల్ చేసిందంటే
సినిమాకు క్రేజ్ ఏమాత్రం తగ్గలేదు. భారీ ఓపినింగ్స్ తో అదరగొట్టిన అవతార్2 ఇప్పటికీ అదే దూకుడుతో దూసుకుపోతోంది. గతంలో వచ్చిన అవతార్ సినిమాకు సీక్వెల్ గా ఈ సినిమాను తెరకెక్కించాడు దర్శకుడు జేమ్స్ కామెరూన్.
Updated on: Jan 01, 2023 | 3:20 PM
జేమ్స్ కెమరూన్ తెరకెక్కించిన విజువల్ వండర్ అవతార్ 2 సినిమా ప్రేక్షకులను ఆకట్టుకున్న విషయం తెలిసిందే. మొదటి పార్ట్ విడుదలైన 13 ఏళ్లకు సెకండ్ పార్ట్ రిలీజ్ అయ్యింది. అయినా కూడా ఈ సినిమాకు క్రేజ్ ఏమాత్రం తగ్గలేదు. భారీ ఓపినింగ్స్ తో అదరగొట్టిన అవతార్2 ఇప్పటికీ అదే దూకుడుతో దూసుకుపోతోంది. గతంలో వచ్చిన అవతార్ సినిమాకు సీక్వెల్ గా ఈ సినిమాను తెరకెక్కించాడు దర్శకుడు జేమ్స్ కామెరూన్. ప్రపంచం మొత్తం ఎంతో ఆత్రంగా ఎదురుచూసిన ఈ సినిమా డిసెంబర్ 16 న గ్రాండ్ గా రిలీజ్ అయ్యింది. సుమారు 400 మిలియన్ డాలర్ల భారీ వ్యయంతో తెరకెక్కిన ఈ విజువల్ వండర్ ఆడియన్స్ ను ఫిదా చేస్తుంది అవతార్. ఈ సినిమా ప్రపంచ వ్యాప్తంగా ఏకంగా 160 భాషలలో విడుదలై సంచలనం సృష్టించింది. ఇక ఈ సినిమా తెలుగు ప్రేక్షకులను కూడా విపరీతంగా ఆకట్టుకుంది.. తెలుగు రాష్ట్రాల్లో ఈ చిత్రం మొదటి రోజుకే బ్రేక్ ఈవెన్ సాధించింది.
ఇక ఈ సినిమా రిలీజ్ అయ్యి పదిహేను రోజులు అవుతున్నా ఇప్పటికి అదే రేంజ్ లో కలెక్షన్స్ సాధిస్తోంది. ఈ మూవీ ఇండియా వైడ్ గా రూ.300.90 కోట్ల నెట్ కలెక్షన్లను,రూ.347.88 కోట్ల గ్రాస్ కలెక్షన్లను సాధించిందని ట్రేడ్ వర్గాలు చెప్తున్నాయి. ఇక తెలుగు రాష్ట్రాల్లో 15 రోజుల కలెక్షన్లను ఎలా ఉన్నాయంటే.
నైజాం 26.84 కోట్లు, సీడెడ్ 5.88 కోట్లు, ఉత్తరాంధ్ర 6.66 కోట్లు, ఈస్ట్, వెస్ట్ కలిపి 2.91 కోట్లు, కృష్ణా , గుంటూరు కలిపి 5.46 కోట్లు, నెల్లూరు 2.51 కోట్లు, మొత్తంగా ఏపీ, తెలంగాణ కలిపి 50.26 కోట్లు వసూల్ చేసింది అవతార్ 2 సినిమా.
